Jakobo 5:20 - O Debleskro Drom 2021 (Sinte)

²⁰ palle las kawa les dran o merepen win, te djal job gar nashedo. Un leskri bud doosh hi lestar krik lino.

O Debleskro Lab 2024 (Sinte-Manouche)

²⁰ palle las kava les dran o merepen vin, te djal yob gar nashedo. Oun leskri boud doosh hi lestar krik lino.

Jakobo 5:20 ပူးပေါင်းရင်းမြစ်များ

Debleskri gili 32:1

Laba o Davidestar. Bachtelo hi kowa, koleske o tchilatchepen, hoi ap leste his, krik lino hi, un leskri doosh bistedo hi.

Gosewe laba 10:12

Dran choli well tchingepen. Koon o wawares o djijestar kamell, bistrell leskro tselo tchilatcho koowa.

Gosewe laba 10:2

Tchoredo brawlepen hi tchitcheske. O tchatchepen lell tut dran o merepen win.

Gosewe laba 11:30

Kowa, hoi i latcho un tchatcho mensho krell, hi har i ruk, hoi o djipen dell. Ko mensho, kai gosewo hi, tserdell wawar menshen ap peskri rig.

Gosewe laba 11:4

O brawlepen hi i brawelenge tchi moldo ap ko diwes, kai o Debleskri choli pral i menshende well. Kol menshe, kai an o tchatchepen tardo hi, wenn win lino dran o merepen.

Gosewe laba 17:9

Kowa, kai i doosh i wawarendar bistrell, krell peske mala. Kowa, kai pale te pale pral koi doosh rakrell, nashrell peskre malen.

Johanni 5:24

Tchatchepah, me penau tumenge: Koon miro lab shunella, un patsell ap koleste, kai man bitchras, koles hi ko djipen, hoi gar pre-herella. Pral leste well kek phagi wi-rakedo. Job mukas ko merepen pal peste, un djas an o djipen.

Remarja 11:14

Me kamaus, te silwerenn mire menshe ap tumende, te anap nai kolendar ninna ap o Jesuseskro drom.

1. Korintarja 1:21

Ninna te dikenn i menshe o Debleskro goswepen an halauter, hoi job kras, prindjran jon pengro goswepah o Debles gar. Doleske hatsas o Dewel i wawar drom. Job lell kol menshen dran o tchilatchepen win, kai patsenn ap o rakepen pral o Jesuseskro merepen ap o trushel. Kol wawar menshe, kai gar patsenna, penenna: “Kowa hi i dinelo rakepen, hoi tumer kate rakrenna.”

1. Korintarja 9:22

Pash kolende, kai hi gar soreles an o patsepen, djiwau me jaake har jon djiwenna. Kowa krau me, te well lengro patsepen ap o Jesuseste soreles. Me wom lauterenge jaake har jon, te rodap i drom, te anap len pash o Jesus Kristeste.

1. Timoteo 4:16

De garda ap tute, har tu djiweh un har tu sikreh o Debleskro drom! Kre ko koowa, hoi tuke penom! Jaake djah tu ap o drom pash o Debleste. Un kolla, kai shunenn ap kowa, hoi tu peneh, aneh tu ninna ap ko drom.

Filemon 1:19

Me, o Paulo, tchinau kowa kokres miro wasteha. Me kamau plaissrell, hoi job hunte plaissrals tuke. Me kamau gar te rakrap pral koi sijaan, hoi tut pash mande hi: Me anom tut ap o Debleskro drom.

Jakobo 1:15

Te shunah ap maro shero, krah mer ko tchilatcho koowa. Un te was ko tchilatcho koowa baro, anell kowa menge o merepen.

Jakobo 1:21

Doleske mukenn hako djunglepen un tchilatchepen! Un patsenn ko lab, hoi o Dewel an tumende tchiwas! Krenn kowa i latcho djijeha! An o Debleskro lab hi koi soor, te lell lo tumen dran o tchilatchepen un o merepen win.

Jakobo 5:15

Te mangenn i phureder o Debles un patsenn ap leskri soor, well ko nasselo sasto. Un o Dewel krell les pale soreles. Te hi doosh ap leste, palle lell o Dewel koi doosh lestar.

Jakobo 5:19

Mire phrala, djinenn: Te peras jek tumendar o tchatcho dromestar tele, un jek wawar anell les pale ap o tchatcho drom,

1. Petro 4:8

Rikrenn khetne an o kamlepen! Kowa hi feteder har lauter wawar. O kamlepen tchakrell bud tchilatchepen.

Debleskro tsiro 20:6

Bachtele hi kolla, kai hi mank kolende, kai wenn glanstunes i mulendar djido. Jon hi o Debleskre menshe, un merenn gar o duito kopo. Jon hi i rashaja o baro Deblestar un o Jesus Kristestar. Un khetne leha hi le raja pral lauter jek sero bersh.