Jakobo 4:8 - O Debleskro Drom 2021 (Sinte)

⁸ Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

O Debleskro Lab 2024 (Sinte-Manouche)

⁸ Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

Jakobo 4:8 ပူးပေါင်းရင်းမြစ်များ

1. Mose 18:23

Un o Abraham djas pash leste un penas: “Kameh tu tchatchepah lauteren temerl dell, kolen, kai kek tchilatchepen kran – khetne kolentsa, kai tchilatcho hi?

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

2. Familjakro liil 15:2

Un job djas win, te rakrell lo o baro rajeha, o Asa, un penas leske: “Shunenn man, Asa un tumer menshe dran o tselo them Juda un Benjamin! O baro Dewel hi tumentsa, jaake rah har tumer tumen ap leste rikrenn. Te rodenn tumer les, mukell job pes te hatsell tumendar. Te mukenn les, mukell job tumen.

Hiob 16:17

Jaake hi kowa, ninna te krom kek tchilatchepen, un mangom miro Debles i djudjo djijeha an.

Hiob 17:9

Jek, kai an o tchatchepen tardo hi, mukell gar tele peskro dromestar. Un koon i djudjo djipen djiwell, well sorleder un sorleder.”

Hiob 9:30

Ninna te thowoms man gibeha tele, un mire wasta sapuneha,

Debleskri gili 119:113

Me choirau man ap kolende, kolen dui djia hi, tiro drom kamau me o djijestar.

Debleskri gili 145:18

O baro Dewel hi gar dur hakenestar, kai dell les an-gole, hakeneske, kai dell les an-gole an o tchatchepen.

Debleskri gili 18:20

Job las man win dran lengre wasta un anas man an i buchlo them. Job kamell man, doleske kras lo kowa.

Debleskri gili 24:4

Kawa, ap koleskre wasta kek doosh hi, un koles i djudjo dji hi. Kowa, kai djiwell gar peskro djipen ap chochepen, un dell pes gar chocheni sowel.

Debleskri gili 26:6

Me thowau mire wasta, te sikrap, kai hi kek doosh ap mande, un djau kote, kai wenn vieche tuke chatchedo,

Debleskri gili 51:10

Muk man pale bacht te haiwell! Tu phagal man, kanna muk man pale te stell!

Debleskri gili 73:13

His kowa tchitcheske, kai rikrom miro dji djudjo, un anom kek doosh ap mande?

Debleskri gili 73:28

Mange hi mishto, te rikrap man ap miro Debleste. Te wap pash tute, miro rai, baro Dewel, kowa hi miri bacht, te rakrap halauterestar, hoi tu kral.

Jesaja 13:15

Koon an o foro Babilon hatslo well, well tele tchurje dino. Un koon tapedo well, well o chareha mulo dino.

Jesaja 29:13

O baro Dewel, maro rai, penas: Kal menshe sharenn man labentsa. Lengre tchipja hadenn man. Lengre djia hi dur krik mandar. Te mangenn le man an, rakrenn le palla, hoi lenge glan penlo was.

Jesaja 58:2

Jon wenn hako diwes, har te rodans le man, un penenn, te kamans le mire dromma te djinell, har te wans le menshe, kai o tchatchepen krenn, un pengro Debles gar mukan. Un jon kamenn, te krap me o tchatchepen lenge win, un te wap pash lende.

Jeremia 4:11

An ko tsiro well kol menshenge an Jerusalem penlo: I sorelo tatepen well dran kol berge dran o mulo tato them pash tumende. Kowa hi kek phurdepen, hoi phurdell o phuss un o tchik krik,

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Ropaskre gilja 3:57

Har kharom tut goljah, wal tu pash mande, un penal: “Ma traash buder gar!”

Ezekiel 18:31

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Zakarie 1:3

Kanna penau tumenge: Awenn pale pash mande! Un me wau pash tumende!

Maleachi 3:7

Tumer mukan miro drom har tumare phure ninna kran, un rikran tumen gar ap mire laba. Mukenn kanna tumaro tchilatcho drom! Un awenn pash mande pale! Un me kamau pash tumende te well. Ko penell o baro Dewel, ko rai pral o bolepen un i phub. Tumer penenn: ‘Hoi kram mer, hoi tchilatcho hi?’

Mateo 12:33

Te hi tumen i latcho phabjengro ruk, hi tumen ninna latche phabja. Te hi tumen i phabjengro ruk, kai gar latcho hi, hi tumen ninna phabja, kai gar latcho hi. Ap kowa, hoi o rukestar wella, dikenn tumer, har ko ruk hi.

Mateo 15:2

“Hoske thowenn tire mala pengre wasta gar glan o chapen, jaake har mare phure menge penan?”

Mateo 27:24

Har o Pilato dikas, te nai krell lo tchi, un te wenn le diwjeder, las lo pani, thowas peskre wasta glan i tsele menshende, un penas: “Me anau kek doosh ap mande, te well lo maredo. Koi doosh well ap tumende.”

Bičepangre 15:9

Leske hi jon gar wawartchandes har mer, i bibolde. Jon te patsenn ap leste, palle krell lo lengro dji djudjo.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

1. Timoteo 2:8

Jaake kamau me, te mangenn i mursha o Debles an, kote, kai i patsle khetne wenna. Kal mursha hunte djiwenn pengro djipen jaake, har o Dewel kamella. Te hadenn le pengre wasta pre, te mangenn le o Debles an, palle hunte denn le jak, te well kek choli un kek tchingepen an lengre djia.

Hebrearja 10:22

Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

Hebrearja 7:19

O Moseskre laba nai kran i menshen gar tchatcho glan o Debleste. Doleske sikras men o Dewel i newo un feteder drom, kai anell men pash leste.

Jakobo 1:8

Palle hi tut dui djia, un djineh gar, hoi kameh, witar gar, hoi hunte kress.

Jakobo 3:17

Ko goswepen, hoi o Deblestar wella, hi wawartchandes. I mensho, kai hi les kau goswepen, kowa djiwell i djudjo djipen. Job kamell te djiwell lo latches i wawarentsa khetne. Job hi kamlo un latcho. Les hi i dji i wawarenge, un krell bud latcho koowa. Job mukell pes gar ap jekeskri rig te tserdell. Les hi gar dui tchipja.

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!

1. Petro 3:21

Jaake har wan kol ochta menshe win lino dran o merepen, jaake djas tumenge kanna ninna, har wan tumer taufedo. Kote was gar koi tchik tumendar tele thodo. Na-a! Koon mukell pes te taufrell, kowa mangell o Debles, te dell lo les i djudjo dji. Kowa nai dell o Dewel leste doleske, kai stas o Jesus Kristo i mulendar pre un djas an o bolepen. Kanna hi lo beshdo ap i tchatchi rig o Deblestar, un hi o rai pral i tsele bolepangre, un pral i tsele pralstune un sorele an o bolepen.

1. Johanni 3:3

Un hakeno, kai kowa patsella, rikrell peskro dji djudjo, te well kek doosh ap leste, jaake har ap o Jesus Kristeste kek doosh hi.

1. Samuel 14:35

Kowa his o ersto kopo, kai kras o Saul o baro Debleske i chatchepaskri.