Jeremia 13:17 - O Debleskro Drom 2021 (Sinte)

¹⁷ Te kamenn tumer kowa gar te shunell, hunte rowap tchorchanes pral tumare pre-phurde djia. O Debleskre menshe wenna pandles krik anlo. Un mire swa herenn gar pre te nashell.

O Debleskro Lab 2024 (Sinte-Manouche)

¹⁷ Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Jeremia 13:17 ပူးပေါင်းရင်းမြစ်များ

Debleskri gili 119:136

Rowau bud swa pral kolende, kai mukenn tiro drom.

Debleskri gili 80:1

I gili o rajeske pral i gipangre, te giwell pash o bashepen ap i shob-dorjengri bashepaskri. Kai gili kras o Asaf.

Jesaja 63:11

Kote mukan le penge pale i phure tsirja an o shero te djal, kol diwessa, kai o Mose, djiwas, un putchan pendar: Kai hi o baro Dewel, kai las peskre menshen win dran o baro pani, khetne kolentsa, kai ap lende jak dan? Kai hi o baro Dewel, kai ap lende peskro ducho tchiwas?

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Jeremia 15:17

Me nai hom gar wawar menshentsa bachteles khetne beshdo, un sau lentsa, tu tchiwal tiro wast ap mande, un hom kokres. Tiri choli pral kal menshende was ninna an mande.

Jeremia 17:16

Tu djineh, me homs lenge har i bakrengro, un krom hoi mange penal. Me kamom gar, te well bibacht pral lende. Lauter, hoi lenge penom, djineh tu.

Jeremia 22:5

Te shunenn tumer gar ap kal laba, well kau kheer paash dino. Kowa dom man sowel pash mande kokres, penell o baro Dewel.

Jeremia 23:1

Bibacht ap tumende, tumer pralstune, kai hunte wans har bakrengre mire menshenge, un mukenn len nashedo te djal, un rikrenn len gar khetne.

Jeremia 23:2

Doleske penell o baro Dewel, ko Dewel pral o Israel, ap i pralstunende, kai hunte dans garda ap leskre menshende: Tumer rikran mire menshen gar khetne. Jon hi har bakre, kai wan kate te kote tradedo. Tumer dan gar garda ap lende. Kanna dau me garda, te lenn tumer tumari phagi ko tchilatchepaske, hoi kran.

Jeremia 9:1

Te wals man an o mulo tato them i kheer, kai nai atchau, mukoms me mire menshen, un djoms mange. Jon lauter hi har romma, kai mukan pengre romjen beshdo. Jaake mukan kal phukepangre o baro Debles.

Ropaskre gilja 1:16

Doleske rowau, un mire jaka hi pherde swa. Man hi kek, kai penell mange latche laba, te lell miro dji pale newi soor. Mire tchawe hi kokres koi tardo, Kolla, kai dan men khetne, wan i sorleder.

Ropaskre gilja 1:2

An i rati roweh, un tire swa nashenn tuke i tchamja tele. Kek tire tsele pirnendar well, un penell tuke i kamlo lab. Tire tsele mala mukan tut, un wan tchilatches ap tute.

Ropaskre gilja 1:9

Lakro ripen hi pherdo tchik. Un joi patsas gar kai lake jaake djala. Dur tele peras li, un kek hi lake koi, kai penell lake i kamlo lab. “Dik, baro Dewel, har djungeles mange djala, un kolla, kai man khetne dan, krenn pen bares.”

Ropaskre gilja 2:18

Jerusalem, de soreles o Debleske gole, pen leske, hoi tuke phares hi! Ap o diwes un an i rati muk tire swa tele te nashell har i lengsto pani, hoi nashella. Rob, un ma muk tele!

Ropaskre gilja 3:48

I swa nashenn dran mire jaka tele, te dikau har djungeles mire menshenge djal.

Ezekiel 24:16

Tu, mensho, djiness, ap jek kopo lau tuke ko menshes, kai tuke o kamleder hi. Tu kress kek gole un rowess gar! Kek swa wenn dran tire jaka.

Ezekiel 34:31

Awa, tumer mire menshe, han mire bakre, ap kolende jak dau. Un me hom tumaro Dewel. Kawa penell o baro Dewel, maro rai.

Ezekiel 36:38

An kol forja, kolendar kanna tchi har barra koi hi, djiwenn palle jaake bud menshe, har his bakre an o foro Jerusalem an kol bare diwessa, har kol bakre o baro Debleske maredo un chatchedo wan. Un jon dikenn un haiwenn palle, te hom me o baro Dewel.

Ezekiel 9:4

un penas ap leste: An o foro Jerusalem hi gomme menshe, kolengro dji rowell un dell gole pral kau bud djungelo koowa, hoi kate kerdo well. Dja an o tselo foro trujel, un kre i sikepen glan ap kolengre sherja.

1. Samuel 15:11

“Man dukella, te tchiwom me o Saules pral o Israel, te well lo lengro baro rai. Job sikras mange o dumo, un kras gar, hoi me leske penom.” Kowa dukas o Samueles an o dji, un job das i tseli rat ap o baro Debleste gole.

1. Samuel 15:35

Un o Samuel dikas o Saules buder gar jaake rah har djiwas lo. Un leskro dji rowas pral o Saul. O baro Debles khaitas, te rodas lo les win, te well lo o rai pral o Israel.