Jeremia 13:24 - O Debleskro Drom 2021 (Sinte)

²⁴ Doleske tradau tumen kate te kote, te atchenn gar buder khetne, jaake har phurdell o ducho dran o mulo tato them o phuss kate te kote.

O Debleskro Lab 2024 (Sinte-Manouche)

²⁴ Doleske tradau t'men kate te kote, te ačenn gar bouder khetne, yaake har phourdell o dourho dran o moulo tato them o phouss kate te kote.

Jeremia 13:24 ပူးပေါင်းရင်းမြစ်များ

Debleskri gili 1:4

Jaake hi i tchilatchentsa gar. Jon hi har tchik, hoi i ducho krik phurdell.

Jesaja 17:13

Awa, har bare diwje panja wenn le sik. Koi tchingrell o Dewel ap lende, un jon nashenn penge, un wenn tradedo har o phuss, hoi phurdell i sorelo ducho pral o them, un har patria, hoi phurdell lo trujel.

Jesaja 41:16

Tu witsreh len pre, un i ducho hidjrell len krik, un i phurdepen phurdell len kate te kote. Palle weh bachtelo pral tiro baro Debleste, un shareh tut tiro Debleha, kai o Israeleskro tchatcho Dewel hi.

Jeremia 18:17

Me mukau wawar menshen pral mire menshende te well, kai tradenn len krik har i sorelo ducho, kai well kotar, kai o kham pre djala. Me kamau lenge o dumo te sikrell, un wau gar ap lengri rig ap ko diwes, kai well i bibacht pral lende.

Jeremia 9:16

O baro Dewel, ko rai pral o bolepen un i phub, penell: Denn garda ap kowa, hoi wella! Denn kol djuwjen gole, kai i baro ropen krenna! Bitchrenn pal kolende, kai haiwenn ropaskre gilja te giwenn!

Ropaskre gilja 1:15

O baro Dewel stakras mire sorele kurepangren khetne, kai pash mande his; Job mukas i marepaskro chapen win te kharell, te nai wenn mare terne mursha maredo. Jaake har drake khetne stakedo wenn, te well i mool win, stakras lo i menshen dran Juda khetne.

Ezekiel 17:21

Un leskre wi-rodede lurde wenn o chareha mulo dino. Un kolla, kai djido atchenn, wenn tradedo ap hake rigja. Un tumer dikenn un haiwenn, te rakrom me, o baro Dewel.

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

Ezekiel 5:2

Ap ko tsiro, kai well o foro dren lino, chatche jek triinto kotar fun kol balla mashkral an o foro. Un i wawar triinto kotar de ko chareha paash win glan kol foreskre wudja. Un ko wawar triinto kotar witse pre, te lell len o ducho peha! Jaake lau me i menshen dran Jerusalem palla o chareha.

Ezekiel 6:8

Gar halauter tumendar mukau o chareha mulo te dell. Kolla, kai atchenn djido, mukau pandles krik te anell an wawar themma.

Hosea 13:3

Doleske hi le har i wolka, hoi taissarlakro sik krik djal, un har ko pani, hoi ap o senlepen hi, un sik buder gar koi hi. Awa, har o phuss hi le, hoi well dran i platsa win phurdedo, kai o djob win dino was, un har i jagakro ducho, hoi tserdell dran i wochni win.

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

Zefanja 2:2

glan ko diwes, kai well kowa, hoi job peske glan las, un tumer krik phurdedo wenn har o djobengri tchik, hoi i ducho krik phurdell; awa, glan ko diwes, kai well koi soreli choli o baro Deblestar pral tumende, un job i phagi pral tumende win rakrell!

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

5. Mose 28:64

Un job tradell tumen mank i menshende an i tsele themma ap kai phub, kolen kate, un kol wawaren kote. Lengre deblen dran kasht un bar mangenn tumer kote an. Kol deblen prindjrenn tumer gar un prindjran witar gar tumare phure.

5. Mose 32:26

Te daroms me gar o sapen kolendar, kai hi chojedo pral lende, penoms me: “Me marau len halauteren, te well lengro lab bistedo ap i phub.” Kowa krau gar, te phurdenn pen kolla gar pre, kai kuran pen lentsa, te nashte penenn jon gar: “Dran mari soor was kowa. O baro Dewel kras kawa gar.”

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.