Jakobo 4:2 - O Debleskro Drom 2021 (Sinte)

² Tumer kamenn bud te lell, un len tchi. Doleske nai marans i menshen. Tumer silwerenn ap i wawarende, un tumer nai lenn gar, hoi kamenna. Doleske tchingrenn un kurenn tumen. O Deblestar mangenn tumer tchi. Doleske hi tumen tchi.

O Debleskro Lab 2024 (Sinte-Manouche)

² T'mer kamenn boud te lell, oun len či. Doleske nay marans i menshen. T'mer zilverenn ap i vavarende, oun t'mer nay lenn gar, hoy kamenna. Doleske čingrenn oun kourenn t'men. O Deblestar mangenn t'mer či. Doleske hi t'men či.

Jakobo 4:2 ပူးပေါင်းရင်းမြစ်များ

1. Rajengro liil 21:6

Kote penas job ap late: “Me penom ap o Nabot dran Jesreel: ‘De man tiro kotar phub, kai tire drakengre ruka tardo hi. Me plaissrau les tuke, oder, te kameh, dau tut i wawar kotar phub drakengre rukentsa.’ Job penas mange: ‘Me dau tuke gar miro kotar phub i drakengre rukentsa.’”

Gosewe laba 1:19

Jaake djal hakeneske, kai kamell o wawareskro brawlepen te lell. Sawo mensho lell peske kokres o djipen.

Sikepaskro 4:8

Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

Jesaja 7:12

O Ahas penas: “Me kamau gar te mangap o baro Deblestar, te krell lo tchomone, te sikrell lo, kai lo ap mari rig hi.”

Habakuk 2:5

O brawlepen chochell o menshes. O pre-phurdo mensho atchella gar, ninna te krell lo peskro mui dur pre, har ko mulengro them, hoi well gar tchalo, ninna te lell lo jek them pal o wawar peske dren.

Johanni 16:24

Bis kanna mangan tumer tchi an miro lab. Mangenn un job dell tumen, te well tumari bacht jaake bari, bareder djal gar!

Johanni 4:10

Penas o Jesus ap late: “Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.”

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

Jakobo 5:6

Koles, kai his kek doosh ap leste, anan tumer glan i tchatchepangre, te well lo mulo dino. Kowa kamas pes gar tumentsa te tchingrell.

1. Johanni 3:15

Djinenn, hakeno, kai krell peskro phraleske tchilatchepen, kowa hi har jek, kai marell peskro phrales. Un kowa, kai marell peskro phrales, koles hi gar ko djipen an leste, hoi gar pre-herella.