Jeremia 11:19 - O Debleskro Drom 2021 (Sinte)

¹⁹ Me homs har i terno bakro, kai djinell gar, te well lo kote anlo, kai well lo maredo. Jaake djinom gar, kai rakran le khetne, har te krenn le mange tchilatchepen. Jon penan mandar, har te woms i ruk: Mer dah ko ruk tele, jaake rah har hi lo sasto. Maras les, te well lo bistedo!

O Debleskro Lab 2024 (Sinte-Manouche)

¹⁹ Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jeremia 11:19 ပူးပေါင်းရင်းမြစ်များ

Hiob 28:13

Kek mensho djinell, har bud o goswepen moldo hi. Ap i phub, kai i menshe djiwenn, well lo gar hatslo.

Debleskri gili 109:13

Kre, te merenn kolla win, kai pal leste wenna. Leskre tchawengre tchawen wenn kek tchawe buder, jaake te well lengro lab bistedo.

Debleskri gili 112:6

Job atchell soreles tardo hako tsireske. Kowa, kai an o tchatchepen tardo hi, well an kek tsiro bistedo.

Debleskri gili 116:9

Jaake djiwau glan tute kate ap kai phub, kai i menshe djide hi.

Debleskri gili 142:5

Dik tut trujel: Kek kamell mandar tchomone te djinell. Me nashte nashau gar mange. Kek putchell pal mande.

Debleskri gili 27:13

Me djinau, te dikau me o latchepen o baro Deblestar an kau djipen.

Debleskri gili 31:13

Bud bistran man, har te woms mulo un paskedo. Lenge hom har i phagedo tcharo, hoi krik witsedo was.

Debleskri gili 35:15

Hi wawartchandes lentsa. Har me perom, stan le i bachtjatar, un tchiwan pen khetne, te djan le ap mande pre. Depangre wan, kai prindjrom gar, un dan man dawa un mukan gar tele.

Debleskri gili 52:5

Tu kameh o tchilatchepen budeder har o latchepen. Un o chochepen kameh tu budeder har o tchatchepen.

Debleskri gili 83:4

Jon tchiwenn pen khetne un rakrenn, har nai krenn le tire menshenge tchilatchepen. Pal o dumo krenn le win, te djan le ap kolende, kai khatrenn pen pash tute.

Gosewe laba 10:7

Latche menshe wenn gar bistedo. Kowa, hoi le kran, hi o Debleskro latchepen. I tchilatche wenn bistedo.

Gosewe laba 24:15

Ma lure har i tchilatcho ap o kheer kolestar, kai an o tchatchepen tardo hi! Ma de koi platsa khetne, kai tchiwell lo pes sopaske!

Gosewe laba 7:22

Un job nashas lake palla, har i grumni, hoi gar djinell, te well li maredo, un jaake har i wesheskri busni, hoi stakrell an i dorja, hoi lat taprenn,

Jesaja 32:7

O chocheno djal chochene dromma. Tchilatcho koowa lell lo peske glan, un leskro chochepah anell lo doosh ap i tchorwelende, ninna te hi kolla an o tchatchepen.

Jesaja 38:11

Me dikau o baro Debles gar buder kate an o them, kai i djide hi. Un kote, kai hi kek djipen buder, dikau kek wawar menshen buder.

Jeremia 1:19

Ninna te tchingrenn le tuha, nai krenn le tuke tchi. Me hom pash tute, te lap tut dran lengre wasta win. Kowa penau me, o baro Dewel.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Ropaskre gilja 3:60

Tu dikeh, har jon kamenn man tchilatchepen pale te dell, un tu prindjreh, hoi an lengro shero trujel djala, un hoi kamenn le mantsa te krell.

Ezekiel 32:24

Kote hi o Elam peskre tsele menshentsa. Trul leste trujel hi le paskedo. Jon halauter wan maredo o chareha, un djan tele an o mulengro them, kolla, kai gar tchinlo wan ap pengro mass. Har le djido his, his i wawaren bari daar lendar. Kanna hunte hidjrenn le pengri ladj khetne kol wawarentsa an o mulengro them.

Daniel 9:26

Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.

Hosea 9:8

Miro Dewel bitchras man, leskro rakepaskres, te dap jak ap tumende an o them Efrajim. Un tumer tchiwenn i netsa win ap mire tsele dromma, te taprenn man har i tchirkles. Ninna an o kheer miro Deblestar lenn tumer man palla.

4. Mose 1:14

Dran o kheer Gad: o Eljasaf, leskro dad hi o Deguel.