Jeremia 11:14 - O Debleskro Drom 2021 (Sinte)

¹⁴ Tu Jeremia, mangess gar kal menshenge, un rowess gar kolenge glan mande! Te denn jon gole pal mande an koi pharo tsiro, kamau me len gar te shunell.

O Debleskro Lab 2024 (Sinte-Manouche)

¹⁴ Tou Yeremia, mangess gar kal menshenge, oun rovess gar kolenge glan mande! Te denn yon gole pal mande an koy pharo tsiro, kamau me len gar te shounell.

Jeremia 11:14 ပူးပေါင်းရင်းမြစ်များ

Debleskri gili 66:18

Job shunas miri gole, un das jak ap kowa, hoi lestar mangom. Te wals man tchilatchepen glan an miro dji, shunals man o Dewel, miro rai, gar.

2. Mose 32:10

Ma rike man pale, te anap miri bari choli pral lende, un dap len temerl. Tire tchawendar krau me i bari natsjona.”

Jeremia 11:11

Doleske penell o baro Dewel: Me anau bibacht pral lende, kolatar nai nashenn le gar krik. Jon denn pal mande gole, un me kamau len gar te shunell.

Jeremia 14:11

Un o baro Dewel penas ap mande: Tu mangess gar kal menshenge, te wap latches ap lende.

Jeremia 14:12

Jon nai rikrenn pen pale o chapastar, un rowenn ap mande jaake bud har kamenn le, me shunau len gar. Ninna te chatchrenn jon mange viechen un chapen, dikau gar latches ap lende. Me marau len an o kurepen, ninna i bok un o nasslepen marenn le.

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Jeremia 7:16

Tu, Jeremia, mangess gar un rowess gar glan mande kal menshenge, witar gar peness mange, hoi len ap o dji hi, un hoi len hunte well, un stakress lenge pash mande witar gar dren. Me kamau tumen gar an-shunell.

Hosea 5:6

Palle wenn le pengre bakrentsa un pengre grumjentsa, te anenn le len o baro Debleske, te well job lenge latches. Un job sikrell lenge o dumo, te nai hatsenn le les gar.

Zakarie 7:13

Un djas jaake: Jon shunan gar, hoi lenge penlo was. Doleske kamom witar gar te shunell, har jon gole dan, penas o baro Dewel, ko rai pral o bolepen un i phub.

Maleachi 2:13

Koi hi gomme i wawar koowa, hoi tumer kran: Te wenn tumer glan o baro Debleste, un o baro Dewel dikell gar latches ap kowa, hoi leske anenna, un kamell tchi dran tumare wasta te lell, palle rowenn tumer un denn gole, un tumare swa tchakrenn leskri chatchepaskri.

1. Johanni 5:16

Te dikeh tu, te kras i wawar patslo i tchilatcho koowa, palle hunte mangess tu o Debles leske! Un o Dewel dell les o djipen. Della ninna i doosh, hoi anell an o merepen. Un me penau gar, te mangess tu o Debles kolenge, kai koi doosh ap pende lan.