Jakobo 5:1 - O Debleskro Drom 2021 (Sinte)

¹ Kanna penau ap tumende, kai brawelo han: Rowenn un denn gole pral koi bibacht, hoi pral tumende wella!

O Debleskro Lab 2024 (Sinte-Manouche)

¹ Kanna penau ap t'mende, kay bravelo han: Rovenn oun denn gole pral koy bibarht, hoy pral t'mende vella!

Jakobo 5:1 ပူးပေါင်းရင်းမြစ်များ

Debleskri gili 17:14

Baro Dewel, tiro wasteha le man win dran o wast kol menshendar, kai djiwenn i phubjake. Lengro brawlepen lenn jon an kau djipen! Tu kreh lengro per pherdo ko koowa, hoi tu lenge deh. Ninna lengre tchawe wenn tchalo, un mukenn pral pengre tchawenge.

Gosewe laba 11:28

Kowa, kai tchiwell peskro dji ap peskro brawlepen, merell tele har patria. Kolenge, kai krenn o tchatchepen, djal mishto har i senelo ruk.

Gosewe laba 11:4

O brawlepen hi i brawelenge tchi moldo ap ko diwes, kai o Debleskri choli pral i menshende well. Kol menshe, kai an o tchatchepen tardo hi, wenn win lino dran o merepen.

Jesaja 13:6

Rowenn, o diwes, kai o baro Debleskri choli well, hi buder gar dur. Ap ko diwes anell o sorelo Dewel bari bibacht pral tumende.

Jesaja 15:3

I menshe ap i dromma hi rido an gone. Un pral ap pengre khera un an o foro denn le lauter gole un rowenna.

Jeremia 4:8

Doleske riwenn tumen an i gono! Rowenn un denn gole! O baro Dewel las peskri bari choli gar mendar krik.

Jeremia 9:23

Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Ezekiel 19:2

Un pen: Hawi raili lewetsa his tiri dai! Mashkral terne lewe his li tchiddo, un tserdas peskre tchawen baro.

Ezekiel 30:2

Tu, mensho, pen glan-wi, hoi pral o them Egiptia wella! Pen: Kawa penell o baro Dewel, maro rai: Rowenn soreles! Hawo djungelo diwes wella!

Joel 1:11

I hachenge hi ropaske. Dell kek gib, un dell kek djob. Lauter hi nashedo.

Joel 1:13

Tumer rashaja, kai han tardo pash o Debleskri chatchepaskri, riwenn tumen an gone, un denn gole i bibachtjatar! Ninna ratsjake riwenn ko gono gar win, tumer, kai budrenn miro Debleske! Hi kek djob koi un kek mool, hoi nai anans tumaro Debleske an leskro kheer.

Joel 1:5

Stenn pre, tumer mate, un rowenn! Denn gole, tumer pipangre! Rowenn trul i moljake, hoi was krik lino tumare mujendar.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.

Zefanja 1:18

Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

5. Mose 32:15

O Jeshurun djiwas i shukar djipen, his tchalo un brawelo. Har was lo pesso, phurdas lo pes pre. Un mukas o Debles, kai les kras, un witsras les ap i rig. Leskro sorelo rikepaskro his leske tchi moldo.

Jakobo 1:11

O kham djal pre un chatchrell o senlepen. Un koi bluma perell tele, un nashrell peskro shukapen. Jaake har koi bluma, jaake merella ninna ko brawelo ap peskro drom.

Jakobo 2:6

Har hi kowa pash tumende? I tchorwele hi tumenge tchi moldo. I brawele hi tumenge budeder moldo. Un jon hi kolla, kai rikrenn tumen tele, un anenn tchilatcho koowa ap tumende un anenn tumen glan i tchatchepangre.

Jakobo 4:13

Mashkral tumende hi kolla, kai penenna: “Kau diwes kamah mer an ko foro te djal, un kamah jek bersh koi te atchell, te ginas un te bikras, un te anas bud lowe khetne.”

Jakobo 4:9

Denn gole pral tumaro tchilatcho djipen! Rowenn koi pral! Ma san gar buder! Awenn bibachtelo un buder gar bachtelo!