Jeremia 11:13 - O Debleskro Drom 2021 (Sinte)

¹³ Jaake bud forja tumen hi, jaake bud deblen hi tumen, tumer menshe an Juda. Un jaake bud dromma an Jerusalem hi, jaake bud chatchepangre kran tumer, kai chatchrenn viechen o djungelo debleske Baal.

O Debleskro Lab 2024 (Sinte-Manouche)

¹³ Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.

Jeremia 11:13 ပူးပေါင်းရင်းမြစ်များ

2. Rajengro liil 23:13

Ninna kras lo kol mulne platse pale-tchiddo, hoi kras o Salomo, ko baro rai pral Israel. Kolla his tardo ap koi rig o forestar Jerusalem, kai o kham pre-djal, ap i tchatchi rig o djeteskri bergatar. O Salomo kras len, te wenn kote kol djungele mule debla an-mangedo: i Astarte, koi debletsa dran Sidon; un o Kemosh, ko dewel dran o them Moab; un o Milkom, ko dewel dran o them Ammon.

2. Familjakro liil 28:25

Ninna an hako wawar foro an o them Juda mukas lo mulne platse te krell, te well sungepaskro koowa i chochene deblenge chatchedo. Un jaake kras lo, te was o baro Dewel, ko Dewel leskre phurendar, chojedo.

Jesaja 2:8

Ninna hi o them pherde chochene deblen, un jon witsrenn pen tele glan kolende, kolen jon pengre wastentsa kran.

Jeremia 11:17

Me, o baro Dewel, ko rai pral o bolepen un i phub, krom dran o kheer Israel un dran o kheer Juda i natsjona. Un jon kran tchilatcho koowa un choiran man, har chatchran le viechen o debleske Baal. Doleske dau len trad, te well bari bibacht pral lende.

Jeremia 17:1

Tumer menshe an o them Juda, tumaro tchilatchepen hi dren tchinlo an tumare djia, un ap kol shinga ap kol chatchepangre, kai tumer viechen chatchrenn. Ko tchilatchepen hi jaake dren tchinlo, te nai krenn kowa gar buder krik, har te was kowa an o bar dren dino i sasteha, hoi les i diamantikro shero hi.

Jeremia 18:15

har mire menshe man bistran. Jon anenn viechen un sungepaskro koowa kol deblenge, kai kek hi. Kolla anan len o phureder drom tele, un mukenn len ap i djungele dromma te djal.

Jeremia 19:4

Mire menshe mukan man un kran kau kotar them pale-tchiddo, har chatchran le sungepaskro koowa wawar deblenge, kolen prindjrenn jon gar un witar gar lengre phure. Ninna kol bare raja pral o them Juda prindjran len gar. An kau foro maran le menshen, kai kek tchilatchepen kran.

Jeremia 19:5

Un ko chocheno debleske, hoi kharell Baal, kran le chatchepaskre platse, te chatchrenn le pengre tchawen leske. Kowa penom me lenge gar. Sawo koowa was kek tsiro an miro shero, te penoms ap lende: ‘Krenn kowa.’

Jeremia 2:28

Kai hi tumare debla, kai tumenge kran? Mu stenn jon pre, un lenn tumen win dran tumari bibacht! Tumer menshe an o them Juda, tumen hi jaake bud debla har forja!

Jeremia 3:24

Har mangam ko djungelo debles Baal an, nashram lauter, hoi mare phure penge khetne lan, har terne hams: bakre, grumja, tchawe un tcha.

Jeremia 3:25

Mer hunte ladjams men, un mari ladj hunte tchakrals men har i plachta! Maro tselo djipen djiwam jaake, har o baro Dewel, maro rai, gar kamas. Mer un mare phure djiwam jaake, un shunam gar ap kowa, hoi job menge penas, te kras mer.

Jeremia 32:35

Un jon kran mulne platse o chocheno debleske, o Baaleske an o telstuno them, kai kharella Ben-Hinnom, te nai mukenn le pengre tchawen un tchen o debleske Moloch an i jag te djal. Sawo koowa penom me lenge gar. Un an kek tsiro was mange kowa an miro shero dren, te putchoms sawo koowa lendar. Har jon sawo djungelo koowa kran, anan le i doosh ap o tselo them Juda.

Jeremia 44:21

Ma patsenn, kai djinas o baro Dewel gar, hoi kran an i forja o themestar Juda un an i dromma o forestar Jerusalem, tumer un tumare phure, tumare bare raja, pralstune un i tsele menshe an o them! Kowa djas o baro Debleske an o dji,

Jeremia 44:5

Jon shunan gar, un dan gar jak ap mire laba, un mukan gar pengro tchilatchepen, un mukan gar tele te chatchrenn le sungepaskro koowa kol wawar deblenge.

Jeremia 48:35

Me, o baro Dewel, kamau buder gar, te djan i Moabarja ap i mulne platse, te chatchrenn le viechen pengre deblenge. Me mukau kowa buder gar te krell.

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

Ezekiel 16:24

Na-a, ap i tsele platse, kai menshe khetne wenn an i foro, kral tuke mangepaskre platse, kai mangal chochene deblen an.

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

Hosea 12:11

Me rakrom ap mire rakepangre, un sikrom lende bud kope, hoi wella. Dran lende mukom tumenge trad te dell.

Hosea 9:10

O baro Dewel penell: I Israelitarja his mange har drake an o mulo them, har hatsom len kote. Un tumare phure his mange har newe faige ap i faigetikro ruk. I tsiro koi pre, har wan le pash i berga Peor, dan le pen o wi-ladjedo debleske Baal koi, un wan jaake pale-tchiddo har ko dewel, kones jon kaman.