Jeremia 1:12 - O Debleskro Drom 2021 (Sinte)

¹² Un o baro Dewel penas ap mande: “Tu dikal mishto. Me dau garda ap miro lab, te krap kowa.”

O Debleskro Lab 2024 (Sinte-Manouche)

¹² Oun o baro Devel penas ap mande: “Tou dikal mishto. Me dau garda ap miro lab, te krap kova.”

Jeremia 1:12 ပူးပေါင်းရင်းမြစ်များ

Jesaja 55:11

Jaake hi kol laba, hoi dran miro mui win djan. Jon wenn tchatcho, un kowa, hoi penom, well jaake har me kamau. Un kowa, hoi mange glan lom, well jaake kerdo.

Jeremia 1:13

Un o baro Dewel penas o duito kopo ap mande: “Hoi dikeh tu?” Penom: “Me dikau i piri pherdo pani, hoi kerell pral kotar, kai norden hi.”

Jeremia 24:3

Un o baro Dewel putchas mandar: “Jeremia, hoi dikeh?” Me penom: “Dikau faige: latche faige, hoi hi baro un shukar, ninna djungele faige, hoi hi jaake djungele, kai nai chal len kek.”

Jeremia 31:28

Jaake har garda dom, te wan le win tserdedo un khetne phagedo, paash kerdo, un tele dino un dukedo, jaake dau palle garda, te wenn le pale bares un soreles, penell o baro Dewel.

Ezekiel 12:25

Me, o baro Dewel, penau ap tumende! Kowa, hoi me rakrau, well ninna, un well an i tikno tsiro. Tumenge, kai mukenn tumen tchi te penell, penau me: Jaake rah har tumer djiwenn, krau, te well tchatcho, hoi penom. Kawa penau me, o baro Dewel, tumaro rai.

Ezekiel 12:28

Doleske pen lenge: Kawa penell o baro Dewel, miro rai: Kowa, hoi penom, well sik. Ko lab hoi me rakrom, well tchatcho. Kowa penau me, o baro Dewel, tumaro rai.

Amos 8:2

Un job putchas mandar: “Hoi dikeh, Amos?” Me penom: “I korba, kai rukengre dren hi, kolenge o tsiro was, te wenn le tele tchinlo i rukendar.” Koi penas o baro Dewel: Jaake was mire menshenge Israel o tsiro, te wenn le tele tchinlo. Jon khaitenn man buder gar.

Louka 10:28

Penas o Jesus leske: “Tiro hi tchatcho. Kre lauter jaake, un tu djiweh!”

Louka 20:39

Koi penan i biboldengre tchatchepangre: “Rai, kowa hi tchatcho, hoi tu penal.”

5. Mose 18:17

Un o baro Dewel penas ap mande: Mishto hi, hoi jon rakran.

5. Mose 32:35

Job penell: Me hom kowa, kai dau len halauter ap lengro shero pale an ko tsiro, kai trissenn lengre herja. Gar dur hi o diwes, kai well lengri bibacht pral lende. Un kowa, hoi ap lende well, kowa well sikepah.

5. Mose 5:28

Un o baro Dewel shunas tumare laba, hoi tumer ap mande penan. Un o baro Dewel penas ap mande: “Me shunom, hoi kal menshe tuha rakran. Lauter, hoi jon penan, hi mishto jaake.