Jakobo 5:2 - O Debleskro Drom 2021 (Sinte)

² Tumer nashrenn tumaro brawlepen. Un tumare ripja chan i kirme.

O Debleskro Lab 2024 (Sinte-Manouche)

² T'mer nashrenn t'maro bravlepen. Oun t'mare ripya rhan i kirme.

Jakobo 5:2 ပူးပေါင်းရင်းမြစ်များ

Hiob 13:28

Jaake perau khetne har phuro kasht, har kol ripja, kolen i kirme paash chan.

Debleskri gili 39:11

Me mangau tut: Le tiro wast mandar krik. Te deh tu man dureder, hunte merap.

Jesaja 50:9

Dikenn, o baro Dewel, miro rai, hi ap miri rig. Koon hi palle, kai penell, te hi man i doosh? Lauter kolla, kai kamenn tchomone ap mande pre te anell, perenn khetne har i phuro ripen, hoi an kotja perell, te chan les i kirme pre.

Jesaja 51:8

Lenge djal har i ripen dran bakrengro bal, hoi i kirme paash chan. Miro tchatchepen atchell hako tsiro tardo, un hako tsireske lau tumen dran i bibacht win.

Jeremia 17:11

Har i diwji kachni, kai beshell pes ap i jare, kai gar lakre hi, jaake djal koleske, kai lell peske brawlepen khetne chochepah. An o feteder tsiro nashrell lo peskro brawlepen, un hi koi tardo har i narwelo.

Hosea 5:12

Me hom o khereske Efrajim har i motta, hoi chal i ripen paash. Un o khereske Juda hom har i kirmo, hoi chal o kasht paash.

Louka 12:33

Bikrenn, hoi tumen hi! Denn kol lowe i tchorwelende! Palle hi kowa jaake, har te krenn tumen i lowengro gono, hoi gar paash djala! Jaake krenn tumenge i baro brawlepen, hoi nashrenn nai gar. Kowa hi an o bolepen, kai kek tchorepaskro tumaro koowa hatsella, un kek kirme les nai pre chan!

Jakobo 2:2

Hoi krans tumer, te wals jek pash tumende an i kangri, un les wals i sonakaskri gustri ap peskro wast un raile ripja ap peste, un koi wals ninna i tchorwelo an tchorwele ripja dren?

1. Petro 1:4

jaake lah mer ninna ko djipen, hoi buder gar pre-herella. Ko shukar koowa, hoi lah an o bolepen, atchell hako tsiro. Kowa well gar tchiklo un phuro. Kau brawlepen hi tumenge,