Jakobo 5:19 - O Debleskro Drom 2021 (Sinte)

¹⁹ Mire phrala, djinenn: Te peras jek tumendar o tchatcho dromestar tele, un jek wawar anell les pale ap o tchatcho drom,

O Debleskro Lab 2024 (Sinte-Manouche)

¹⁹ Mire phrala, djinenn: Te peras yek t'mendar o čačo dromestar tele, oun yek vavar anell les pale ap o čačo drom,

Jakobo 5:19 ပူးပေါင်းရင်းမြစ်များ

Debleskri gili 119:118

Kolen, kai gar krenna, hoi lendar kameh, tradeh tu tutar. Lengro chochepen hi tchitcheske.

Debleskri gili 119:21

Tu tchingreh pral kolende, kai phurdenn pen pre. Praassedo hi kolla, kai mukan tire laba.

Gosewe laba 19:27

Miro tchawo, te mukeh tuke tchi buder te penell, palle djineh tu sik buder gar, hoi tchatcho hi.

Jesaja 3:12

Mire menshe, penell o baro Dewel, tumare pralstune hi tchawe. Un djuwja hi i raja pral tumende. Kolla kai hunte sikrans tumenge o drom, anenn tumen o tchatcho dromestar tele, un krenn, te nashrenn tumen.

Ezekiel 34:16

Kolla, kai nashedo hi, rodau me. Un kolla, kai nashran pen, anau me pale. Un kolla, kai pen dukran, pandau i diklo trujel. Un kolla, kai nasselo hi, krau soreles. Un i thullen un sorelen lau an i jak. Me dau jak ap lende har mishto hi.

Ezekiel 34:4

Kolenge, kai len kek soor buder his, wan tumer gar ap i rig, te wenn le pale soreles. Un kolla, kai nasselo his, kran tumer gar sasto. Un kolla, kai phagan pen i heri, lenge tchiwan kek diklo trul koi dukedi heri. Un kolla, kai nashran pen, anan tumer gar pale. Un kolla, kai nashedo his, rodan tumer gar. Un tchilatche sorjah hans i raja pral lende.

Mateo 18:15

Te krell tiro phraal tchilatcho koowa ap tute, palle dja pash leste kokres, un pen leske, kai kowa gar mishto hi, hoi job kras. Un te dikell lo, kai kowa tchatcho hi, hoi tu leske penal, palle anal tu tiro phrales pale ap miro drom.

Louka 22:32

Me mangom tuke pash mo Debleste, te djas tu gar o Debleskro dromestar tele. Un te djah tu pale ap o tchatcho drom, kre tire phralen soreles an o patsepen!”

Galatarja 6:1

Mire phrala, nai well, kai krell jek tumendar i tchilatcho koowa. Anenn kol menshes pale ap o tchatcho drom! Rakrenn leha latches! Jaake sikrenn tumer, kai djiwenn jaake, har o Debleskro Ducho kowa kamella. Denn jak ap tumende, te perenn tumer gar ninna o Debleskro dromestar tele!

1. Timoteo 6:10

Koon pal i lowe hi, perell an hako tchilatchepen. His menshe koi, kai kaman i lowe jaake bud, kai peran le o Debleskro dromestar tele, un dukran pen kokres.

1. Timoteo 6:21

Denn menshe mashkral i patslende, kai patsan kolen, un peran o Debleskro dromestar tele. O Debleskro latchepen djal tumentsa lauterentsa!

2. Timoteo 2:18

Jon mukan o tchatcho drom, un penenn chochepen, te penenn le: “Ko tsiro his koi, kai o Dewel i mulen djido kras.” Hi patsle koi, kolenge krell kau rakepen pengro patsepen paash.

Hebrearja 5:2

O baro rashai haiwell mishto, har kolenge djala, kai peran o Debleskro dromestar tele, ninna te djinan le gar, kai hi kowa tchilatcho, hoi jon kran. Job hi i mensho har jon, un les hi gar i soor pral o tchilatchepen.

Jakobo 1:16

Mire kamle phrala! Ma chochenn tumen kokres!

Jakobo 1:19

Mire kamle phrala, djinenn: Hako mensho hunte lell peske tsiro, te shunell lo. Job te kamell te rakrell, palle hunte putchell lo pestar, te hi kowa mishto, hoi job kamell te penell. Un job hunte well witar gar sik chojedo.

Jakobo 3:14

Te silwerenn tumer un hadenn tumen pre pral i wawarende, ma penenn, kai han gosewo! Kowa wals i chochepen un gar o tchatchepen.

Jakobo 5:20

palle las kawa les dran o merepen win, te djal job gar nashedo. Un leskri bud doosh hi lestar krik lino.

2. Petro 3:17

Latche phrala un phenja, kanna djinenn tumer, kai tchilatche menshe wenna, kai shunenn gar ap o Debleste. Doleske denn garda, te patsenn gar o chochepen, hoi jon rakrenna! Ma djan lentsa, te perenn tumer gar o tchatcho dromestar tele! Atchenn soreles an o patsepen tardo!

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.