Jeremia 10:22 - O Debleskro Drom 2021 (Sinte)

²² Shunenn, hoi gole dino well! Bari gole – har kurepangre wurdjendar – well dran ko them, hoi kote tchiddo hi, kai norden hi. Lurde wenna un krenn i forja an Juda jaake paash, te well o them i mulo them, kai djiwenn i diwje djukle dren.

O Debleskro Lab 2024 (Sinte-Manouche)

²² Shounenn, hoy gole dino vell! Bari gole – har kourepangre vourdyendar – vell dran ko them, hoy kote čiddo hi, kay norden hi. Lourde venna oun krenn i forya an Youda yaake paash, te vell o them i moulo them, kay djivenn i divye djoukle dren.

Jeremia 10:22 ပူးပေါင်းရင်းမြစ်များ

Jesaja 34:13

Un an i rajengre khera djan i subjengre burra pre, un ap i barrengre massurja well subjengro senlepen baro. I diwje djukle djiwenn kote, un bare diwje tchirkle hi kote khere.

Jeremia 1:14

Un o baro Dewel penas ap mande: Kotar, kai norden hi, well i bibacht pral halauterende, kai djiwenn an kau them.

Jeremia 1:15

Shun mishto: Me dau gole i tsele menshen an kol themma, hoi an o norden tchiddo hi, te wenn jon, penell o baro Dewel. Lengre raja tchiwenn pengre beshepangre glan kol wudja o forestar Jerusalem, un trul leskre massurja un trul kol tsele forja an o them Juda.

Jeremia 2:15

O lewo dell gole pral leste, dell sorelo gole un krell leskro them paash. Un leskre forja wenn pre chatchedo jaake, kai nai djiwenn kek koi dren.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 4:15

Shunenn, bitchepangre wenna dran o foro Dan un dran i berge Efrajim, un rakrenn pral ko tchilatcho koowa, hoi wella.

Jeremia 4:6

Tchiwenn i sikepen pre ap o drom, hoi sikrell o drom an Zion! Nashenn un atchenn gar tardo, me anau bari bibacht un baro ropen, hoi well kotar, kai norden hi.

Jeremia 49:33

O them Hazor well i mulo them hako tsireske. Diwje djukle djiwenn koi, un buder kek menshe. Kek mensho krell pes kote i kheer.

Jeremia 5:15

Pen kol menshenge an Israel: Me anau menshen fun dural pash tumende, penell o baro Dewel, menshe, kolengro rakepen, un hoi jon penenna, haiwenn tumer gar. I phuri natsjona hi le. Un len hi bari soor.

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.

Jeremia 6:22

Kowa penell o baro Dewel: Denn garda: Bud menshe wenna dran lengro them, hoi kote tchiddo hi, kai norden hi. Awa, bud menshe krenn pen ap o drom an ko dur them, te djan le an o kurepen.

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

Ropaskre gilja 1:4

I dromma pash i berga Zion hi muklo. Kek well an o foro an kol bare diwessa. I tsele foreskre wudja hi pre, i rashajenge hi ropaske, i terne tcha rowenna. Har pharo hi kowa lauter o foreske!

Ezekiel 12:19

Un pen ap i Israelitarja, kai hi pash tute an kau them: Kawa penell o baro Dewel, maro rai, pral kolende, kai djiwenn an o foro Jerusalem an o them Israel: Bud tchilatcho koowa krenn le: Jek rikrell o wawares tele. Doleske well ko diwes, kai chan le pengro maro darjah, un pijenn pengro pani trisslepah i trashatar. Lengro them well i muklo them, kai tchi atchell.

Maleachi 1:3

o Esaes kamau me gar. Un krom, te was leskro them, kai bud berge hi, har i mulo them, kai i diwje djukle djiwenn.