Jeremia 10:4 - O Debleskro Drom 2021 (Sinte)

⁴ Palle tchiwell lo rup un sonakai koi pre, un tchiwell koi figura ap pire, dell nagle an late, te atchell li nai tardo.

O Debleskro Lab 2024 (Sinte-Manouche)

⁴ Palle čivell lo roup oun sonakay koy pre, oun čivell koy figura ap pire, dell nagle an late, te ačell li nay tardo.

Jeremia 10:4 ပူးပေါင်းရင်းမြစ်များ

Debleskri gili 115:4

Lengre debla hi dran rup un sonakai. Menshengre wasta kran len.

Debleskri gili 135:15

I debla i wawar menshendar hi dran rup un sonakai, Menshenge wasta kran len.

Jesaja 44:12

Ko budepaskro, kai budrell o sasteha, tchiwell o saster an i jag un krell i tchuri dran leste, un peskri soreli mussjah dell lo koi pre. Palle lell lo bok un nai budrell gar dureder, un job lell trush un leskri soor djal peske.

Jesaja 46:6

Kol menshe, kai krenn pen i chocheno dewel, lenn sonakai dran lengri possita, un tchiwenn rup ap i waga, te plaissrenn le koles, kai haiwell mishto te budrell an sonakai un rup, te krell lo kolestar i dewel lenge. Glan koleste witsrenn jon pen tele ap i phub, un mangenn les an.

Jesaja 46:7

Jon hadenn les ap pengri phik, un hidjrenn les trujel, un tchiwenn les pale pale ap leskri platsa. Un kote hi lo tardo, un djal fun kokres gar dureder. Dell jek gole ap leste, rakrell lo gar pale, krell peskro mui gar pre, un djal gar koi, te lell lo les win dran i bibacht.

Hosea 13:2

Un kanna krell o kheer Efrajim budeder tchilatcho koowa: Dran pengro rup krenn le penge figure, hoi wi-dikenn, har jon kamenn, un hoi le an-mangenn. Mursha, kai lengri budi mishto haiwenn, krenn len pengre wastentsa. I menshenge well penlo: Koon anell tchomone o Debleske, hunte tchumrell kal rupene terne grumjen!

Habakuk 2:19

Djungeles djal koleske, kai penell ap i kotar kasht: “Ste pre!”, un penell ap ko mulo bar: “Ab djido!” Har nai penell i mulo dewel tuke, hoi te kress? Ninna te hi rup un sonakai pral leste maklo, hi kek ducho an leste.