Jeremia 10:10 - O Debleskro Drom 2021 (Sinte)

¹⁰ O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

O Debleskro Lab 2024 (Sinte-Manouche)

¹⁰ O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jeremia 10:10 ပူးပေါင်းရင်းမြစ်များ

1. Mose 21:33

O Abraham tchiwas i ruk an i phub an Beersheba. Un kote mangas job o baro Debles an, ko Debles, kai hako tsiro koi hi.

1. Rajengro liil 18:39

Har i tsele menshe kowa dikan, peran le ap pengre muja un dan gole: “O baro Dewel, job hi o Dewel! O baro Dewel, job hi o Dewel!”

1. Rajengro liil 8:60

Palle nai dikenn i menshe an i tsele wawar themma ap kai phub, kai o baro Dewel o tchatcho Dewel hi, job un kek wawar.

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

2. Familjakro liil 15:3

Bud bersha prindjran i Israelitarja o tchatcho Debles gar. Len his kek rashai, kai sikras lende o Debleskro drom, un kek Debleskro lab, hoi penas lenge, har te djiwenn le.

Hiob 9:6

Job taprell ap i phub un koja trissell, Ninna i barra, hoi hidjrenn lat, trissenn.

Debleskri gili 10:16

O baro Dewel hi o baro rai kanna un hako tsiro. Kolla, kai gar ap leste patsenna, djan penge dran leskro them.

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Debleskri gili 100:5

Kamlo hi o baro Dewel. Leskro latchepen atchell hako tsireske. Un leskro tchatchepen herell gar pre.

Debleskri gili 104:32

Job dikell i phub an, un joi trissella. Job taprell i berge an, un i jagakri tampa djal pre dran lende.

Debleskri gili 114:7

O baro Dewel his koi. Doleske was kowa jaake. Hakeno ap i phub hunte trissell glan o baro Debleste, ko Debleste o Jakobestar.

Debleskri gili 145:13

Tu hal un atcheh o baro rai kanna un hako tsireske. O baro Dewel rikrell peskre tsele laba, un hi latcho an halauter, hoi krell lo.

Debleskri gili 146:6

Job hi o Dewel, kai o bolepen un i phub kras, un o baro pani, un kowa, hoi dren hi. Job hi kowa, kai hako tsiro peskro lab rikrell,

Debleskri gili 18:7

An miri daar kharom ap o baro Debleste. Awa, bari gole dom ap miro Debleste. An peskro railo kheer shunas lo man, un miri gole was glan leskre kanda.

Debleskri gili 29:10

O baro Dewel hi beshdo pral i panja. O baro Dewel hi o baro rai hako tsireske.

Debleskri gili 31:5

Tserde man dran koi netsa win, hoi kran le, te perap dren. Tu hal o sorelo, kai ap miri rig hi.

Debleskri gili 42:2

Har i wesheskri busjat bari trush hi pal shila pani, jaake nashell miro dji pal tute miro Dewel.

Debleskri gili 68:11

te djiwan nai tire menshe kote. Tu, maro Dewel, hal jaake latcho, te mukal kol tchorwelen kote khere te well.

Debleskri gili 68:8

Maro Dewel, har djal tu glan tire menshende, un anal len ap o drom mashkral o mulo tato them,

Debleskri gili 74:12

Miro Dewel, fun tiknes pre hal miro baro rai. Tutar well, te wenn i menshe win lino dran i bibacht.

Debleskri gili 76:7

Har dal tu len trad, tu, o Jakobeskro Dewel, peran i graja un kolla, kai ap lende beshdo hi, an o sopen.

Debleskri gili 76:8

Glan tute kokres hunte well men daar. Koon nai atchell tardo glan tute, tu te choireh tut?

Debleskri gili 77:18

Dran o bolepen das baro sorelo brishin. O bolepen das bari gole, un i jag das karje ap o bolepen kate un kote.

Debleskri gili 84:2

Tu, baro Dewel un rai pral o bolepen un i phub, har kamau me tiro kheer o djijestar!

Debleskri gili 9:8

O baro Dewel atchella hako tsireske. Leskro tchatchepaskro stamin hi tardo.

Debleskri gili 90:11

Koon patsell, te nai well tiri choli jaake baro? Un koon darell tiri choljatar?

Debleskri gili 90:2

Glan i berge kerdo wan, un tu i phub kral, hals tu, o Dewel, koi. Un tu atcheh hake tsirja.

Debleskri gili 93:2

Baro Dewel, jaake rah har o bolepen un i phub koi hi, hal tu o baro rai. Glan hako tsiro hals tu koi.

Debleskri gili 97:4

I jag dran o bolepen, hoi tele ap kai phub karje dell, mukell i rat win dikell har o diwes. Un i phub dikell kowa un trissell.

Jesaja 37:17

Baro Dewel, dik, hoi menge djala, un shun, har o Sanherib tut, o djido Debles, praassell. Tchatcho hi, baro Dewel, kai maran i raja pral o them Assur i menshen an bud themma, un kran dran lengre themma i mulo them.

Jesaja 37:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!”

Jesaja 40:15

Dik, i menshe dran wawar themma hi leske gar budeder moldo har o pani, hoi ap o khoro tele nashell, un har i stauba, hoi ap i waga tchiddo atchas. Dik, i tikne themma an o baro pani hidjrell lo pre, har te wans le i wast pherdo tchik.

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 65:16

Palle penenn kolla an o them Juda, kai rakrenn i bacht win pral jekeste: “I bacht o tchatchepaskro Deblestar well pral tute!” Un kowa, kai dell pes sowel an o them, kowa dell pes sowel pash o tchatchepaskro Debleste. Palle hi bistedo kol phare diwessa pherdi bibacht, hoi glan kau tsiro his, un wenn mange buder gar glan i jaka.

Jeremia 23:36

Ma penenn buder: ‘Man hi i lab o baro Deblestar, hoi phares ap mande tchiddo hi.’ Kowa, hoi hi phares tchiddo ap i mensheste, well i menshendar un gar o baro Deblestar. Ma krenn sawo koowa i labentsa o djido Deblestar! Job hi o rai pral o bolepen un i phub, un maro Dewel.

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Jeremia 4:24

Me dikom ap kol bare un tikne berge. Kolla trissan.

Jeremia 50:46

Te well o foro Babilon dren lino, trissell i phub koi goljatar. Un koi ropaskri gole well shunlo an i wawar themma.

Jeremia 51:29

I phub trissella un darella! Kowa, hoi o baro Dewel pes glan las, well jaake: O foro Babilon un o tselo them Babilonia well i mulo them, kai buder kek nai djiwella.

Daniel 4:3

Un me penom soreles, te wenn i tsele sikle mursha an o them Babilonia pash mande khetne, te nai penenn le mange, hoi koi suni kamell te penell.

Daniel 4:34

Me, o Nebukadnezar parkrau man pash o bolepaskro rajeste un hadau les un sharau les. Lauter, hoi job krell un kras, hi mishto. Un leskre dromma hi tchatcho. Un kolen, kai pen bares krenn, nai krell lo tiknes.”

Daniel 6:26

Palle mukas o baro rai Darius i liil te tchinell ap i menshende dran hako them un rakepen ap i phub: Bari bacht tumenge!

Daniel 6:27

Kawa hi hoi tumendar kamau: An i tsele themma, kai me baro rai hom, hunte darell hakeno o Danieleskro Debles peskro tselo djijestar. Job hi o djido Dewel, un atchella hako tsireske. An kek tsiro nashrell lo peskri rajeskri soor. I tsele tsirenge atchell lo baro rai.

Daniel 7:14

Un kowa das les i rajeskri soor un barepen un railepen, te well lo rai pral i menshende dran hako them un rakepen. Leskri rajeskri soor atchell hako tsiro un herell gar pre. Un job atchell baro rai an i tsele tsirja.

Joel 2:11

O baro Dewel dell bari gole glan peskre kurepangre, te penell lo len, hoi te krenn le. Bud bud hi le un len hi bari soor, un krenn, hoi lo lenge penell. Awa, o diwes o baro Deblestar hi baro un pherdi traash. Koon nai rikrell les win?

Micha 1:4

Tel leskre pire wenn i berge tikno har i momeli, hoi tele chatchell, un perenn tele an i tala, jaake har o pani i berga tele nashell.

Nahum 1:5

I bare berge trissenn glan leste, un kol tikne berge perenn khetne. Job te well, palle hadell pes i phub glan leste, un kolla, kai ap late djiwenna, trissenna.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Maleachi 3:2

Koon tumendar nai rikrell ko diwes win, job te wella? Un koon tumendar nai atchell glan leste tardo, job te mukell pes te dikell? Job hi har i soreli sapuni un har i jag, hoi chatchell i tchik an o saster krik.

Mateo 16:16

Penas o Simon Petro: “Tu hal o baro rai, kolestar o Dewel penas te well job. Tu hal o tchawo o djido Deblestar.”

Mateo 26:63

O Jesus penas tchi. Pale penas o baro rashai ap leste: “Glan o djido Dewel, pen menge: Hal tu ko baro rai, kolestar o Dewel penas, te well job? Hal tu o Debleskro tchawo?”

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

5. Mose 5:26

An kek tsiro nai shunas i mensho o rakepen o djido Deblestar dran i jag win, jaake har mer, un atchas djides?

1. Tessalonikarja 1:9

Jon hi kolla, kai penenn i wawarenge, har lan tumer men pash tumende pre, har mukan tumaro phuro drom, te djan ap o Debleskro drom, un mangenn buder gar wawar koowa an har o djido un tchatcho Debles kokres.

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.

Hebrearja 10:31

Hawi bari phagi well pral kolende, ap lende o djido Dewel chojedo hi!

Josua 3:10

Ap kawa dikenn, te hi o djido Dewel mashkral tumende, un te tradell lo glan tumende i Kanaanitarja win, ninna i Hetarja, i Hiwarja, i Perisarja, i Girgasharja, i Amorarja un i Jebusarja.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.

Čačepangre 5:4

Baro Dewel, har tu tele wal dran o them Seir, har tu wal dran o them Edom, kote trissas i phub, un brishin was dran o bolepen, bud pani ap i phub.

1. Samuel 17:26

Kote penas o David ap kol murshende, kai koi tardo his: “Hoi lell kowa, kai ko murshes kote marella un i ladj i Israelendar pale krik lella? Hoi patsell ko Filistari, koon job hi? Job hi gar tchinlo ap peskro mass, un patsell, te nai praassell lo i lurden ko djido Deblestar!”

1. Samuel 17:36

Lewe un bere dom mulo. Un jaake djal les ninna kau Filistareske, kai gar tchinlo hi ap peskro mass. Job praassas i lurden o djido Deblestar. Doleske hunte merell lo!”