Jakobo 5:7 - O Debleskro Drom 2021 (Sinte)

⁷ Mire phrala, dikenn ap o diwes, kai well maro rai Jesus pale, un awenn gar khino an tumare djia, jaake har i hacho dikell ap ko diwes, kai peskro kutch djob bares was. Job djinell, o brishin hunte well un krell i phub sapeno, un pal i tsiro hunte dell pale brishin, te well o djob bares. O tselo tsiro well o hacho gar khino an peskro dji.

O Debleskro Lab 2024 (Sinte-Manouche)

⁷ Mire phrala, dikenn ap o dives, kay vell maro ray Yezous pale, oun avenn gar khino an t'mare djia, yaake har i harho dikell ap ko dives, kay peskro kouč djob bares vas. Yob djinell, o brishin hounte vell oun krell i phoub sapeno, oun pal i tsiro hounte dell pale brishin, te vell o djob bares. O tselo tsiro vell o harho gar khino an peskro dji.

Jakobo 5:7 ပူးပေါင်းရင်းမြစ်များ

Jeremia 5:24

An pengro dji penenn le gar: Mer te dikas pre ap maro baro Debleste! Job bitchrell menge o brishin an o tchatcho tsiro, brishin an o wend un brishin an i nijal, te well men o djob chapaske an ko tchatcho tsiro.

Hosea 6:3

Mer te das jak koi pre o tselo djijestar, te prindjras o baro Debles! Job wella! Kowa hi jaake tchatcho, har o kham hako diwes pre djala. Job wella, har i brishin pash mende wella, awa, har i brishin pal o wend i phub sapenes krella.

Joel 2:23

Un tumer menshe dran o foro Zion, awenn bachtelo, un giwenn pral kowa, hoi kras o baro Dewel. Job hi tumaro Dewel, un dell tumen doha brishin ap o tchatcho tsiro, har lo kras glan kowa,

Zakarie 10:1

Mangenn o baro Deblestar, te dell lo brishin ap o tchatcho tsiro. Kowa hi o baro Dewel, kai krell i pesse wolke, un dell tumen doha brishin halautereske, hoi ap i phub bares well.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Mateo 16:28

Tchatchepah, me penau tumenge: Mashkral tumende hi sawe menshe, kai merenn gar, bis te dikenn le o Menshengro Tchawes, har job o baro rai hi.

Mateo 24:27

Ap ko diwes, kai o Mensheskro Tchawo pale wella, dikenn les i tsele menshe, jaake har i Debleskri jag ap o bolepen diklo well, hoi djal jek rigjatar ap i wawar rig an o bolepen.

Mateo 24:44

Doleske penau tumenge: Denn garda! Me, o Mensheskro Tchawo, wau pale an i tsiro, kai tumer gar djinenna.

Louka 18:8

Na-a, penau me tumenge: Jon lenn sik pengro tchatchepen. Hoi penenn tumer mange, te putchau tumendar: Te well o Mensheskro Tchawo pale, hatsell job menshen ap i phub, kai patsenn ap leste?”

Louka 21:27

Un palle dikenn i tsele menshe o Menshengro Tchawes, har well lo ap i wolka bari sorjah un railepen.

Louka 8:15

Koi latchi phub hi har o dji kol menshendar, kai o Debleskro lab shunenna, un djiwenn koi pal. An lengre djia well ko lab sorelo. Un jon atchenn soreles an o patsepen tardo.”

Johanni 21:22

Penas o Jesus ap leste: “Te kamau me, te atchell job djido, bis te wau pale, palle hi kowa gar tiro koowa. Am tu mantsa!”

Johanni 21:23

Jaake was mashkral kol patslende penlo: Kowa merella gar. O Jesus penas gar, kai kowa gar merella. Job penas: “Te kamau me, te atchell job djido, bis te wau pale, palle hi kowa gar tiro koowa!”

Remarja 15:4

Lauter kowa, hoi an o phuro tsiro an o Debleskro lab tchinlo was, was tchinlo, te las mer newi soor dran o Debleskro lab, un das maro patsepen gar pre, un dikas ap ko latchepen, hoi o Dewel men della, an ko tsiro hoi wella.

Remarja 2:7

Kolen, kai mukan gar tele, te krenn le o latchepen, dell lo o djipen, hoi gar pre-herella. Jon hi kolla, kai tchiwan pengro dji koi pre, te dikell o Dewel kamles ap lende, un te lell lo len pash peste an leskro railepen, kai dell lo len o djipen, hoi gar pre-herella.

1. Korintarja 1:7

Tumen hi haki soor, hoi o Debleskro Ducho della. Un tumer dikenn ap ko diwes, kai well maro rai, o Jesus Kristo, pale.

Galatarja 5:5

Mentsa hi wawartchandes. Mer patsah, te tchiwell men o Dewel an o tchatchepen, te patsah ap o Jesus Kristeste. Ko patsepen dell men o Debleskro Ducho.

Galatarja 6:9

Dikas, te was gar khino, te kras latcho koowa. Well ko tsiro, kai lah ninna latcho koowa.

5. Mose 11:14

Palle dell job o brishin ap tumaro them an peskro tsiro, an o nijal un an o wend, te nai anenn tumaro djob dren, ninna tumari mool un djet.

Kolossarja 1:11

Lestar mangah, te dell lo tumen peskri bari soor, te wenn tumare djia soreles, te djan bachteles dureder ap leskro drom, ninna an ko tsiro, kai hi tumaro djipen pharo.

1. Tessalonikarja 1:3

Hako tsiro, kai parkrah men pash leste, well menge kowa an o shero, hoi tumer leske krenna an o patsepen un an o kamlepen ap i menshende, un har tumer mukenn gar tele, te dikenn ap ko diwes, kai well maro rai, o Jesus Kristo, pale.

1. Tessalonikarja 2:19

Mer ham bachtelo pral tumende. Un mer dikah ap ko diwes, kai well maro rai Jesus pale. Palle nai sharah men tumentsa.

1. Tessalonikarja 3:13

Palle wenn tumare djia sorelo un djudjo. Un o Dewel, maro dad, hatsell kek doosh ap tumende ap ko diwes, kai well o Jesus, maro rai, pale lauterentsa, kai leskre hi.

Jakobo 4:11

Mire phrala! Ma rakrenn djungeles pral o wawareste! Koon pral peskro phraleste djungeles rakrella un o gushteha ap leskri doosh sikrella, kowa tchiwell pes pral kowa, hoi o Dewel penas. Tu te kreh kowa, hal tu buder gar jek, hoi o Debleskro tchatchepen krella. Na-a, tu tchiweh tut pral o tchatchepen.

Jakobo 5:10

Mire phrala, dikenn ap o Debleskre rakepangre, kai penan i menshenge o Debleskro lab. Jon wan gar khino an lengre djia, ninna gar, har wan bud duka ap lende. Awenn har jon!

Jakobo 5:3

Tumaro sonakai un rup molell buder tchi. Tumer rikran les tumenge. Kowa anell tumen glan o tchatchepaskro rai un chal tumen pre har i jag. I phub atchell buder gar rah. Ninna te djinan kowa, anan tumenge bud brawlepen khetne!

2. Petro 3:4

un penenn ap tumende: “Kai hi tumaro Jesus? Job penas, kai job pale wella. Mare phure meran, un lauter atchas jaake har his, har i phub kerdo was.”