Jeremia 1:11 - O Debleskro Drom 2021 (Sinte)

¹¹ Un o baro Dewel penas ap mande: “Jeremia, hoi dikeh tu?” “Dikau i kasht i mandeltikro rukestar,” penom me.

O Debleskro Lab 2024 (Sinte-Manouche)

¹¹ Oun o baro Devel penas ap mande: “Yeremia, hoy dikeh tou?” “Dikau i kasht i mandeltikro roukestar,” penom me.

Jeremia 1:11 ပူးပေါင်းရင်းမြစ်များ

1. Mose 30:37

Un o Jakob las kashta kol rukendar, hoi kharenna: pappeltikro ruk, mandeltikro ruk un platantikro ruk, un tchinas kotja dran lende win, jaake kai dikan le o parno kasht.

Jesaja 55:11

Jaake hi kol laba, hoi dran miro mui win djan. Jon wenn tchatcho, un kowa, hoi penom, well jaake har me kamau. Un kowa, hoi mange glan lom, well jaake kerdo.

Jeremia 24:3

Un o baro Dewel putchas mandar: “Jeremia, hoi dikeh?” Me penom: “Dikau faige: latche faige, hoi hi baro un shukar, ninna djungele faige, hoi hi jaake djungele, kai nai chal len kek.”

Ezekiel 12:25

Me, o baro Dewel, penau ap tumende! Kowa, hoi me rakrau, well ninna, un well an i tikno tsiro. Tumenge, kai mukenn tumen tchi te penell, penau me: Jaake rah har tumer djiwenn, krau, te well tchatcho, hoi penom. Kawa penau me, o baro Dewel, tumaro rai.

Ezekiel 12:28

Doleske pen lenge: Kawa penell o baro Dewel, miro rai: Kowa, hoi penom, well sik. Ko lab hoi me rakrom, well tchatcho. Kowa penau me, o baro Dewel, tumaro rai.

Ezekiel 7:10

Dikenn ko diwes! Dikenn, hoi wella! I bibacht hi glan o wudar. O tchilatchepen was bud un budeder. Un o pre-phurdepen hi baro.

Amos 7:8

Un o baro Dewel putchas mandar: “Hoi dikeh, Amos?” Me penom: “I dori, kai i blaio pre-pandlo hi.” Koi penas lo: “Dik, me tchiwau i dori, kai i blaio pre-pandlo hi, mank mire menshende Israel, te sikrap, kai hi le har i bangi massuri. Jon khaitenn man kanna buder gar.

Amos 8:2

Un job putchas mandar: “Hoi dikeh, Amos?” Me penom: “I korba, kai rukengre dren hi, kolenge o tsiro was, te wenn le tele tchinlo i rukendar.” Koi penas o baro Dewel: Jaake was mire menshenge Israel o tsiro, te wenn le tele tchinlo. Jon khaitenn man buder gar.

Zakarie 4:2

un penas ap mande: “Hoi dikeh?” Me penom: “Me dikau i momelengri kerdi dran sonakai. Ap late hi i tcharo. Koi pre hi efta momlia, hakeni i mujeha.

Zakarie 5:2

Un o bolepaskro putchas mandar: “Hoi dikeh?” Me penom: “I liil, hoi djal an i lufta. Ko liil hi enja metarja lengsto un star-te-paash metarja buchlo.”

4. Mose 17:8

Un o Mose un o Aron djan glan o Debleskro plachteno kheer.