Jakobo 5:14 - O Debleskro Drom 2021 (Sinte)

¹⁴ Te hi jek tumendar nasselo, kharell lo kolen, kai hi i phureder mank i patslende, te mangenn le o Debles leske, un te makenn le les o djeteha dren an o Jesuseskro lab.

O Debleskro Lab 2024 (Sinte-Manouche)

¹⁴ Te hi yek t'mendar nasselo, kharell lo kolen, kay hi i phoureder mank i patslende, te mangenn le o Debles leske, oun te makenn le les o djeteha dren an o Yezouseskro lab.

Jakobo 5:14 ပူးပေါင်းရင်းမြစ်များ

1. Rajengro liil 17:21

Un job tchiwas pes triin kope pral o tchaweste, un das pashel gole: “Miro baro Dewel, muk te well o djipen kau tchawestar pale an leste!”

2. Rajengro liil 4:33

Un job djas dren, pandas o wudar pal peste, un mangas o baro Debles,

2. Rajengro liil 5:11

Koi was o Naaman chojedo, djas krik un penas: “Me penom mange: Job well win glan mande un dell peskro baro Debles an-gole, un hadell peskro wast pral miro nasselo mass. Un jaake lell lo o nasslepen mandar krik.

Markus 16:18

Jon te lenn sapa an pengre wasta, un te pijenn le i pipen, kai nai merenn le, palle wenn le gar nasselo. Ap i nasslende tchiwenn le i wasta pre. Un kolla wenn sasto.”

Markus 6:13

Un jon tradan bud bengen i menshendar win, un makan bud nasselen o djeteha dren, un kran len sasto.

Bičepangre 11:30

Un jon dan o Barnabes un o Saules kol lowe, te denn jon kol lowe kolende, kai hi i phureder mank i patslende an o them Judea.

Bičepangre 14:23

Un an hake gaba un forja, kai i patsle khetne wan, rodas o Paulo un o Barnabas phralen win, te wenn le phureder mank i patslende. Un o Paulo un o Barnabas lan penge i tsiro, kai chan le tchi o Debleske, un mangan o Debles lauterenge, kai ap leste patslo wan, te dell lo ap lende jak.

Bičepangre 15:4

Palle was o Paulo un o Barnabas pash i patslende an o foro Jerusalem. Un i phureder un o Jesuseskre bitchepangre his ninna kote, un lan len o djijestar pash pende pre. Un o Paulo un o Barnabas penan lenge, kai o Dewel lentsa his, un har bud koowa job mashkral kolende kras, hoi kek bibolde hi.

Bičepangre 28:8

Leskro dades his i djungelo nasslepen an o per. Leskro tselo shero his tato, un job his an o tchiben tchiddo. O Paulo djas pash leste, mangas o Debles leske, tchiwas peskre wasta ap leste, un kras les sasto.

Bičepangre 9:40

Un o Petro tradas len win, djas ap i tchanga glan o Debleste, mangas o Debles, un djas pash koi muli djuwjate un penas: “Tabita, ste pre!” Koi kras joi peskre jaka pre. Har joi o Petres dikas, beshas pes li pre.

Tito 1:5

Me mukom tut an o them Kreta pale, te kress tu kowa, hoi me buder gar krom, un te rodess tu phureden win mashkral i patslende an hako foro, te rikrenn le i patslen ap o tchatcho drom. Te kreh tu kowa, ma biste, hoi me tuke penom!