Jeremia 14:16 - O Debleskro Drom 2021 (Sinte)

¹⁶ Jaake djal ninna kol menshenge, kai shunenn ap lende. Jon hi mulo tchiddo ap i dromma an Jerusalem. I bok un o charo maras len. Un kek paskrell len, lengre romjen un lengre tchawen. Me anau tchilatchepen pral lende, jaake har jon tchilatchepen kran.

O Debleskro Lab 2024 (Sinte-Manouche)

¹⁶ Yaake djal ninna kol menshenge, kay shounenn ap lende. Yon hi moulo čiddo ap i dromma an Yerusalem. I bok oun o rharo maras len. Oun kek paskrell len, lengre romyen oun lengre čaven. Me anau čilačepen pral lende, yaake har yon čilačepen kran.

Jeremia 14:16 ပူးပေါင်းရင်းမြစ်များ

Gosewe laba 1:31

Doleske hunte chan le, hoi ap lengre dromma bares was. un wenn tchalo kolestar, hoi an lengre sherja trujel djas.

Jesaja 51:20

Tire tchawe peran khetne, un his tchiddo ap hake dromma. Jon hi har i tserfo, hoi an i netsa djas. Jaake tapras len koi choli o baro Deblestar, un leskro tchingepen.

Jesaja 9:16

Doleske nai well o Dewel gar bachtelo pral lengre terne murshende, un les nai hi kek dji kol tchawenge, kolen kek dad buder hi, ninna kol djuwjenge, kolengre romma meran. Jon halauter peran o Debleskro dromestar tele, kran tchilatcho koowa, un rakrenn pen dinlepen khetne. Pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 18:21

Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

Jeremia 20:6

Un tu, Pashur, weh tapedo khetne kolentsa, kai pash tute an o kheer hi, un pandles an Babilonia anlo. Kote hunte meress un weh paskedo tire tsele malentsa, kai ginal lenge chochepen dren.

Jeremia 27:15

O baro Dewel penell lendar: Me bitchrom len gar. Jon penenn, te wenn lengre laba mandar. Kowa hi chochepen. Te patsenn tumer lenge, tradau tumen win, un tumer wenn maredo khetne kol chochene rakepangre.

Jeremia 4:18

Hoi tumer kran un har djiwan, anas tumenge kowa dren. Kowa well dran tumaro tchilatchepen, te djal tumenge jaake djungelo, un djal tumenge an tumaro dji.

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Jeremia 7:33

Tchirkle un diwje vieche chan kol mule menshen pre, un kek tradell len krik.

Jeremia 8:1

O baro Dewel penell: An ko tsiro wenn kol kokale kol bare rajendar dran o them Juda kote win lino, kai le paskedo hi, ninna kol kokale kol pralstunendar un rashajendar, kol kokale o Debleskre rakepangrendar, un kol kokale kol menshendar an Jerusalem.

Jeremia 8:2

Un kol kokale wenn koi trujel witsedo glan o kham un o tchon un i tsele bolepangre momlia, kolen kaman kol menshe, un mangan len an, un nashan lenge pal. Kolendar putchan jon un sharan len. Kol kokale wenn gar pre hadedo un wenn gar paskedo. Jon wenn ful i phubjake.

Jeremia 9:20

An mare khera was o merepen, an i wochja djas lo dren. I tchawe ap i dromma meran, un i terne mursha hi mulo tchiddo ap i platse.

Jeremia 9:22

I gosewo te sharell pes gar, kai job gosewo hi. I sorelo te sharell pes gar, kai job sorelo hi. I brawelo te sharell pes gar, kai job brawelo hi.

Ezekiel 39:14

Un pal kal efta tchonna bitchrenn le murshen win, te djan jon an o tselo them trujel un rodenn pal mulen, kai pral atchan, te wenn le paskedo, te atchell o them buder gar pale-tchiddo.

Amos 7:17

Doleske penell o baro Dewel: Tiri romni well i lubni an o foro. Tire tchawe un tcha wenn maredo o chareha. Tiri phub lenn wawar menshe. Tu meress an i pale-tchiddo them. Un i Israelitarja wenn win tradedo dran lengro them.”

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Debleskro tsiro 16:1

Un me shunom, har jek dran o Debleskro kheer bari gole das un ap kol efta bolepangre penas: “Djan win un tchorenn kol efta tchare, kai pherdo Debleskri choli hi, pral i phub win!”