Jakobo 3:8 - O Debleskro Drom 2021 (Sinte)

⁸ Kek mensho hi o rai pral peskri tchip. I tchip hi diwjo un tchilatcho. I tchip hi har i midjak sap, hoi anell o merepen.

O Debleskro Lab 2024 (Sinte-Manouche)

⁸ Kek mensho hi o ray pral peskri čip. I čip hi divyo oun čilačo. I čip hi har i midjak sap, hoy anell o merepen.

Jakobo 3:8 ပူးပေါင်းရင်းမြစ်များ

Debleskri gili 140:3

Kolen hi tchilatchepen an o dji, un krenn tchingepen hako diwes.

Debleskri gili 55:21

O phukepaskro djal ap peskro maleste pre un rikrell gar peskri sowel, hoi das lo leste glan o Debleste.

Debleskri gili 57:4

Dran o bolepen mu well lo mange ap i rig, un lell man win dran o praassepen kolestar, kai man palla lell. O Dewel mu sikrell man, te hi lo mange latcho, un te rikrell lo pash mande.

Debleskri gili 58:4

I tchilatche peran o tchatcho dromestar tele, jaake rah har jon boldo wan. Fun tiknes pre djan le i chocheno drom.

Debleskri gili 59:7

Haki rat wenn le pale un nashenn tchorchanes trul o foro. Har djukle denn le gole.

Gosewe laba 17:20

Jek dui djijentsa hatsell kek latchepen. Un jek dui tchipjentsa perell an i bibacht.

Sikepaskro 10:11

I murshes, kai haiwell mishto o sapeha te rakrell, hi tchi kolestar, te well job dandedo, glan te durkras lo o sap.

Remarja 3:13

Dran lengro mui well merepen. Ap lengri tchip hi chochepen. Lengro rakepen anell o merepen har i sapa, hoi dandrenna.

5. Mose 32:33

Lengri mool hi har o tchunger i sapestar, hoi marell un nasselo krell.

Jakobo 3:6

I tchip hi har i jag. Lat hi i soor, te krell li bud tchilatcho koowa. I tchip nai krell o tselo menshes djungeles un tchilatches. Koi jag, hoi i tchip krell, chatchrell o tselo djipen, un well o bengestar.

Jakobo 3:7

I menshe hi i raja pral i tsele diwje viechende, ninna pral i tchirkle, pral i bare sapa un pral i bare matche. Un kolla hunte krenn, hoi i menshe kamenna.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.