Jeremia 13:18 - O Debleskro Drom 2021 (Sinte)

¹⁸ Pen o baro rajeske un leskri dake: Awenn tele tumari beshepaskri! I raili rajeskri stadi peras tumaro sherestar tele.

O Debleskro Lab 2024 (Sinte-Manouche)

¹⁸ Pen o baro rayeske oun leskri dake: Avenn tele t'mari beshepaskri! I rayli rayeskri stadi peras t'maro sherestar tele.

Jeremia 13:18 ပူးပေါင်းရင်းမြစ်များ

2. Rajengro liil 24:12

Un o Jojachin, ko rai pral o them Juda, das pes an i wasta ko rajestar dran o them Babilonia, un djas win pash leste: job un leskri dai un leskre pralstune budepangre un bare lurde, ninna kol raja, kai an leskro kheer his. Un o Nebukadnezar, ko baro rai dran o them Babilonia, tchiwas les stildes. An ko tsiro his o Nebukadnezar an o ochtato bersh baro rai.

2. Rajengro liil 24:15

Un job mukas an o them Babilonia te anell: o Jojachin un leskri dai un leskre romja; kol raja, kai an leskro kheer his; ninna pandas lo an o foro Jerusalem i pralstunen pral o them Juda, un anas len an o them Babilonia;

2. Familjakro liil 33:12

Har lo an bari daar his, mangas lo o ropah o baro Debles, kai leskro Dewel un o Dewel leskre phurendar his, un penas leske, har bud les leskri doosh khaitas.

2. Familjakro liil 33:19

An o liil, hoi i dikepangre tchinan, hi tchinlo, har o Manasse o baro Debles mangas, un har kowa les shunas, ninna leskri tseli doosh, un har lo o baro Debles mukas, un kai lo mulne platse kras, un chochene deblen pre tchiwas, ninna koi figura, hoi i Ashera sikras, – kowa lauter, hoi lo kras, glan te dikas lo peskri doosh dren glan o baro Debleste.

2. Familjakro liil 33:23

Un job sikras gar o baro Debleste, kai les khaitas, hoi job kras, har leskro dad o Manasse kras. Na-a, job las gomme budeder doosh ap peste.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

Gosewe laba 27:24

Brawlepen atchell gar, un i themeskro rai atchell gar rai hako tsiro.

Jesaja 3:20

ninna lengre stadja, tikne werklia, pereskre dorja, lengro sungepaskro pani, lengre bachtjakre,

Jesaja 3:26

I menshe an tiro foreskre wudja, Jerusalem, denn palle gole un rowenn. Un o foro hi palle wi-tchoredo un muklo.

Jesaja 47:1

Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

Jeremia 22:24

Me dau man sowel pash miro djipen, penell o baro Dewel: Konja, tu tchawo o Jojakimestar un rai pral o them Juda, me penau tuke: Ninna te wals tu i gustri ap miro gushto, hoi sikrell kai me o baro rai hom, tserdoms me ko gustri tele.

Jeremia 22:26

Un me tradau tut un tiri dat an i wawar them, kai gar khere han. Kote merenna tumer dui.

Jeremia 29:2

Job tchinas kau liil pal kowa, kai o baro rai Jekonja un leskri dai krik anlo wan khetne kol pralstunentsa dran o baro rajeskro kheer un i pralstunentsa dran o them Juda un dran o foro Jerusalem. Ninna kol budepangre an Jerusalem, kai haiwenn mishto te budrell o kashteha un o sasteha wan lentsa krik anlo.

Jeremia 36:16

Har shunan le kol tsele laba, lan le traash un penan leske: Ko hunte penas mer o baro rajeske!

Ropaskre gilja 1:6

O foro Zion nashras peskro tselo shukapen! Leskre pralstune hi har tserfe, kai hatsenn kek senlepen. Un wi-bokedo hi len kek soor, te nashenn le penge glan kolende, kai len palla lenn.

Ropaskre gilja 1:9

Lakro ripen hi pherdo tchik. Un joi patsas gar kai lake jaake djala. Dur tele peras li, un kek hi lake koi, kai penell lake i kamlo lab. “Dik, baro Dewel, har djungeles mange djala, un kolla, kai man khetne dan, krenn pen bares.”

Ropaskre gilja 2:10

I phure an o foro Jerusalem hi beshdo ap i phub, un penenn kek lab. Jon witsran tchik ap pengro shero, un riwan gone ap pende. I terne tchenge an o foro Jerusalem hi ropaske. Jon djan ap pengre tchanga o mujeha ap i phub.

Ropaskre gilja 5:16

Mer nashram maro railepen. Mari doosh, hoi anam ap mende, anas men an i bibacht!

Ezekiel 16:12

i gustri an tiro nak, un kanengre an tire kanda, un i kutch rajeskri stadi ap tiro shero.

Ezekiel 21:26

Kote kai ko jek dromestar dui dromma win djan, atchell lo o baro rai dran Babilonia tardo, te putchell lo i durkepangren, hoi te krell. Job witsrell kashta ap i phub, te dikell lo, har le perenn. Un putchell peskre khereskre deblen. Un job dikell palla, har i buko i maredo viechestar win dikell.

Ezekiel 24:17

Tchorchanes nai leh phares ducho. Ma rob i bari goljah har jek pral jekeste rowell, kai meras! Rike tiro diklo trul tiro shero, un ma rib tire kircha win! Ma tchake tiri tchor tele! Un ma cha ko maro, hoi kolenge anlo well, kai rowenn pral i mensheste, kai meras.

Ezekiel 24:23

Tumare dikle mukenn trul tumare sherja un kircha ap tumare pire. Tumer denn gar gole un rowenn gar. Tumer perenn an tumende khetne, jaake baro hi i doosh ap tumende. Un mank tumende lenn tumer phares ducho.

Ezekiel 44:18

Lengro shereskro diklo un lengre cholopja hunte wenn dran laintikro than. Kek koola hunte wenn ap lende, hoi krenn, te well lenge tato un te nashell o pani lendar tele.

Daniel 5:20

Har hadas pes leskro dji, un was job jaake pre-phurdo, te rikras lo glan tchi buder pale, was lo tele witsedo peskro rajeskro beshepaskri. Un o rajeskro barepen was lestar krik lino.

Jona 3:6

Har o baro rai o forestar Ninive shunas, hoi o Jona rakras, stas lo pre peskro beshepastar, riwas peskri kutch plaashka win, un tchiwas i gono ap peste, un beshas pes an i jagakri tchik.

Mateo 18:4

Koon krell pes gar bares un well har kau tchawo, kowa hi o bareder mank kolende, kai djan ap o Debleskro drom.

Jakobo 4:10

Witsrenn tumen tele glan o Debleste! Un job krell tumen bares.

1. Petro 5:6

Doleske krenn tumen tikno tel o Debleskro sorelo wast! O Debleskro tsiro wella, kai job tumen bares krella.