Jakobo 5:13 - O Debleskro Drom 2021 (Sinte)

¹³ Te hi jekes tumendar i pharo tsiro, penell lo o Debleske, hoi leske phares hi! Te hi jek bachtelo, giwell lo o Debleske gilja!

O Debleskro Lab 2024 (Sinte-Manouche)

¹³ Te hi yekes t'mendar i pharo tsiro, penell lo o Debleske, hoy leske phares hi! Te hi yek barhtelo, givell lo o Debleske gilya!

Jakobo 5:13 ပူးပေါင်းရင်းမြစ်များ

1. Familjakro liil 16:9

Giwenn un bashrenn leske! Rakrenn pral ko tselo baro koowa, hoi job lauter kras!

Hiob 33:26

Job mangell o Debles, un kowa dikell latches ap leste, un mukell les bachteles glan peste te well. Un o Dewel tchiwell les pale an o tchatchepen.

Debleskri gili 105:2

Giwenn un bashrenn leske! Rakrenn pral ko tselo baro koowa, hoi job lauter kras!

Debleskri gili 118:5

Har tapras man i daar, dom me gole ap o baro Debleste, un job shunas man, un kras miro dji soreles.

Debleskri gili 18:6

I mulengro them pandas peskre shelle trul mande, un o merepaskre shelle tserdan man tele.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

Debleskri gili 95:2

Awenn glan leste, te parkras men pash leste, te giwas leske gilja un sharas les!

Jesaja 65:14

An ko tsiro, kai denn tumer gole darjatar, un rowenn dran i phagedo dji, hi mire budepangre jaake bachtelo, te giwenn le i bachtjatar.

Daniel 5:4

Koi pashel sharan le i deblen dran sonakai, rup, lolo saster, wawar saster, kasht un bar.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Jona 2:2

Un har lo an o matcheskro per his, mangas lo peskro baro Debles an,

Jona 2:7

Me djom tele bis kote kai hadenn pen i berge, bis an o mulengro them, kai o wudar well pandlo pal mande hako tsireske. Tu baro Dewel, miro Dewel, anal man djides win dran o merepen.

Micha 4:5

Ninna te mangell haki natsjona peskro debles an, mer djiwah kokres maro Debleha – kowa hi o baro Dewel – kanna un hako tsiro.

Mateo 26:30

Un palle giwan le o Debleske i gili, un djan win pash o djeteskri berga.

Louka 22:44

Un o Jesus mangas o Debles sorleder, un rat nashas leskro sherestar tele ap i phub, jaake soreles was i daar ap leste.

Louka 23:42

Un job penas ap o Jesuseste: “Jesus, ma biste man, te hal tu kote, kai tu o baro rai hal!”

1. Korintarja 14:15

Hoi hunte krap me kanna? Me kamau te rakrap o Debleha an i rakepen, hoi o Debleskro Ducho man das. Ninna kamau me te rakrap leha i labentsa, hoi me haiwau. Un me kamau leske te giwap, har o Debleskro Ducho mukell man te giwell. Un ninna kamau te giwap i labentsa, hoi me haiwau.

1. Korintarja 14:26

Mire phrala, hi jaake: Te wenn tumer khetne, sharell ko jek o Debles i giljah. I wawar sikrell, har te djan ap o Debleskro drom. Ninna i wawar penell, hoi o Dewel les sikras. Pale i wawar rakrell an i rakepen, hoi o Debleskro Ducho les das. Un i wawar nai penell, hoi koi rakedo was. Lauter kowa krenn, te wenn i patsle soreles an o patsepen!

Efesarja 5:19

Giwenn lauter khetne o Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Giwenn un bashrenn o tselo djijestar o Jesuseske, maro rajeske!

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

Jakobo 5:10

Mire phrala, dikenn ap o Debleskre rakepangre, kai penan i menshenge o Debleskro lab. Jon wan gar khino an lengre djia, ninna gar, har wan bud duka ap lende. Awenn har jon!

Debleskro tsiro 14:3

Un jon giwenn i newi gili glan o rajeskro beshepaskro, un glan kol star sorele bolepangre un glan kol tchatchepangre phurende. Un kek nai giwas koi gili, har kokres kol jek-sheel-te-star-deesh-te-star serja (144.000) menshe. O terno bakro plaissras lenge peskro rateha, te lell lo len i phubjatar win, un te anell lo len khetne o Debleske.

Debleskro tsiro 7:10

Un jon dan soreles gole: “Mer sharah maro Debles, kai ap o rajeskro beshepaskro beshdo hi un ko terno bakres! Jon lan men win dran o tchilatchepen un o merepen.”