Jeremia 12:7 - O Debleskro Drom 2021 (Sinte)

⁷ Me mukom mire menshen, ko kheer Israel. Kolen, kai mange win rodom, tradom mandar krik. Kol menshen, kai o djijestar kamau, dom an i wasta kolendar, kai kamenn len te marell.

O Debleskro Lab 2024 (Sinte-Manouche)

⁷ Me moukom mire menshen, ko kheer Israel. Kolen, kay mange vin rodom, tradom mandar krik. Kol menshen, kay o djiyestar kamau, dom an i vasta kolendar, kay kamenn len te marell.

Jeremia 12:7 ပူးပေါင်းရင်းမြစ်များ

2. Rajengro liil 21:14

Un kolla, kai mire menshendar pral atchenna, bitchrau mandar krik, un dau len an o wast kolendar, kai tchorenn o them win un lenn i menshen pandlo pentsa.

Debleskri gili 106:40

Kote choiras pes o baro Dewel ap peskre menshende, un nai dikas len buder gar glan peskre jaka.

Debleskri gili 78:62

Un peskre menshen das job an lengre wasta, te marenn le len o chareha. Jaake chojedo his lo ap lende.

Jesaja 2:6

Baro Dewel, tu mukal tire menshen. Jon krenn drawepangro koowa, har kol menshe, kai wenn kotar, kai o kham pre djala. Un jon hi durkepangre har i Filistarja. I menshentsa dran wawar themma krenn le tchomone win, un denn pengro dadeskro wast pre.

Jeremia 11:15

Kal menshe, kai len kamau, hoi krenn le an miro kheer? Jon krenn tchilatchepen un penenna: ‘Koi doosh, hoi ap mende anam, well mendar krik lino, te dah mer sowel, te anah o Debleske viechen.’ Un te krenn jon djungelo koowa, hi le bachtelo koi pral.

Jeremia 14:19

Dal tu kol menshen an Juda pre? Kameh tu o forestar Zion tchi buder djinell? Hoske dal tu men jaake, kai nai krell men kek buder sasto? Mer patsam, kai well lauter mishto. Tchi was mishto! Mer kamam, te well i tsiro, kai kowa, hoi an mende nasselo hi, sasto wals. Kowa was gar. I daar was.

Jeremia 17:4

Un tumer hunte djan dran kau them, hoi dom tumen hako tsireske. Un me krau, te wenn tumer budepangre kolenge, kai rikrenn tumen tele an i them, kai prindjrenn gar. Miri choli hi har i jag, hoi gar buder win djala.

Jeremia 22:5

Te shunenn tumer gar ap kal laba, well kau kheer paash dino. Kowa dom man sowel pash mande kokres, penell o baro Dewel.

Jeremia 23:33

O baro Dewel penas ap o Jeremia: Te putchell tutar jek mire menshendar, i rakepaskro oder i rashai: Hoi penas o baro Dewel tuke, hoi phares ap tute tchiddo hi? Palle peness: Tumer han phares ap mande tchiddo. Kamau te witsrap tumen krik mandar, penell o baro Dewel.

Jeremia 23:39

palle djinenn, me hadau tumen pre har i pharo koowa, un witsrau tumen krik mandar, tumen un tumaro foro, hoi dom tumende un tumare phurende.

Jeremia 51:5

I Babilonarja kran baro tchilatchepen ap o Israeleskro Debleste. O Israel un o Juda wan gar muklo pengro Deblestar, ko baro Deblestar, kai hi o rai pral o bolepen un i phub.

Jeremia 7:14

Doleske krau me kau khereha, har me ko foreha Shilo krom, ninna te was kau kheer mange kerdo, un tumer patsenn, kote nai djal tumenge tchi. Me krau koi platsa paash, hoi dom tumen un tumare phuren.

Jeremia 7:29

Tchin tire lengste balla tele, un witse len tutar krik! Gib i ropaskri gili ap i berge! O baro Dewel hi chojedo pral kal menshende, un tradell len pendar krik, un kamell lendar tchi te djinell.

Ezekiel 24:21

Kawa penell o baro Dewel, maro rai: Djinau, tumenge hi miro kheer o kamleder koowa. Un tumaro dji nashell pal leste. Tumer han pre-phurdo un patsenn, kolenge, kai kote hi, nai djal kek tchilatchepen. Tchatchepah, me dau miro kheer kolenge an o wast, kai krenn les pale-tchiddo. Un tumare mursh tchawe un tcha, kolen tumer kote an Jerusalem pale mukan, kolla wenn o chareha mulo dino.

Hosea 11:1

Har o Israel terno his, kamom les o djijestar, un dran o them Egiptia kharom les, miro tchawes.

Hosea 9:15

O baro Dewel penell: Lengro tselo tchilatchepen krenn le kote pash o foro Gilgal; kote choirom man pral lende ko tselo tchilatchepaske, hoi jon kran. Doleske tradau me len dran miro kheer win. Me kamau len buder gar. Lengre tsele pralstune mukenn pen tchi mandar te penell.

Joel 2:15

Phurdenn i phurdepaskri ap i berga Zion! Denn i menshen khetne gole! Penenn lenge, te chan le tchi, un sikrenn jaake, te khaitell lenge lengri doosh.

Joel 3:2

An ko tsiro tchorau miro ducho ninna win pral i budepangre, mursha har djuwja.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

5. Mose 33:12

Ap o kheer Benjamin penas lo: Tu hal kowa, koles o baro Dewel peskro tselo djijeha kamell, un peskre wasta pral leste rikrell! O tselo diwes dell lo ap tute jak, un djiwell mashkral tute.