Jeremia 10:5 - O Debleskro Drom 2021 (Sinte)

⁵ Sawe debla hi tchi wawar har kol figure, hoi i hache ap pengro kotar phub tchiwenn, kai senlepen bares well, te tradenn le i tchirklen krik. Jon nai rakrenn gar, witar gar nai djan le, jaake hunte wenn jon hidjedo. Doleske hunte trashenn tumer lendar gar. Jon nai krenn kekeske tchilatchepen, witar kek latchepen.

O Debleskro Lab 2024 (Sinte-Manouche)

⁵ Save debla hi či vavar har kol figure, hoy i harhe ap pengro kotar phoub čivenn, kay zenlepen bares vell, te tradenn le i čirklen krik. Yon nay rakrenn gar, vitar gar nay djan le, yaake hounte venn yon hidjedo. Doleske hounte trashenn t'mer lendar gar. Yon nay krenn kekeske čilačepen, vitar kek lačepen.

Jeremia 10:5 ပူးပေါင်းရင်းမြစ်များ

1. Rajengro liil 18:26

Kote lan jon ko gurum, hoi dan le len, maran les, tchinan les khetne un tchiwan les ap o kasht, un kharan o Baales taissarlakro bis mashkral-diwes un penan: “Baal, shun ap mende!” Kek rakepen was, kek rakras ap lende. Un jon khelan trul pengri chatchepaskri, kai jon penge kran.

2. Familjakro liil 25:15

Kote was o baro Dewel chojedo pral o Amazja, un job bitchras i Debleskro rakepaskro pash leste. Un kowa penas ap leste: “Hoske mangeh tu o debla kol menshendar an, kai nai lan pengre menshen gar dran tiro wast win?”

Jesaja 16:12

Un ninna te djans i Moabarja pash pengre pre-tchidde barra, un chatchrans viechen pengro debleske, un marans pen tele leske, un mangans les an, wals kowa tchitcheske.

Jesaja 45:20

Awenn khetne, tumer, kai nashan tumenge glan o kurepen dran bud themma! Awenn pash mande, te kras o tchatchepen win! Kolla, kai hidjrenn pengre deblen pentsa, haiwan tchi, jon mangenn deblen an, kai nai wenn lenge gar ap i rig.

Jesaja 46:1

O chocheno dewel Bel phagas khetne, un o chocheno dewel Nebo peras. Lengre figure, hoi tumer trujel hidjran, wan kanna i viechenge ap lengro dumo pandlo. Jon hunte hidjrenn len un wenn khino tel ko pharo hidjepen.

Jesaja 46:7

Jon hadenn les ap pengri phik, un hidjrenn les trujel, un tchiwenn les pale pale ap leskri platsa. Un kote hi lo tardo, un djal fun kokres gar dureder. Dell jek gole ap leste, rakrell lo gar pale, krell peskro mui gar pre, un djal gar koi, te lell lo les win dran i bibacht.

Jeremia 10:14

Glan sau baro koowa hi hako mensho dineles koi tardo. Sawo koowa nai haiwell lo gar te krell. Kolla lauter, kai kran figure, te mangenn le len an, hunte ladjenna pen. Lengre figure hi kek tchatche debla, kek djipen hi an lende.

Habakuk 2:19

Djungeles djal koleske, kai penell ap i kotar kasht: “Ste pre!”, un penell ap ko mulo bar: “Ab djido!” Har nai penell i mulo dewel tuke, hoi te kress? Ninna te hi rup un sonakai pral leste maklo, hi kek ducho an leste.

1. Korintarja 12:2

Har tumer gomme gar patslo hans, tserdas tumen bari sorjah pash kol figure, kai nashte rakrenn gar, kolen i menshe an-mangenna, har te wans le o Dewel.

1. Korintarja 8:4

Nai chah mer kanna ko mass, hoi anan le glan i figura, hoi mangenn le an, har te wals li i dewel? Mer djinah halauter, kai hi i figura kek tchatcho dewel. Dell jek Dewel un kek wawar.

5. Mose 4:28

Un kote mangenn tumer kol deblen dran kasht un bar an, hoi menshengre wastentsa kerdo wan. Un kol debla nai dikenn un shunenn, nai chan un sungenn gar.