Jakobo 4:6 - O Debleskro Drom 2021 (Sinte)

⁶ Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.

O Debleskro Lab 2024 (Sinte-Manouche)

⁶ Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.

Jakobo 4:6 ပူးပေါင်းရင်းမြစ်များ

2. Familjakro liil 32:26

Koi khaitas o Hiskijes, kai phurdas lo pes pre. Job un i menshe an Jerusalem dikan pengri doosh dren. Doleske was koi choli o baro Deblestar gar pral lende jaake rah, har o Hiskija djiwas.

2. Familjakro liil 33:12

Har lo an bari daar his, mangas lo o ropah o baro Debles, kai leskro Dewel un o Dewel leskre phurendar his, un penas leske, har bud les leskri doosh khaitas.

2. Familjakro liil 33:19

An o liil, hoi i dikepangre tchinan, hi tchinlo, har o Manasse o baro Debles mangas, un har kowa les shunas, ninna leskri tseli doosh, un har lo o baro Debles mukas, un kai lo mulne platse kras, un chochene deblen pre tchiwas, ninna koi figura, hoi i Ashera sikras, – kowa lauter, hoi lo kras, glan te dikas lo peskri doosh dren glan o baro Debleste.

2. Familjakro liil 33:23

Un job sikras gar o baro Debleste, kai les khaitas, hoi job kras, har leskro dad o Manasse kras. Na-a, job las gomme budeder doosh ap peste.

2. Familjakro liil 34:27

Un kral tiro dji lenge pre. Un kral tut tiknes glan o baro Debleste, har tu shunal, hoi me penom pral kau foro un kol menshende, kai kate djiwenna, un kral tire koola paash, kai ap tute his, un rowal glan mande. Doleske shunom me tut ninna’, penell o baro Dewel.

Hiob 22:29

Ap kolende, kai hunte djan i telstuno drom, peneh tu: Stenn pre! Un o Dewel hadell koles pale pre, kai hidjrell peskre jaka gar pre.

Debleskri gili 138:6

Awa, ninna te hal jaake dur pral halauter, dikeh tu kolen, kai tele rikede hi. Un kol pre-phurden prindjreh fun dural.

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

2. Mose 18:11

Kanna haiwom, te hi o baro Dewel bareder har hako wawar dewel. Job las i Israelitarja win dran o wast i Egiptarendar, kai kran pen bares pral lende.”

Gosewe laba 15:33

Kolla, kai djiwenn o baro Debleha, dikenn dren, hoi lenge mishto hi, un wenn gosweder. Kolenge, kai krenn pen gar bares, well ko tsiro, kai sharenn len i wawar.

Gosewe laba 18:12

Pre-phurdepen well glan o perepen. Kolenge, kai krenn pen gar bares, well ko tsiro, kai sharenn len i wawar.

Gosewe laba 22:4

Kowa, kai krell pes gar bares un djiwell o baro Debleha, lell brawlepen un sharepen un o tchatcho djipen.

Gosewe laba 29:23

O pre-phurdepen i menshestar krell, te perell lo. Kowa, kai hadell pes gar, well an-diklo.

Gosewe laba 3:34

Kolla, kai praassenn i wawaren, kolen praassell lo ninna. Kolla, kai krenn pen gar bares, ap kolende dikell lo latches.

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jesaja 54:7

I tikno tsireske mukom tut. Kanna krau miro dji bares pre tuke un lau tut pale pash mande.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Mateo 13:12

Koon o Debleskro lab an peskro dji rikrella, kowa haiwell les bud un budeder. Koon o Debleskro lab gar an peskro dji rikrella, koleske well ninna kowa krik lino, hoi job patsell, te hi les.

Mateo 23:12

Kowa, kai krell pes baro, koles krell o Dewel tikneder har i wawar. Kowa, kai krell pes tikno, koles krell o Dewel baro.

Louka 1:52

Job las i soor i bare rajendar krik, te well len buder tchi penepaske, un hadas i tiknen, te wenn le baro.

Louka 14:11

Koon pes baro krella, koles sharell o Dewel gar. Koon pes gar baro krella, un penella: Me molau tchi, koles krell o Dewel baro.”

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Jakobo 4:10

Witsrenn tumen tele glan o Debleste! Un job krell tumen bares.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

1. Samuel 2:3

Mukenn tele tumaro sharepah! Ma krenn tumen bares! Mukenn buder kek pre-phurde laba dran tumaro mui win! O baro Dewel hi i Dewel, kai kowa djinell. Un kowa, hoi i menshe krenna, lell job an o jak un penell, hoi kowa molella.