Jakobo 4:12 - O Debleskro Drom 2021 (Sinte)

¹² O Dewel kokres hi o tchatchepaskro rai. Job nai dell jekes i phagi, un mukell i wawares te djal. Koon hal tu, te sikreh tu ap o wawareskri doosh?

O Debleskro Lab 2024 (Sinte-Manouche)

¹² O Devel kokres hi o čačepaskro ray. Yob nay dell yekes i phagi, oun moukell i vavares te djal. Koon hal tou, te sikreh tou ap o vavareskri doosh?

Jakobo 4:12 ပူးပေါင်းရင်းမြစ်များ

Hiob 38:2

Koon hal tu, te putcheh dineles: Hi kowa gosewo, hoi o Dewel krell?

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Louka 12:5

Me kamau tumen te sikrell, konestar hunte tchatchepah trashenn: Trashenn o Deblestar, kai les i soor hi, te witsrell lo jekes pal o merepen an o bengeskri jag! Awa, kowa penau tumenge: Kolestar trashenn!

Remarja 14:13

Doleske hunte penell kek mendar ap o wawareste: “Tu djal gar mishto ap o Debleskro drom.” Denn jak, te tchiwenn tumer i wawar patsleske tchi an o drom, jaake te djinell lo buder gar, har te djal lo ap o Debleskro drom.

Remarja 14:4

Kowa hi gar tiro koowa, te peneh pral i wawareskro budepaskro: “Kowa, hoi job kras, hi gar mishto.” Leskro rai kokres nai penell: “Kowa hi mishto, kowa hi gar mishto.” Un maro rai, o Jesus Kristo, les hi i soor, te rikrell lo les pash peste, jaake te atchell lo tardo an o patsepen.

Remarja 2:1

Tu mensho, kai dikeh ap kolende un peneh, har baro hi lengri doosh, tu nai peneh gar tutar: “Man hi kek doosh ap mande.” Ko tchilatchepen, hoi tu ap o wawareste dikeh, hi ninna ap tute. Tu te sikreh ap o wawareskri doosh, rakreh tu o tchatchepen pral tute win.

Remarja 9:20

Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?

Hebrearja 7:25

Doleske nai krell lo, te djal kek kolendar nashedo, koon job pash o Debleste anas. Job djiwell hako tsireske, un mangell o Debles lenge.

Jakobo 5:9

Mire phrala, ma rakrenn chojemen jek pral o wawareste, te lenn kek phagi o Deblestar! O Dewel, kai rakrell o tchatchepen win pral i menshende, hi kanna glan o wudar tardo.

1. Samuel 25:10

O Nabal penas ap lende: “O David, koon hi lo? Koleskro dad o Isai hi? Koon hi kowa? Kau diwes denna bud budepangre, kai penge nashan pengro rajestar!