Jakobo 2:23 - O Debleskro Drom 2021 (Sinte)

²³ Kote was tchatcho, hoi an o Debleskro lab tchinlo hi: O Abraham patsas o Debles. Doleske tchiwas les o Dewel an o tchatchepen glan peste. Ninna i menshe penan lestar, kai hi job o Debleskro maal.

O Debleskro Lab 2024 (Sinte-Manouche)

²³ Kote vas čačo, hoy an o Debleskro lab činlo hi: O Abraham patsas o Debles. Doleske čivas les o Devel an o čačepen glan peste. Ninna i menshe penan lestar, kay hi yob o Debleskro maal.

Jakobo 2:23 ပူးပေါင်းရင်းမြစ်များ

1. Mose 15:6

Un o Abram patsas o baro Debles. Un doleske kras o Dewel les tchatcho glan peskre jaka.

1. Rajengro liil 4:5

O rai pral kol pralstunende, kai his tardo pral o them, his: o Asarja, koleskro dad o Natan his. O baro rajeskro maal his: o Sabud, koleskro dad o Natan his.

2. Familjakro liil 20:7

Maro Dewel hal tu, un tradal kol tsele wawar menshen an kau them win glan mende, tire menshende Israel. Un dal kau them hako tsireske kol menshenge, kai wan o Abrahamestar, kai tiro maal his.

Hiob 16:21

Jaake har i mensho peskro maleske mishto rakrell, kamoms te rakrell jek mange mishto glan o Debleste.

2. Mose 33:11

O baro Dewel rakras o Moseha, har mala rakran khetne, kai dikenn pen an i jaka. Palle djas o Mose pale ap i platsa, kai i menshe hi. Leskro terno budepaskro, o Josua, – koleskro dad hi o Nun, – atchas an o Debleskro plachteno kheer.

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Markus 12:10

Djinenn tumer gar, hoi an o Debleskro lab tchinlo hi? Kote hi tardo: His i bar, kai i budepangre lestar penan: Kowa hi tchi moldo. Ko bar las o Dewel un tchiwas les jaake an o kheer, te rikrell lo ko tselo kheer khetne.

Markus 15:27

Khetne leha dan le dui marepangren ap o trushel. Ko jekeskro trushel his tchatches lestar, ko wawareskro trushel his serwes lestar.

Louka 4:21

Un job penas ap lende: “Kau diwes nai dikenn tumer, te hi kau lab o tchatchepen.”

Bičepangre 1:16

Mire phrala, kowa, hoi an o Debleskro lab pral o Judas tchinlo hi, hunte was jaake. Glan rah tsiro penas o Debleskro Ducho o Davideske kowa, hoi wella pral o Judaseste. O Judas sikras o drom kolende, kai tapran o Jesuses.

Remarja 11:2

Glan rah tsiro rodas o Dewel i Israelitarjen win, te wenn le leskre menshe. Doleske tchiwell lo len gar infam. Djinenn tumer gar, hoi an o Debleskro lab pral o Elija tchinlo was? Job was glan o Debleste, un rakras leha pral o tchilatchepen, hoi i Israelitarja kran.

Remarja 9:17

An o Debleskro lab hi tchinlo, har mukas o Dewel ap o baro rajeste pral o them Egiptia te penell: Me krom tut bares, te sikrap miri soor ap tute, jaake te well miro lab ap i tseli phub prindjedo.

Galatarja 3:22

O Debleskro lab penella, kai hi hako mensho pandlo ap o tchilatchepen. Ko jek drom, kai anell men win dran o tchilatchepen, hi o patsepen ap o Jesus Kristeste. Kowa penas o Dewel.

Galatarja 3:6

Jaake his kowa ninna o Abrahameha. Job patsas o Debles. Doleske tchiwas o Dewel les an o tchatchepen.

2. Timoteo 3:16

Lauter, hoi an o Debleskro lab tchinlo hi, tchiwas o Dewel an i menshengre djia, te tchinenn le kowa pre. Men hunte well o Debleskro lab, te sikras i menshende leskro drom, te sikras len lengri doosh, un hoi te krenn le feteder, un har te djiwenn le i djipen, hoi o Dewel kamella.

Jakobo 2:24

Tumer dikenn kanna, o patsepen kokres hi gar doha. O mensho hunte krell ninna, hoi o Dewel kamella, te well lo tchatcho un erligo glan leste.

1. Petro 2:6

An o Debleskro lab hi tchinlo: Me rodom jek kutch bar win, un tchiwom les an o foro Zion tele, jaake te well miro kheer ap leste soreles tardo. Un koon ap koleste patsella, atchell djido.