Jakobo 3:6 - O Debleskro Drom 2021 (Sinte)

⁶ I tchip hi har i jag. Lat hi i soor, te krell li bud tchilatcho koowa. I tchip nai krell o tselo menshes djungeles un tchilatches. Koi jag, hoi i tchip krell, chatchrell o tselo djipen, un well o bengestar.

O Debleskro Lab 2024 (Sinte-Manouche)

⁶ I čip hi har i yag. Lat hi i zoor, te krell li boud čilačo koova. I čip nay krell o tselo menshes djoungeles oun čilačes. Koy yag, hoy i čip krell, rhačrell o tselo djipen, oun vell o bengestar.

Jakobo 3:6 ပူးပေါင်းရင်းမြစ်များ

2. Samuel 16:20

Un o Absalom penas ap o Ahitofel: “Pen mange, hoi me krap!”

2. Samuel 19:43

Koi penan kol tsele mursha dran o them Juda ap kolende dran Israel: “O baro rai hi jek mare menshendar. Hoske han tumer koi pral chojedo? Mer cham an kek tsiro o baro rajeskro chapen. Un job was menge gar latcheder har tumenge?”

2. Familjakro liil 13:17

Jaake was, kai o Abija un leskre lurde kol wawaren soreles dan. Lendar atchan 500.000 (pantch-sheel-serja) wi-rodede lurde mules tchiddo.

Debleskri gili 140:3

Kolen hi tchilatchepen an o dji, un krenn tchingepen hako diwes.

Debleskri gili 64:3

Kol tchilatche wenn khetne un rakrenn, har jon nai krenn mange tchilatchepen. Khate man, miro Dewel, glan lengri choli!

Gosewe laba 15:1

I kamlo lab krell te djal o wawareskri choli pale. I lab, hoi o wawares dukrell, krell les chojedo.

Gosewe laba 16:27

I tchilatcho mensho rodell i drom, har nai dukrell lo i wawaren. Hoi lo rakrell, chatchell har jag.

Gosewe laba 6:19

jek, kai tchomone ap i wawareste pre anell, hoi gar tchatcho hi; jek, kai anell tchingepen mank phralende.

Gosewe laba 7:5

Te hal gosewo, rikreh tut pale i wawareskri romjatar, awa, i wawar djuwjatar, kai shukar laba rakrell.

Jesaja 30:27

Dikenn, o baro Dewel wella fun dural. Leskri choli hi baro, un i pesso jagakro ducho well dran leskro nak. Pherdi choli hi leskro rakepen. un leskri tchip hi har i jag hoi lauter pre chatchrell.

Jesaja 50:11

Tumer lauter, kai i jag krenn, un kashta tchinenn un an-chatchenn, te denn tchurje lentsa, nashenn an tumari jag! Un chatchrenn tumen kokres kol kashtentsa, hoi an-chatchan! Kawa hi, hoi ap tumende well dran o wast o baro Deblestar: An phare duka wenn tumer koi tchiddo.

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Jeremia 28:16

Doleske penell o baro Dewel: Tiro rakepah anal i menshen o Debleskro dromestar krik. Doleske lau tut krik i phubjatar. Kau bersh mereh tu.”

4. Mose 25:2

Kolla kaman, te wenn i Israelitarja lentsa, te anenn jon viechen pengre deblenge. Un i Israelitarja wan lentsa un chan ko massestar un mangan kolengre deblen an.

4. Mose 31:16

Ma bistrenn, te his kol djuwja, kai kran, hoi o Bileam lenge penas, un tserdan i Israelitarjen o baro Deblestar krik, jaake te nashan le o chocheno debles Baal-Peor palla. Doleske was ko baro nasslepen ap o Debleskre menshende.

Mateo 12:24

Har i Farisarja kowa shunan, penan le: “O pralstuno beng das les i soor. Dran kowa nai tradell job i bengen win.”

Mateo 5:22

Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.

Markus 7:15

Tchi, hoi an o mensheskro mui dren wella, krell les pale-tchiddo. Kowa, hoi dran leskro dji win wella, kowa krell les pale-tchiddo.

Louka 16:24

Koi das ko brawelo gole: Tata Abraham, kre tiro dji mange pre, un bitche o Lazares pash mande! Job hunte tchiwell peskro gushto an o pani, un tchiwell kowa ap miri tchip, te dukrell man kai jag gar!

Bičepangre 20:30

Ninna dran tumende wenn mursha, kai penenn i patslenge chochene laba, hoi gar o Deblestar wella. Un jon tserdenn i patslen ap pengri rig.

Bičepangre 5:3

O Petro penas ap o Ananias: “Hoske kral tu o bengeske tiro dji pre? Hoske chochral tu o Debleskro Duches, un rikral lowe tuke?

Bičepangre 6:13

Kolla, kai chochepen ap leste pre anan, kolla penan: “Kau mursh mukell gar tele te rakrell lo djungele laba pral o Debleskro baro kheer un pral o Moseskre laba.

5. Mose 13:6

Un ko rakepaskro, ninna kowa, koles kol sunja hi, job hunte well maredo. Job kamas tumen tumaro baro Deblestar krik te anell, kolestar, kai anas tumen win dran o them Egiptia un las tumen win dran o pandepen. Ko mensho kamas te djan tumer tele o dromestar, hoi tumaro baro Dewel penas, te hunte djan ap leste. Un tumer hunte witsrenn win o tchilatchepen, hoi mashkral tumende hi.

Tito 1:11

Tu pandess lengro mui! Jon sikrenn i menshende i drom, hoi gar tchatcho hi. Kowa krenn le, te well len budeder lowe. Jaake djinenn tsele familje buder gar, hoi te patsenna.

Jakobo 2:7

Un pral koleste, koon tumaro rai hi, rakrenn le djungeles.

Jakobo 3:7

I menshe hi i raja pral i tsele diwje viechende, ninna pral i tchirkle, pral i bare sapa un pral i bare matche. Un kolla hunte krenn, hoi i menshe kamenna.

2. Petro 3:3

Me kamau, te djinenn tumer, glan ko tsiro, kai o Jesus Kristo pale wella, wenna menshe pash tumende, kai san pral tumaro patsepen. Kolla djiwenn jaake har jon kamenna,

3. Johanni 1:10

Te wau me pash tumende, penau me leske, hoi job lauter kras. Job anell o chochepen pral mende pre. Un kowa hi leske gar doha. Job lell gar i patsle phralen pre, kai wenna pash leste. Un kolla, kai kamenn len pash pende pre te lell, kolenge penell lo, te krenn le kowa gar, un witsrell len dran i kangri win.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 18:23

I tsele momlia djan win. Un kek krella pale i momeli an. Tu shuneh buder kek pirno peskri pirnjah khelell un giwell. I bikepangren un i parepangren an ko foro his bud penepaske ap kai phub. Un ko bengeskro koowa, hoi kran le an o foro, anas i menshen an i tsele themma ap o bengeskro drom.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.