Jakobo 2:25 - O Debleskro Drom 2021 (Sinte)

²⁵ Ninna koi lubni Rahab was tchatcho un erligo glan o Debleste, har joi ko latcho koowa kras. Joi phukras gar ap kol dui bitchepangre dran Israel, kai wan an lakro foro, te dikenn le, har sorelo o foro hi. Joi khatras len, un anas len ap i wawar drom dran ko foro win.

O Debleskro Lab 2024 (Sinte-Manouche)

²⁵ Ninna koy loubni Rahab vas čačo oun erligo glan o Debleste, har yoy ko lačo koova kras. Yoy phoukras gar ap kol douy bičepangre dran Israel, kay van an lakro foro, te dikenn le, har zorelo o foro hi. Yoy khatras len, oun anas len ap i vavar drom dran ko foro vin.

Jakobo 2:25 ပူးပေါင်းရင်းမြစ်များ

Mateo 1:5

Koleskro tchawo his o Boas. Koleskri dai his i Rahab. O Boas las i tchawes. Kowa his o Obed. Koleskri dai his i Rut. O Obed las i tchawes. Kowa his o Isai.

Mateo 21:31

Koon kol dujendar kras kowa, hoi o dad kamas?” Penan le ap leste: “O phureder.” Penas o Jesus: “Tchatchepah, me penau tumenge: Kol bibolde, kai i lowe i Remarjenge dren lenna un hi tumenge pale-tchiddo, un i lubja wenna sikeder ap o Debleskro drom har tumer.

Bičepangre 17:7

un djiwenn pash o Jason. Jon krenn gar, hoi o baro rai an o foro Rom lenge penella, un penenn: I wawar hi o baro rai. Leskro lab hi Jesus.”

Hebrearja 11:31

Ninna i lubni Rahab patsas ap o Debleste, un las kol murshen an lakro kheer dren, kolen o Mose bitchras, te dikenn le, har sorelo o foro Jericho hi. Jaake was i Rahab gar maredo khetne kol wawar menshentsa an ko foro, kai prindjran o Debles gar.

Jakobo 2:18

Kanna nai well jek, kai penella: “Jekes hi patsepen un i wawar krell latcho koowa.” Koleske penau me: Sike mande o patsepen kolestar, kai krell kek latcho koowa. Miro patsepen sikrau tute dran kowa, hoi me krau.

Jakobo 2:22

Tu dikeh, har job kras, hoi o Dewel lestar kamas, koi sikras lo, kai leskro patsepen ap o Debleste baro his.

Jakobo 2:24

Tumer dikenn kanna, o patsepen kokres hi gar doha. O mensho hunte krell ninna, hoi o Dewel kamella, te well lo tchatcho un erligo glan leste.

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 2:15

Kote mukas li len ap jek shello dran i wali tele. Lakro kheer his kerdo an i pre-tchidde barra, hoi djan trul o foro.

Josua 2:16

Un joi penas ap lende: “Djan an i berge, te nai hatsenn tumen kolla gar, kai tumen palla lenn. Un khatrenn tumen kote triin diwessa. Palle hi kolla, hoi tumen palla lan, pale khere. Un tumer djan tumaro drom.”

Josua 2:4

Koi djuwel anas kol dui murshen pral pre ap o kheer un khatras len tel flachstikre ranja, hoi kote tchiddo his. Un joi penas ap kol bitchepangre o baro rajestar: “Awa, dui mursha wan pash mande. Me djinom gar, dran hawo them jon wenn. Un ap i rat, gomme glan ko tsiro, kai o foreskre bare wudja pandlo wenn, djan kol dui mursha pale win. Me djinau gar, kai le djan. Kanna nashenn lenge sik palla! Palle taprenn len gomme!”

Josua 6:17

Un o foro un halauter hoi dren hi, hi o baro Debleske. Kek mensho un kek viecho nai atchell djido. Kokres koi lubni Rahab atchell djido, joi un halauter, hoi pash late an o kheer hi. Joi khatras kol murshen pash peste, kolen mer bitchram.