Jeremia 13:14 - O Debleskro Drom 2021 (Sinte)

¹⁴ Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

O Debleskro Lab 2024 (Sinte-Manouche)

¹⁴ Yaake har kol khore phagenn, te venn le khetne dino, yaake krau, te phagell yek ap o vavareste, ninna i dada ap lengre čavende. Yon khaytenn man gar, oun i dji hi man vitar gar lenge, oun rikrau man gar pale, te marap len lauter. Kova penell o baro Devel.

Jeremia 13:14 ပူးပေါင်းရင်းမြစ်များ

2. Familjakro liil 20:23

I Ammonarja un i Moabarja kuran pen kolentsa dran i berge Seir, un dan len khetne. Un har jon halauteren maran dran i berge Seir, djas jek ap o wawareste, un jon dan pen kokres khetne.

Hiob 27:22

Ko ducho phurdell ap leste peskri tseli sorjah, un mukell gar tele. Un ko mensho marell pes tele, te nashell lo peske glan leskri soor.

Debleskri gili 2:9

Ab rai pral lende i sasterno wasteha, tu phageh len nai har tchare.”

Jesaja 27:11

Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

Jeremia 15:5

Koon krell peskro dji tuke pre, Jerusalem? Kones khaiteh tu? Un koon wella un putchella, har tuke djala?

Jeremia 15:6

Tu djal mandar krik, penell o baro Dewel, un kamal mandar tchi buder djinell. Doleske hadom me miro wast ap tute, te marap tut. Me hom khino, te krap miro dji tuke pre.

Jeremia 16:5

O baro Dewel penas ap mande: Tu djas an kek kheer, kai rowenn le pral jekeste, kai meras. Tu rowess gar lentsa, witar gar peness lenge latche laba; me hom buder gar i maal kal menshendar, hom lenge buder gar latcho, un krau miro dji lenge pandlo. Kowa penell o baro Dewel.

Jeremia 21:7

Un koi pal dau me o Zedekja, ko baro rajes pral Juda, an kol wasta o baro rajestar pral Babilonia, o Nebukadnezar, ninna leskre pralstunen un kol menshen kate an kau foro, kolla, kai gar meran ap o nasslepen, an o kurepen un i bokatar. Kowa penau me, o baro Dewel. Me dau tumen an i wasta kolendar, kai kamenn tumen te marell. O Nebukadnezar mukell tumen lauteren o chareha mulo te dell, un les khaitell kowa gar, un job krell peskro dji tumenge pandlo.

Jeremia 25:16

Jon hunte pijenn les, te wenn le mato, un perenn har dinelo an ko charo, hoi bitchrau mank lende.

Jeremia 47:3

Jon shunenn, har i herja kol sorele grajendar kote pre stakrenna, un koi bari gole, hoi i rade lengre kurepangre wurdjendar krenn. Koi lenn le jaake daar, te dikenn pen i dada gar trujel pal pengre tchawende.

Jeremia 48:12

Doleske dik, penell o baro Dewel, ko tsiro wella, kai bitchrau sawen pash lende, kai krenn lentsa, har menshe i moljah krenn, hoi le win tchorenn un i khore paash witsrenn.

Jeremia 6:21

Doleske penell o baro Dewel: Me kamau kal menshenge bud barra an o drom te tchiwell, te perenn i mursha un lengre tchawe koi pral. Un ninna kolla, kai djiwenn pash lende, un lengre mala wenn maredo.

Ropaskre gilja 2:21

Tchawe un phure hi tchiddo an i dromma. Terne tcha un terne mursha wan o chareha maredo. Ap ko diwes kai tiri choli pral mende was, hi tut kek dji lenge, un maral len halauteren.

Ezekiel 24:14

Me, o baro Dewel penom kowa, un me krau les ninna jaake. Kau tsiro was, te krap kowa. Me rikrau man gar pale, te dap tumen i phagi, tumer khaitenn man gar. Me krau miro dji gar pre tumenge. Tumer lenn tumari phagi pal kowa har djiwan un hoi kran. Kowa penell o baro Dewel, maro rai.

Ezekiel 7:3

Israel, kanna well miri choli pral tute, un tu djah tele. Me rakrau o tchatchepen pral tute win, un tu leh tiri phagi. Ko tselo djungelo koowa, hoi kral, anau ap tiro shero pale.

Ezekiel 7:4

Me dikau buder gar latches ap tute. Man khaiteh tu gar. Ko djungelo koowa, hoi kral, well ap tiro shero pale. Un tu leh tiri phagi. Un tumer dikenn un haiwenn palle, te hom me o baro Dewel.

Ezekiel 7:9

Me dikau buder gar latches ap tumende. Man khaitenn tumer gar. Ko djungelo koowa, hoi kran, well ap tumare sherja pale. Un tumer lenn tumari phagi. Un tumer dikenn un haiwenn palle, te hom me o baro Dewel, kowa kai tumen dell.

Ezekiel 8:18

Doleske djau lentsa i choljah trujel. Jon khaitenn man buder gar. Un man well kek latchepen lenge. Ninna te denn le palle glan mire kanda pre gole, shunau me gar ap lende.

Ezekiel 9:10

Doleske dikau me kek kamlepah ap lende, un jon khaitenn man gar. Lengro tchilatchepen anau ap lengre sherja pale.

Ezekiel 9:5

Ap kol wawar murshende penas lo jaake, te shunom kowa: Djan pal leste an o foro un denn hakenes mulo. Dikenn kek kamlepah ap lende! Kek hunte khaitell tumen!

Hosea 2:4

O baro Dewel penell: Penenn, hawi doosh o them Israel ap peste anas! O them Israel, tumari dai, hi buder gar miri romni, un me hom buder gar lakro rom. Mangenn latar, te lell li kowa krik, hoi sikrell, te hi li i lubni, – ko koowa an lakro mui un kowa, hoi hidjrell li ap peskri betch.

Zakarie 11:6

O baro Dewel penell: “Kanna khaitenn man buder gar i menshe an kau them. Me mukau i menshen te perell jek an o wast o wawarestar, un dau len ninna lengre pralstunenge an i wasta. Kolla denn o them paash, un me lau len gar win dran lengre wasta.”

Mateo 10:21

Ap ko tsiro dell i phraal peskro phrales an lengre wasta, te well lo maredo. Un o dad dell o tchawes an lengre wasta, te well job maredo. Un i tchawe hi midjak ap pengre dadende un pengre dajende, un denn len an i wasta kolendar, kai marenn len.

Markus 13:12

An kol diwessa phukrell o phraal ap peskro phraleste, te well job maredo. Un ninna o dad krell kowa peskro tchaweha. Un i tchawe hadenn pen pral pengre dadende un pral pengre dajende, un denn len an i wasta kolendar, kai marenn len.

5. Mose 29:20

Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.

1. Samuel 14:16

Un kol mursha, kai jak denn pash o Saul an o foro Gibea an o them Benjamin, kal mursha dikan, har i Filistarja nashan jek rigjatar ap i wawar.