Jeremia 10:20 - O Debleskro Drom 2021 (Sinte)

²⁰ Miro plachteno kheer was paash dino, un mire shelle hi an kotja tchinlo. Mire tchawe djan mandar krik, un hi gar buder koi. Kek tchiwell miro kheer pale pre, kek tchiwell i plachta koi pral.

O Debleskro Lab 2024 (Sinte-Manouche)

²⁰ Miro plarhteno kheer vas paash dino, oun mire shelle hi an kotya činlo. Mire čave djan mandar krik, oun hi gar bouder koy. Kek čivell miro kheer pale pre, kek čivell i plarhta koy pral.

Jeremia 10:20 ပူးပေါင်းရင်းမြစ်များ

Hiob 7:8

Tu, kai leh man kanna an o jak, nai dikeh man palle buder gar. Te rodeh pal mande, hom me buder gar koi.

Gosewe laba 12:7

I tchilatche wenn tele witsedo un hi gar buder koi. O kheer kolendar, kai an o tchatchepen tardo hi, atchell tardo.

Jesaja 51:16

Un me tchiwom mire laba an tiro mui, un rikrau mire wasta pral tute. Me hom kowa, kai krom o bolepen buchles pral i phub un tchiwom i phub pre. Un me penau ap i menshende an o foro Zion: Mire menshe han tumer!

Jesaja 51:18

Kote his kek mank tire tsele tchawende, kolen ap i phub anal, kai sikras tut o tchatcho drom. Un kek his koi, kai tut ap o wast las, tire tsele tchawendar, kolen bares tserdal.

Jesaja 54:2

Kre tiro plachteno kheer buchlo! Tserde kol plachte ap i rigja dureder! Ab gar tchindo! Kre i shelle lengsto, un de kol saster, hoi rikrenn len, soreles an i phub dren!

Jeremia 30:17

Tut un tiro dukepen krau me pale sasto, penell o baro Dewel, ninna te penenn le ap tute ‘o praassedo them’ un: ‘o foro Zion, pal koleste kek putchella’.

Jeremia 31:15

Kowa penell o baro Dewel: I gole un sorelo ropen well shunlo an o foro Rama: I Rachel rowell pral peskre tchawen: Jon hi mulo. Un joi kamell kek shukar laba te shunell.

Jeremia 4:20

Jek foro pal i wawar well dino. O tselo them denn le paash. Ap jek kopo hi mire un plachtene khera khetne dino.

Ropaskre gilja 1:5

Kolla, kai kamenn o foreske tchilatchepen te krell, len hi kanna penepaske pral leste, un lenge djal mishto. O baro Dewel anas koi bibacht pral o foro te dell lo les i phagi leskri bud doshake. Un kolla, kai lan o foro dren, lan i tchawen pandles, un tradan len glan pende win dran o them.

Micha 2:9

I djuwjen tradenn tumer dran lengre khera, hoi lenge bud moldo hi. Un ko latcho koowa, hoi man lengre tchawenge hi, lenn tumer lendar krik hako tsireske.