Jeremia 13:27 - O Debleskro Drom 2021 (Sinte)

²⁷ Jerusalem, me dikom, har mukal man, dikom tiri chantch pal wawar deblen, tiro wi-ladjedo koowa, tire figure, kolentsa choiral man ap i berge un ap o them. Tu bibachteli, hal pale-tchiddo glan mande! Har rah kameh tu kowa te atchell?

O Debleskro Lab 2024 (Sinte-Manouche)

²⁷ Yerusalem, me dikom, har moukal man, dikom tiri rhanč pal vavar deblen, tiro vi-ladjedo koova, tire figure, kolentsa rhoyral man ap i berge oun ap o them. Tou bibarhteli, hal pale-čiddo glan mande! Har rah kameh tou kova te ačell?

Jeremia 13:27 ပူးပေါင်းရင်းမြစ်များ

Debleskri gili 94:4

Bare laba krenn le, sharenn pen kokres, kolla lauter, kai krenn i wawarenge tchilatchepen.

Debleskri gili 94:8

Denn jak, tumer dinele mank i menshende, tumer narwele, kamenn gar gosewo te well?

Gosewe laba 1:22

Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Jesaja 57:7

Israel, tu kral tiro tchiben pral ap i bari berga, un djal koi pre, te maress viechen kolenge, kai kek dewel hi.

Jesaja 65:7

Ko tchilatcho koowa, hoi jon kran, un ko tchilatcho koowa, hoi lengre phure kran, penell o baro Dewel. Jon chatchran ap i berge wawar deblenge sungepaskro koowa, un koleha anan le ladj ap mande. Jaake dau me kowa ap lengre sherja pale, kowa lauter, hoi kran le ninna an i phure tsirja.

Jeremia 11:15

Kal menshe, kai len kamau, hoi krenn le an miro kheer? Jon krenn tchilatchepen un penenna: ‘Koi doosh, hoi ap mende anam, well mendar krik lino, te dah mer sowel, te anah o Debleske viechen.’ Un te krenn jon djungelo koowa, hi le bachtelo koi pral.

Jeremia 3:6

An ko tsiro, kai o Josia o baro rai his, penas o baro Dewel ap mande: Dikal tu, hoi i Israelitarja kran? Jon hi har i djuwel, kai mukas peskro romes, un djas ap kol tsele berge un tel hake senele ruka un das pes trujel wawar murshentsa.

Ezekiel 16:23

Har djungeles djal tuke, penell o baro Dewel, maro rai! Gar kokres kau tchilatcho koowa kral!

Ezekiel 2:10

Un job kras les glan mande pre. Un laba his ap kol dui rigja tchinlo: ropangre gilja un ropaskri gole un dukedi gole.

Ezekiel 20:28

Har me len an o them anom, kolestar man sowel dom, te dap les lende, mangan le wawar deblen an. Hako kopo, kai dikan le i tikni berga oder i baro ruk bud patjentsa, chatchran le viechen i chochene deblenge, un kran man chojedo koleha, hoi le lenge anan. Jon chatchran sungepaskro koowa lenge, un tchoran mool win lenge.

Ezekiel 24:12

Tchitcheske his koi tseli budi! Ninna te was koi piri an i jag jaake tato, djas lakri tchik gar tele!

Ezekiel 24:13

Jerusalem, kowa, hoi kras tut pale-tchiddo, hi tiro wi-ladjedo koowa. Har kamom me ko pale-tchiddo koowa tutar krik te lell, kamal te atchell har hals. Doleske atcheh pale-tchiddo, jaake rah me miri choli ap tute win mukom!

Ezekiel 24:6

Kawa penell o baro Dewel, maro rai: Hawi bibacht well ap o foro, hoi jaake bud rateskri doosh ap peste las! Ko foro hi har i piri, hoi gar djudjo kerdo was, un kolakro tchik gar tele djal. Le jek kotar mass pal o wawar win dran late! Muk tchi an i piri dren!

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Ezekiel 36:37

Kawa penell o baro Dewel, maro rai: Ninna kowa krau i menshenge dran o kheer Israel: Te mangenn le mandar, mukau lendar jaake bud te well, har hi len bakre.

Ezekiel 6:13

Palle hi i mulo-dine tchiddo mashkral pengre chochene deblende, un trul lengre chatchepangre trujel ap haki tikni un bari berga, un tel hako baro ruk bud patjentsa, un tel hake wawar senele ruka, kai mangan le pengre chochene deblen an, un chatchran lenge latcho sungepaskro koowa. Un tumer dikenn un haiwenn, te hom me o baro Dewel.

Hosea 1:2

Har rakras o baro Dewel o ersto kopo ap o Hosea, te penell job leskre laba i menshenge, penas lo ap leste: Rode tuke i lubni un romedine lat! Tut hunte well tchawe, kai i lubjatar ap i phub anlo wenn. Jaake sikreh: I menshe an kau them hi har i lubni: Jon mukan man un nashenn wawar deblenge palla.

Hosea 4:2

Kowa, hoi pash tumende hatslo well hi koshepen, chochepen, tchorepen, menshe wenn mulo dino, un bud mursha chochenn pengre romjen, un bud djuwja pengre romen. Un jon marenn jekes pal o wawares.

Hosea 8:5

Tumer an o foro Samaria, ko sonakaskro terno gurum, koles tumer an-mangenn, hi mange pale-tchiddo. Miri choli pral tumende hi sorelo. Har rah atchell kowa jaake, te rikrenn ap ko pale-tchiddo koowa?

Zefanja 3:1

Djungeles djal ko foreske, kai hadas pes pral o baro Debleste, ko foreske, an koleste tchilatchepen un marepen hi!

Mateo 11:21

Un job penas: Bibachtelo wenna tumer menshe an o foro Korazin! Bibachtelo wenna tumer menshe an o foro Betsaida! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un tchiwans jagakri tchik ap pengre shere, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

2. Korintarja 12:21

Me trashau te ladjap man tumenge glan o Debleste ap ko diwes, kai wau pale pash tumende, un te well mange ropaske pral budende, kai kamenn pengro phuro djipen gar pre te dell, un djiwenn an djungelo un wi-ladjedo koowa un lubrenn pen trujel jaake har kran le an ko tsiro, har jon gomme gar patslo his.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Jakobo 4:4

Tumer chochran un mukan o Debles! Djinenn tumer gar, kai kolla, kai tchiwenn pengre djia ap i phubjakro koowa, kolla hi gar o Debleskre mala? Koon kamell ko drom te djal, hoi i menshe ap kai phub djana, kowa kamell o Debles gar.

Debleskro tsiro 8:13

Un me dikom dur pral ap o bolepen i baro tchirkles, un shunom, har job gole das: Bibacht, bibacht, bibacht! Te phurdenn i wawar triin bolepangre an pengre phurdepangren, palle wella i bari bibacht ap kolende, kai ap i phub djiwenna.