Jeremia 11:17 - O Debleskro Drom 2021 (Sinte)

¹⁷ Me, o baro Dewel, ko rai pral o bolepen un i phub, krom dran o kheer Israel un dran o kheer Juda i natsjona. Un jon kran tchilatcho koowa un choiran man, har chatchran le viechen o debleske Baal. Doleske dau len trad, te well bari bibacht pral lende.

O Debleskro Lab 2024 (Sinte-Manouche)

¹⁷ Me, o baro Devel, ko ray pral o bolepen oun i phoub, krom dran o kheer Israel oun dran o kheer Youda i natsyona. Oun yon kran čilačo koova oun rhoyran man, har rhačran le firhen o debleske Baal. Doleske dau len trad, te vell bari bibarht pral lende.

Jeremia 11:17 ပူးပေါင်းရင်းမြစ်များ

2. Samuel 7:10

Un me kamau mire menshen Israel i them te dell, kai nai atchenn jon. Un koi djiwenn le, kai trashenn jon buder gar, un kai wenn jon gar buder tele rikedo kol tchilatche menshendar, har an ko tsiro,

2. Familjakro liil 28:25

Ninna an hako wawar foro an o them Juda mukas lo mulne platse te krell, te well sungepaskro koowa i chochene deblenge chatchedo. Un jaake kras lo, te was o baro Dewel, ko Dewel leskre phurendar, chojedo.

Debleskri gili 44:2

Maro Dewel, mare kandentsa shunam mer, har mare phure menge penan, hoi tu kral an lengre diwessa glan i rah tsiro.

Debleskri gili 80:15

Ab pale pash mende, tu, o Dewel pral o bolepen un i phub! Dik dran o bolepen ap mende, un de pale jak ap tiro drakengro ruk!

Debleskri gili 80:8

Tu, Dewel un rai pral o bolepen un i phub, hade men pale pre! Dik latches ap mende, jaake djal menge pale mishto.

Jesaja 5:2

Un job rissras koi phub, un las i tsele barra krik, un tchiwas wi-rodede, latche drakengre ruka an koi phub. Un job tchiwas i turmo pre tardo mashkral dren. Un hadas i gruba win, kai wenn i drake win stakedo, te well o mool win. Un palle dikas lo ap ko tsiro, kai wenn i drake bares, – latche drake, patsas lo. Har ko tsiro was, wan diwje shutle drake baro.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Jeremia 1:14

Un o baro Dewel penas ap mande: Kotar, kai norden hi, well i bibacht pral halauterende, kai djiwenn an kau them.

Jeremia 11:11

Doleske penell o baro Dewel: Me anau bibacht pral lende, kolatar nai nashenn le gar krik. Jon denn pal mande gole, un me kamau len gar te shunell.

Jeremia 11:13

Jaake bud forja tumen hi, jaake bud deblen hi tumen, tumer menshe an Juda. Un jaake bud dromma an Jerusalem hi, jaake bud chatchepangre kran tumer, kai chatchrenn viechen o djungelo debleske Baal.

Jeremia 12:2

Jon hi har ruka, kai tu tchiwal an i phub. Jon wan baro un sorelo, un hidjrenn bud rukengre. Lengro mui rakrell latchepen tutar, lengro dji hi dur tutar krik.

Jeremia 18:15

har mire menshe man bistran. Jon anenn viechen un sungepaskro koowa kol deblenge, kai kek hi. Kolla anan len o phureder drom tele, un mukenn len ap i djungele dromma te djal.

Jeremia 18:8

Te mukenn jon palle pengro tchilatcho koowa, khaitell man kowa, kai dom len trad, te well bibacht pral lende.

Jeremia 19:15

O baro Dewel, o rai pral o bolepen un i phub, kai o Israeleskro Dewel hi, penell: I menshe an Jerusalem un an i gaba un forja trujel pandan pengre djia, un kamenn mire laba gar te shunell. Doleske anau pral lende koi tseli bibacht, hoi lenge glan-wi penom.

Jeremia 2:21

Me tchiwom tut dren har i wi-rodedo drakengro ruk, i latcho shukar ruk. Un hoi was kanna dran tute? I diwjo djungelo ruk!

Jeremia 24:6

Ap lende dikau latches, un anau len pale pale an kau them. Un mukau len pale bares te well, un krau len gar paash, krau len pale soreles, un tradau len buder gar dran lengro them win.

Jeremia 26:13

Kanna mukenn tumaro tchilatcho drom un o tchilatcho koowa, hoi krenna. Un shunenn ap tumaro baro Debleste! Palle rikrell lo pes pale un anell gar koi bibacht pral tumende, kolatar job rakras.

Jeremia 26:19

Har o Micha kowa glan-wi penas, mukas les o baro rai Hiskija un kol menshe an Juda te marell? Na-a! Jon lan o baro Debleskre laba ap o dji un mangan lestar, te marell lo len gar. Un o baro Dewel rikras pes pale un bitchras gar koi bibacht pral lende, kolatar job rakras. Un kanna, te marah mer o Jeremijes, anah i bari bibacht ap mende!”

Jeremia 32:29

Un kol lurde dran o them Babilonia, kai trul kau foro tardo hi, wenna dren, un chatchrenn kau foro tele kol tsele kherentsa, kai was ap i dache sungepaskro koowa chatchedo o chocheno debleske Baal, un mool win tchoredo kol wawar chochene deblenge. Doleske was i choli an mande.

Jeremia 32:30

I menshe dran o kheer Israel un dran o kheer Juda kran, hoi glan mire jaka djungelo hi, jaake rah har jon i natsjona hi:

Jeremia 35:17

Doleske penell o baro Dewel, ko rai pral o bolepen un i phub, kai o Israeleskro Dewel hi: Me rakrom tumentsa, un tumer kaman gar ap mande te shunell. Me dom tumen gole, un tumer rakran gar mantsa. Doleske anau pral o them Juda un pral i tsele menshende an o foro Jerusalem koi tseli bibacht, doleske me len trad dom.

Jeremia 36:7

Nai well, te mukenn le pengro tchilatcho drom un mangenn pen tele glan o baro Debleste un wenn pale ap leskro drom. Palle nai rikrell o baro Dewel peskri bari choli pale, hoi les ap kal menshende hi, un hunte dell len gar koi phari phagi, kolah lo len trad das.

Jeremia 40:2

Glan te mukas o pralstuno i lurdendar o Jeremijes te djal, mukas lo les pash peste te anell, un penas ap leste: Tiro baro Dewel penas kai bibacht glan-wi, hoi was pral kau them.

Jeremia 40:3

Jaake har job les penas, was ninna. Tumer anan doosh pral tumende, un kran gar, hoi o baro Dewel kamas un tumenge penas. Doleske was kau tselo koowa pral tumende.

Jeremia 42:10

Te atchenn tumer an kau them, palle mukau me tumen pale bares te well, un me phagau tumen gar khetne; me krau tumen soreles, un tradau tumen gar win dran o them; man khaitell, kai hunte anom sawi bibacht pral tumende.

Jeremia 44:5

Jon shunan gar, un dan gar jak ap mire laba, un mukan gar pengro tchilatchepen, un mukan gar tele te chatchrenn le sungepaskro koowa kol wawar deblenge.

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Jeremia 45:4

Pen leske: Kowa penell o baro Dewel: Dik, miro them, hoi me bares krom, kowa krau me paash. Mire menshe, kolendar i natsjona krom, tradau win dran o them.

Jeremia 7:18

Kol tchawe rodenn kasht, kol dada krenn jag, i djuwja krenn merklia koi bolepaskri rajetsake. Un kol wawar deblenge anenn jon pipaske, te choirap me man koi pral.

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

Ezekiel 17:5

Palle las lo i drab dran o them un tchiwas les an latchi phub, kai bud pani his. Pash ko pani tchiwas lo les an i phub.

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.