Jeremia 13:16 - O Debleskro Drom 2021 (Sinte)

¹⁶ Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

O Debleskro Lab 2024 (Sinte-Manouche)

¹⁶ Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Jeremia 13:16 ပူးပေါင်းရင်းမြစ်များ

Hiob 3:5

Mu well ko diwes pherdo kalepen un tamlepen! Kale wolke mu atchenn pral leste! Un o kham mu well kalo ap ko diwes, te well i menshenge bari daar!

Debleskri gili 107:10

Wawar his beshdo an o stilepen, kai his kek momeli, kokres kali rat. Lengre wasta un herja his pandle an saster un dukran len.

Debleskri gili 107:14

un anas len win dran i kali rat, kai kek momeli his, un kras lengre sasterne shelle pre.

Debleskri gili 29:2

Krenn leskro lab baro! Awenn un witsrenn tumen tele glan o baro Debleste, te well lo an peskre shukar un kutch ripja!

Debleskri gili 44:19

Mare djia mukan tut gar, witar gar djan mare herja tiro dromestar tele.

2. Mose 10:21

Kote penas o baro Dewel ap o Mose: “Hade tiro wast pre pash o bolepen! Palle well sawi kali rat pral o tselo them Egiptia, kai dikeh nai tiro wast gar glan i jaka.”

Gosewe laba 4:19

O drom kolendar, kai o tchilatchepen krenn, hi har i kali rat; jon nai dikenn gar, pral hoi jon perenn.

Sikepaskro 11:8

I mensho, te djiwell lo bud bersha, mu well lo bachtelo pral hako bersh, kai djiwell lo. Mu bistrell lo gar, te wenn kale diwessa. Ninna kolla hi bud. Halauter, hoi wella, hi menge khatedo.

Jesaja 5:30

Un an ko tsiro well pral lende i bari gole, sawi gole har o baro pani krell. Un te dikell jek palle tele ap i phub, dikell lo kalepen un bare duka. Un pesse wolke krenn, te well o diwes tamlo.

Jesaja 59:10

Har korele taprah pal i wanta, har sawe, kai dikenn gar, kai le djan. Mashkral o diwes perah har te wals rati. Mank i saste ham jaake har te wams mule.

Jesaja 59:9

Doleske dell men o Dewel gar maro tchatchepen, un leskro latchepen well gar ap mende. Hoske bitchrell lo menge kek momeli? Lauter, hoi dikah, hi kali rat. Kaana djal menge o kham pre? An o pessester kalepen nashah mer trujel.

Jesaja 60:2

Dik, kalepen tchakrell i phub un tamlepen i wawar themma, pral tute stell o baro Dewel pre, un leskro railepen mukell pes pral tute te dikell.

Jesaja 8:22

un tel pende ap i phub, un hatsenn tchi har daar un tamlepen, awa bari daar un kali rat, kai hi le dren tradedo.

Jeremia 14:19

Dal tu kol menshen an Juda pre? Kameh tu o forestar Zion tchi buder djinell? Hoske dal tu men jaake, kai nai krell men kek buder sasto? Mer patsam, kai well lauter mishto. Tchi was mishto! Mer kamam, te well i tsiro, kai kowa, hoi an mende nasselo hi, sasto wals. Kowa was gar. I daar was.

Jeremia 2:6

Un putchan pen gar: Kai hi o baro Dewel, kai anas men dran o them Egiptia win, un djas glan mende an o mulo tato them, an ko diwjo un truk them, kai tchi har santa un barra hi, kai kek drom hi, un kek mensho djiwell?

Jeremia 23:12

Doleske well ko drom, kai le djan har i sapeno drom an o tamlepen, kai wenn le tradedo un perenn. Me mukau bibacht pral lende te well an ko tsiro, kai dau len i phagi. Kowa penell o baro Dewel.

Jeremia 4:23

Me dikom ap kai phub. Koja his mulo. Kek djipen his koi. Me dikom an o bolepen. Kowa his tamlo.

Jeremia 50:6

Mire menshe hi har nashede bakre. Lengre bakrengre anan len o tchatcho dromestar tele. Jaake nashran le pen ap i berge. Pral tikne un bare berge hunte nashan le, un bistran, kai le khere hi.

Jeremia 6:21

Doleske penell o baro Dewel: Me kamau kal menshenge bud barra an o drom te tchiwell, te perenn i mursha un lengre tchawe koi pral. Un ninna kolla, kai djiwenn pash lende, un lengre mala wenn maredo.

Jeremia 8:15

Mer patsam, kai well lauter mishto. Tchi was mishto! Mer kamams, te well i tsiro, kai kowa, hoi an mende nasselo hi, sasto wals. Kowa was gar. I daar was.

Ropaskre gilja 4:17

Pale te pale dikan mare jaka pen trujel pal jekeste, kai menge ap i rig well. Un kek was. Ko them, ap koleste dikam, nai las men gar dran i bibacht win.

Ezekiel 21:15

Mishto tchinell lo. te marell lo bud menshen. Un djudjo kerdo hi lo, jaake djudjo har i blendari. Ma penenn: “Mer nai wah bachteles. Maro rai sal pral i tsele wawar rajende.”

Ezekiel 34:12

Jaake har i bakrengro, kai pash peskre bakre hi, kolen rodell, kai nashran pen, jaake rodau me mire bakren, un lau len pale dran haki platsa, kai le tradedo wan ap ko djungelo kalo diwes.

Ezekiel 36:15

Me krau, te shuness buder gar o praassepen kolendar dran wawar themma, un hunte ladjess tut buder gar glan lende. Tu kreh buder gar, te hi tumare menshen buder kek tchawe. Kawa penell o baro Dewel, maro rai.

Joel 2:2

Kowa hi i kalo diwes, i tamlo diwes, pherde wolke. Jaake sik har o kham pre djal pral i berge, wenn bud bud lurde pral o them, kolla hi jaake sorelo un jaake bud, har gomme gar koi his, un witar buder gar wella an kek tsiro.

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

Amos 5:18

Djungeles djal kolenge, kai penenn: O baro Debleskro diwes te well sik! Hoi patsenn tumer, hoi palle well? Ko diwes anell tumenge kali rat un kek momeli!

Johanni 12:35

Penas o Jesus ap lende: “Koi momeli hi gar buder rah pash tumende. Djan tumaro drom jaake rah, har koi momeli pash tumende hi, te well gar i rati pral tumende! Koon an i rati djala, djinell gar, kai job djala.

Josua 7:19

Koi penas o Josua ap o Achan: “Miro tchawo, pen o tchatchepen glan o baro Debleste, kai o Israeleskro Dewel hi! Un pen mange, hoi tu kral! Un rike tchi pale!”