Jeremia 1:10 - O Debleskro Drom 2021 (Sinte)

¹⁰ Dik kai! Me dau tut kai diwes penepaske pral bud menshende un themma, te tradess len win, phagess len khetne, dess len tele un kress len paash, un mukess len pale bares te well, un kress len soreles.

O Debleskro Lab 2024 (Sinte-Manouche)

¹⁰ Dik kay! Me dau tout kay dives penepaske pral boud menshende oun themma, te tradess len vin, phagess len khetne, dess len tele oun kress len paash, oun moukess len pale bares te vell, oun kress len zoreles.

Jeremia 1:10 ပူးပေါင်းရင်းမြစ်များ

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 19:17

Palle well jaake: Koon nai nashell peske glan o charo, koleha o Hasael dell, koles marell o Jehu. Un koon nai nashell peske glan o charo, koleha o Jehu dell, koles marell o Elisa.

Sikepaskro 3:3

Dell jek tsiro, kai well maredo, un jek tsiro, kai well o dukepen sasto; jek tsiro, kai well o kheer tele phagedo, un jek tsiro, kai well o kheer pre-tchiddo.

Jeremia 1:5

Me prindjrom tut, glan te krom tut an tiri dakro per, un rodom tut win, glan te wal boldo, te wess miro rakepaskro i menshenge dran i tsele themma.

Jeremia 24:6

Ap lende dikau latches, un anau len pale pale an kau them. Un mukau len pale bares te well, un krau len gar paash, krau len pale soreles, un tradau len buder gar dran lengro them win.

Jeremia 25:13

Me mukau mire tsele laba tchatcho te well, hoi penom pral kau them, lauter hoi an kau liil tchinlo hi, hoi o Jeremia glan-wi penas pral i tsele natsjone.

Jeremia 31:28

Jaake har garda dom, te wan le win tserdedo un khetne phagedo, paash kerdo, un tele dino un dukedo, jaake dau palle garda, te wenn le pale bares un soreles, penell o baro Dewel.

Jeremia 31:40

Un koi tseli tala, kai i mule paskedo hi, un i jagakri tchik win tchoredo was, tele bis pash o pani Kidron, pral bis pash o grajengro wudar, hoi ap koi rig hi, kai o kham pre djal, koi tseli tala hi o baro Debleske. Un ko foro well buder gar tele phagedo un paash kerdo – an kek tsiro.

Jeremia 36:2

Le i liil un tchin halauter dren, hoi penom tuke pral o Israel un o Juda, un i menshende an kol tsele wawar themma dran ko tsiro, kai o baro rai Josia djiwas bis kau diwes.

Jeremia 44:27

Me dau garda, te well bibacht ap lende un kek bacht: Koon dran o them Juda hi, un an o them Egiptia was, kowa merell o chareha un i bokatar, bis te hi kek lendar buder koi.

Jeremia 45:4

Pen leske: Kowa penell o baro Dewel: Dik, miro them, hoi me bares krom, kowa krau me paash. Mire menshe, kolendar i natsjona krom, tradau win dran o them.

Ezekiel 21:19

Un tu mensho, de tire wasta pral tute khetne, un pen lenge, hoi pral lende wella! O charo dell tele ap lende: jek kopo, dui kope, triin kope! I marepaskro charo hi lo, bud menshen marell lo, haki rigjatar well lo ap lende,

Ezekiel 23:36

Un o baro Dewel penas ap mande: Tu, mensho, hunte rakress o tchatchepen win pral i Ohola un i Oholiba! Sike lenge hawo djungelo koowa jon kran!

Ezekiel 32:18

Tu, mensho, rob pral i menshende an o them Egiptia, khetne kol djuwjentsa dran i wawar sorele themma! Un bitche i Egiptarjen tele an o mulengro them pash i mulende.

Ezekiel 36:36

Un kol menshe an i wawar themma trul tumende, kai djido atchan, kolla dikenn un haiwenn, te krom me, o baro Dewel, kowa newes, hoi tele-phagedo his, un mukom senlepen un djob bares te well kote, kai tchi bares was. Me, o baro Dewel, penom kowa glan-wi, un me krau kowa ninna jaake.

Ezekiel 43:3

Un kowa, hoi me dikom an kai visiona his har kowa, hoi dikom, har homs pash o lengsto pani Kebar, un ninna har kowa, hoi dikom, har was o Dewel an o foro Jerusalem, te dell lo o foro paash. Un me mukom man ap i phub te perell glan leste.

Hosea 6:5

Doleske bitchrom tumenge mire rakepangre. Un lengro rakepah dau me tumen khetne, un marau tumen mire labentsa, hoi wenn dran miro mui. Miro tchatchepen well glan har o kham.

Amos 3:7

Tchatchepah, o baro Dewel, maro rai, krell tchi, te rakras lo gar glan kowa koi pral ap peskre rakepangre, kai leske koi hi.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Zakarie 1:6

Kol laba, hoi jon, mire budepangre, tumare phurenge penan, tapran len. Koi mukan le pengro tchilatcho drom, un penan: Kowa, hoi o baro Dewel, ko rai pral o bolepen un i phub, mentsa kras, hi i phagi maro tchilatcho djipaske un ko tchilatcho koowa, hoi kram, jaake har penas lo.