Jeremia 11:16 - O Debleskro Drom 2021 (Sinte)

¹⁶ His i tsiro, kai penas o baro Dewel tumendar: Jon hi har i shukar senelo djeteskro ruk, kai bud djeteskre drake baro wenna. Kanna tchiwas job ap leste i jag, hoi bari goljah leskre patria chatchrell un leskre kashta phagell.

O Debleskro Lab 2024 (Sinte-Manouche)

¹⁶ His i tsiro, kay penas o baro Devel t'mendar: Yon hi har i shoukar zenelo djeteskro rouk, kay boud djeteskre drake baro venna. Kanna čivas yob ap leste i yag, hoy bari golyah leskre patria rhačrell oun leskre kashta phagell.

Jeremia 11:16 ပူးပေါင်းရင်းမြစ်များ

Hiob 8:16

I mensho kek Debleha hi har senlepen, koles doha pani hi, glan te djal o kham pre, un hoi buchles well, un djal pral i tseli baar.

Debleskri gili 52:8

Un kolla, kai an o tchatchepen tardo hi, dikenn kowa un darenn un sanenn pral leste:

Debleskri gili 80:16

Rike tiro wast pral leste, hoi tu an i phub tchiwal, pral ko terno drakengro ruk, hoi tu bares un soreles kral.

Debleskri gili 80:17

Dik, har hi lo tele dino un pre-chatchedo! Tchinge jaake ap kolende, kai kowa kran, te phagenn le khetne.

Debleskri gili 83:2

Miro Dewel, rake! Muk tut te shunell! Atch gar pokones!

Jesaja 27:11

Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

Jeremia 2:21

Me tchiwom tut dren har i wi-rodedo drakengro ruk, i latcho shukar ruk. Un hoi was kanna dran tute? I diwjo djungelo ruk!

Jeremia 21:14

Me hom kowa, kai wau pash tumende, un dau tumen i tchatchi phagi koleske, hoi kran, penell o baro Dewel. Me tchiwau i jag an tumaro weesh, te chatchrell lauter tele.

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Hosea 14:6

Kamau lenge te well har brishin, hoi ap i truk phub perell, te djan le pre har shukar blume, un wenn soreles tarde har i ruka ap i berga Libanon.

Mateo 3:10

Tumer han har ruka, kai wenna tele dino. I tower hi koi tchiddo, te well ko tselo ruk tele dino. Hako ruk, hoi hidjrella kek latcho koowa, well tele dino, un an i jag witsedo.

Johanni 15:6

Koon atchell gar an mande, kowa well win witsedo, har kol kashta, kai tele tchinlo hi. Jon wenn khetne rodedo un an i jag tchiddo, te chatchrenn le.

5. Mose 28:40

Djeteskre ruka hi an tumaro tselo them. Tumen well kek djet. I tsele djeteskre drake perenn tele, glan te hi le pesse.

Debleskro tsiro 11:4

Kolla dui mursha hi kol dui djeteskre ruka un kol dui momlia, hoi hi tardo glan o Debleste, kai hi o rai pral kai phub.