Jeremia 14:15 - O Debleskro Drom 2021 (Sinte)

¹⁵ Kowa hi, hoi me, o baro Dewel, krau ap kol rakepangre, kai penenn, te rakrenn le an miro lab, ninna te bitchrom len gar. Jon penenn ninna, te well kek kurepen un kek bok an kau them. Sawe rakepangre hunte merenn an o kurepen un i bokatar.

O Debleskro Lab 2024 (Sinte-Manouche)

¹⁵ Kova hi, hoy me, o baro Devel, krau ap kol rakepangre, kay penenn, te rakrenn le an miro lab, ninna te bičrom len gar. Yon penenn ninna, te vell kek kourepen oun kek bok an kava them. Save rakepangre hounte merenn an o kourepen oun i bokatar.

Jeremia 14:15 ပူးပေါင်းရင်းမြစ်များ

1. Rajengro liil 22:25

“Tchatchepah” penas o Micha, “tu dikeh les ap ko diwes, kai khatreh tut an i palstuni isema!”

Jeremia 20:6

Un tu, Pashur, weh tapedo khetne kolentsa, kai pash tute an o kheer hi, un pandles an Babilonia anlo. Kote hunte meress un weh paskedo tire tsele malentsa, kai ginal lenge chochepen dren.

Jeremia 23:30

Doleske, penell o baro Dewel, djau me ap kol rakepangre pre, kai tchorenn i lab jek o wawarestar, un penenn: Kowa well o baro Deblestar.

Jeremia 27:15

O baro Dewel penell lendar: Me bitchrom len gar. Jon penenn, te wenn lengre laba mandar. Kowa hi chochepen. Te patsenn tumer lenge, tradau tumen win, un tumer wenn maredo khetne kol chochene rakepangre.

Jeremia 6:15

Jon hunte ladjans pen ko djungelo koweha, hoi jon kran. Kowa krenn le gar. Jon ladjenn gar. Jon djinenn gar, hoi ladj hi. Doleske wenn jon maredo khetne kol wawarentsa. Te wau me, un dau len i phagi, atchell kek lendar djido, penell o baro Dewel.

Jeremia 8:12

Jon hunte ladjans koleske hoi jon kran, koweha man choiran. Kowa krenn le gar. Jon ladjenn gar. Hoi ladj hi, djinenn le gar. Doleske wenn jon maredo khetne kol wawarentsa. Te wau me, un dau len i phagi, hunte perenn le, penell o baro Dewel.

Jeremia 8:13

Te kamau pash mire menshende latchepen te hatsell, hom har i hacho, kai kamell drake un faige dren te lell, un kai hatsell kek drake un kek faige ap i ruka. Ninna kol patria peran tele, penell o baro Dewel. Doleske dom kal menshen pre. Wawar menshe lenn penge lengro them.

Ropaskre gilja 1:19

Me kharom mire pirnen, un jon mukan man kokres. Mire rashaja un i phureder meran an o foro, har dikan le pal i kotar maro, te nai rikrenn le pen djido.

Ropaskre gilja 2:20

Baro Dewel, muk tire jaka ap mende te dikell! Dik, koneha jaake trujel djal! Hunte chan i djuwja pengre tchawe, kolen jon ap i mussja hidjrenn? Hunte wenn i rashaja un tire rakepangre an tiro kheer mulo dino?

Ezekiel 13:14

Jaake phagau koi massuri tele, hoi tumer parnes makan. Me mukau lat trujel te witsrell, te wenn lakre telstune barra diklo. Te perell li khetne, perenn i barra ap tumende, un tumer merenn. Un tumer dikenn un haiwenn, te hom me o baro Dewel.

Ezekiel 13:15

Te was miri tseli choli ap koi massuri un ap kolende, kai kran lat parno, penau ap tumende: Koi massuri hi buder gar koi, witar gar kolla, kai lat parnes makan.

Ezekiel 13:9

Miro wast well pral kol rakepangre, kai penenn glan-wi, hoi gar tchatcho hi, un kai durkrenn chochepen, te dap len i phagi. An o tsillo, kai mire menshe khetne wenn, nai wenn jon gar dren. Un an o liil, kai i laba i menshendar dran Israel dren tchinlo hi, wenn lengre laba gar dren tchinlo. Un an o them Israel wenn le gar palpale. Palle dikenn un haiwenn tumer, te hom me o baro Dewel, tumaro rai.

Ezekiel 14:10

Jaake hunte hidjrenn kol dui pengri doosh: Kowa, kai putchas, un ko Debleskro rakepaskro.

Ezekiel 14:9

Te mukell pes i Debleskro rakepaskro jaake dur te anell, te dell lo les i lab mandar dureder, palle krau me, o baro Dewel, te dell lo i chocheno lab dureder. Un me hadau miro wast pral leste, un krau les pale-tchiddo, te djiwell lo buder gar mank mire menshende Israel.

Ezekiel 33:6

Hi wawartchandes, te dikell kowa, kai jak hunte dell, i lurden te well, un job phurdell gar an i phurdepaskri, te djinenn i menshe, hoi pral lende wella. Un palle wenn i lurde un denn jekes mulo. Palle merell kawa peskri doshake, hoi lo ap peste anas. Ap koleste, kai gar an i phurdepaskri phurdas, penau me palle: Tut hi doosh ap leskro merepen.

Amos 7:17

Doleske penell o baro Dewel: Tiri romni well i lubni an o foro. Tire tchawe un tcha wenn maredo o chareha. Tiri phub lenn wawar menshe. Tu meress an i pale-tchiddo them. Un i Israelitarja wenn win tradedo dran lengro them.”

Micha 3:5

Kawa penell o baro Dewel ap i rakepangre, kai penenn, te well len i lab o baro Deblestar, un kowa hi gar jaake. Jon chochenn i menshen un penenn kolenge, kai denn len chapaske: Halauter well mishto tumentsa! Kolenge, kai denn len tchi te chal, penenn le: I tchilatcho tsiro well pral tumende.

5. Mose 18:20

Te phurdell pes i Debleskro rakepaskro pre, un penell i rakepen an miro lab, hoi me leske gar penom, te hunte rakrell lo, sawo rakepaskro hunte merell. Ninna te rakrell job an o lab i wawar deblestar, hunte merell lo.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.