Jakobo 3:5 - O Debleskro Drom 2021 (Sinte)

⁵ Jaake hi ninna mari tchip tikno un krell nai bare laba. Tumer djinenna, i tikni jag nai chatchrell i tselo weesh tele.

O Debleskro Lab 2024 (Sinte-Manouche)

⁵ Yaake hi ninna mari čip tikno oun krell nay bare laba. T'mer djinenna, i tikni yag nay rhačrell i tselo veesh tele.

Jakobo 3:5 ပူးပေါင်းရင်းမြစ်များ

Hiob 22:17

Un jon penan ap o Debleste: “Dja tuke mendar!” Un: “Hoi nai krell menge o sorelo Dewel?”

Debleskri gili 10:3

Job sharell pes pral kowa, hoi lo kamell te krell. Un kowa, kai i meen gar pherdo lell, praassella o baro Debles un sal pral leste.

Debleskri gili 17:10

Lengre djia pandenn le, te khaitell len kek, un pengro mujeha krenn le pen bares.

Debleskri gili 39:1

I gili o rajeske pral i gipangre, o Jedutun. O David kras kai gili.

2. Mose 15:9

I Egiptarja penan: Las len palla, las len dren! Las menge, hoi lengro hi! Hakenes hi doha koi! Las mare chare, das len temerl!

2. Mose 5:2

Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

Gosewe laba 12:18

Laba, hoi sik win rakedo wenna, nai denn tchurje har i charo. O rakepen i gosewe menshendar anell sastepen.

Gosewe laba 15:2

O gosewo rakrell jaake, te haiwenn i wawar, hoi mishto hi. Dran o narweleskro mui well tchi har dinlepen.

Gosewe laba 18:21

Kol laba, hoi jek rakrell, nai anenn leske o merepen un ninna o djipen. Un kowa, kai bud rakrell, dikella, hoi leskre laba leske dren anenn.

Gosewe laba 26:20

Kote, kai buder kek kasht hi, kote djal i jag win, un kote, kai kek buder hi, kai chochepen ap wawarende pre anell, kote djal o tchingepen krik.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Ezekiel 28:2

Tu mensho, pen ap o rajeste pral o foro Tirus: Kawa penell o baro Dewel, maro rai: Tiro dji hadas pes un penas: “Me hom i dewel! Un hom beshdo ap i debleskri beshepaskri mashkral dren an baro pani!” Ninna te kreh, har te wals i dewel, hal tchi har i mensho!

Ezekiel 29:3

Pen leske: Kawa penell o baro Dewel, maro rai: Tu Farao, baro rai pral Egiptia, kanna sikrau les tuke! Tu hal har i baro tchilatcho viecho tchiddo an tire bare lengste panja, un peneh: “Ko baro lengsto pani hi miro. Mange krom les.”

Daniel 3:15

Kanna shunenn: Jaake sik, har shunenn tumer o phurdepaskro bashepen un bashepen ap i dorjengre bashepangre un ko tselo wawar bashepen, witsrenn tumen tele ap i phub, un mangenn koi figura an, hoi me krom! Te witsrenn tumen gar glan late ap i phub, palle wenn tumer gomme kate an i bobeskri jag witsedo! Un koon hi ko dewel, kai nai lell tumen win dran miro wast?”

Daniel 4:30

Un gomme an ko tsiro, har lo koi pral tardo his, was kau lab tchatcho. Un job was pale-tchiddo un djiwas buder gar mank i menshende. Un job chas khass har i grumja. Un job tchiwas pes win tele. Un o brishin peras ap leste tele un kras les sapeno. Leskre balla wan jaake lengsto har i phora bare tchirklendar, un leskre naja bango har i tchirklengre tsebe.

Jakobo 3:4

Dikenn ninna ap kol bare shiffe, kolen i sorelo ducho pral o baro pani tradell. Lengro rai anell len o tikno kashteha kote, kai job kamella.

2. Petro 2:18

Jon rakrenn bare laba, kai tchi moldo hi. Lengro wi-ladjedo djipen tserdell kolen ap o tchilatcho drom, kai dan glan i tikno tsiro pengro phuro djipen pre.

Judas 1:16

Kolla hi sawe menshe, kolenge kowa gar mishto doha hi, hoi o Dewel len das. Un jon choirenn pen, kai lenge gar feteder djal. Jon djiwenn pal pengro shero. Jon hi sharede, kai rakrenn shukar labentsa i menshentsa, te lenn le lendar latcho koowa.