Jeremia 10:18 - O Debleskro Drom 2021 (Sinte)

¹⁸ O baro Dewel penell: Kau kopo kamau me kal menshen krik tradell dran lengro them, te wenn jon an i traash, un lenn bare duka.

O Debleskro Lab 2024 (Sinte-Manouche)

¹⁸ O baro Devel penell: Kava kopo kamau me kal menshen krik tradell dran lengro them, te venn yon an i traash, oun lenn bare douka.

Jeremia 10:18 ပူးပေါင်းရင်းမြစ်များ

Jesaja 22:17

Tu patseh, te hal i sorelo mursh! Shun, o baro Dewel lell tut un witsrell tut dur krik! Job taprell tut,

Jeremia 16:13

Doleske tradau me tumen dran kau them win an i them, kai prindjrenn tumer gar un kai prindjran tumare phure witar gar. Kote hunte wenn wawar deblenge koi ap o diwes un ap i rati; me krau miro dji tumenge pandlo.

Jeremia 22:26

Un me tradau tut un tiri dat an i wawar them, kai gar khere han. Kote merenna tumer dui.

Jeremia 23:20

O baro Debleskri choli mukell gar tele, bis te kras lo, hoi les glan his. I tsiro well, kai haiwenn tumer kowa.

Ezekiel 6:10

Un jon dikenn un haiwenn palle, te dom me, o baro Dewel, len gar tchitcheske trad, har penom, hawi bibacht pral lende wella.

Zefanja 1:17

I menshe kran tchilatchepen ap mande. Doleske krau len darenes, te nashenn le trujel har korele menshe. Lengro rat te nashell ap i phub har tchik, hoi krik witsedo well. Un lengre buke wenn krik witsedo har te wans le ful.

Zakarie 1:6

Kol laba, hoi jon, mire budepangre, tumare phurenge penan, tapran len. Koi mukan le pengro tchilatcho drom, un penan: Kowa, hoi o baro Dewel, ko rai pral o bolepen un i phub, mentsa kras, hi i phagi maro tchilatcho djipaske un ko tchilatcho koowa, hoi kram, jaake har penas lo.

5. Mose 28:52

Un jon tchiwenn pen trul tumare forja, un mukenn kekes dren un kekes win, bis te kol bare un sorele forjengre massurja tele phagedo hi, kolendar tumer patsan, te well kek wergel. Kowa krenn le tumare tsele forjentsa an tumaro tselo them, hoi tumaro baro Dewel tumen das.

1. Samuel 25:29

Un te hadell pes i mensho, te lell lo tut palla, un kamell tut te marell, palle rikrell o baro Dewel peskre wasta pral tiro djipen, jaake har jek i kutch bar an peskri possita khatrell. Kolla, kai kamenn tut te marell, lengro djipen well krik witsedo, har jek i bar krik witsrella!