Jeremia 12:13 - O Debleskro Drom 2021 (Sinte)

¹³ Mire menshe tchiwan djob an i phub, un subjengro senlepen lan le khetne. Jon maran pen tele, un lan tchi dran lengri phari budi. Lauter his tchitcheske! His koi bari choli o baro Deblestar, hoi kras lauter paash.

O Debleskro Lab 2024 (Sinte-Manouche)

¹³ Mire menshe čivan djob an i phoub, oun soubyengro zenlepen lan le khetne. Yon maran pen tele, oun lan či dran lengri phari boudi. Lauter his čičeske! His koy bari rholi o baro Deblestar, hoy kras lauter paash.

Jeremia 12:13 ပူးပေါင်းရင်းမြစ်များ

Debleskri gili 78:62

Un peskre menshen das job an lengre wasta, te marenn le len o chareha. Jaake chojedo his lo ap lende.

Jesaja 55:2

Hoske denn lowe koleske, hoi kek maro hi? Hoske denn tumer kowa, hoi tumer tumari phari budjake lan, tchomoneske win, hoi gar tchalo krell? Shunenn ap mande, palle well tumen latcho koowa te chal, un nai chan tumen tchalo ap i feteder chapen.

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Jeremia 4:26

Me dikom pal ko latcho them. Kowa was i mulo them. Un i tsele forja his paash tchiddo glan o baro Debleste un leskri soreli choli.

Jeremia 9:5

Un mukenn gar tele, te rikrenn le i wawaren tele, un te chochenn le len. Man kamenn le gar te prindjrell, penell o baro Dewel.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

3. Mose 26:16

palle krau tumentsa jaake: Bari bibacht anau pral tumende, pharo nasslepen, hoi tumenge o djipen randell. Tumer chatchenn glan fibro, tumare jaka nai dikenn buder gar mishto, un kek soor atchell an tumende. Tchitcheske witsrenn djob win an i phub. Kolla, kai kurenn pen tumentsa, chan les pre.

3. Mose 26:20

Tumari phari budi hi tchitcheske. Ap tumari hachetikri phub well tchi bares. Un i ruka an o them hidjrenn kek rukengre.

Micha 6:15

Tumer tchiwenn djob an i phub, un nai anenn kek newo djob dren. Tumer krenn djet dran i djeteskre drake, un nai makenn tumen gar leha dren. Tumer krenn mool, un nai pijenn lat gar.

Habakuk 2:13

O baro Dewel, ko rai pral o bolepen un i phub, krell, te well jaake: Ko tselo koowa, kai budran pen i menshe dran wawar themma temerl, kowa well i jagatar tele chatchedo. Un koleske kol menshe pen tele maran, his tchitcheske.

Haggai 1:6

Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

Haggai 1:9

Tumer kamenn bud, un gar bud hi, hoi lenn tumer. Un te kamenn kowa khere te anell, lau les tumendar. Hoske kowa? penell o baro Dewel, ko rai pral o bolepen un i phub. Miro kheer hi paash dino un tchiddo an kotja. Un hakeno tumendar dikell kokres ap peskro kheer.

Remarja 6:21

Kowa, hoi kran, his tchi moldo. Tumer kran sawo koowa, koleske kai diwes ladjenn tumen. Sawo koowa anell an o merepen dren.

5. Mose 28:38

Tumer witsrenn bud djob ap tumari phub win, un anenn kokres i wast pherdo dren. I stepangre chan halauter pre.