Jakobo 2:14 - O Debleskro Drom 2021 (Sinte)

¹⁴ Mire phrala, te penell jek, kai job ap o Jesus Kristeste patsella, un krell tchi leske, koleskro patsepen hi tchi moldo ap ko diwes, kai job glan o Debleste tardo hi.

O Debleskro Lab 2024 (Sinte-Manouche)

¹⁴ Mire phrala, te penell yek, kay yob ap o Yezous Kristeste patsella, oun krell či leske, koleskro patsepen hi či moldo ap ko dives, kay yob glan o Debleste tardo hi.

Jakobo 2:14 ပူးပေါင်းရင်းမြစ်များ

Jeremia 7:8

Tumer patsenn chochene laba. Kowa hi tchitcheske.

Mateo 5:20

Un me penau tumenge: Tumer nai djiwenn gar o Debleha khetne an o bolepen, te krenn tumer gar, hoi o Dewel kamella. Un tumer hunte krenn kowa feteder, har i biboldengre tchatchepangre un i Farisarja kowa krenna.

Louka 3:11

“Te hi jekes dui gada,” penas lo, “mu dell lo jek gad koleste, kones kek hi. Un kones chapen hi, kowa dell koleste i paash, kones tchi hi.”

Louka 6:49

Koon shunell mire laba, un krell kowa gar, hoi me penaua, hi har i mensho, kai kras peskro kheer ap i tchik, un gar ap i sorelo baro bar. Un o baro pani was, un o tselo kheer peras khetne. Un i bibacht his baro.

Bičepangre 15:9

Leske hi jon gar wawartchandes har mer, i bibolde. Jon te patsenn ap leste, palle krell lo lengro dji djudjo.

Bičepangre 8:13

Koi was ninna o Simon patslo, un mukas pes te taufrell. Palle atchas lo pash leste. Un har o Simon ko baro un sorelo koowa dikas, hoi o Filipo an o Debleskri soor kras, atchas leske o rakepen krik.

Bičepangre 8:21

Kau koowa, hoi mer krah, hi o Debleskro koowa un gar tiro koowa. Tiro dji hi gar tchatcho glan o Debleste.

Remarja 2:25

Ninna te han bibolde un ap tumaro mass tchinlo, hunte rikrenn tumen ap kowa, hoi o Dewel an o Moseskre lila penas. Te krenn tumer, hoi kote tchinlo hi, pale hi tumenge bud moldo, te han bibolde. Te krenn kowa gar, han tumer glan o Debleste har jek, kai hi kek biboldo.

1. Korintarja 15:2

Te rikrenn tumen ap o latcho lab o Jesusestar, jaake har me les tumenge penom, djan tumer gar nashedo. Te wals kowa wawartchandes, wals tumaro patsepen tchitcheske.

1. Korintarja 16:22

Koon o Jesuses, maro rajes, gar kamella, ap koleste well i bibacht! Maranatha!

Galatarja 5:13

Mire phrala, o Dewel das tumen gole, te djiwenn i djipen, kai han buder gar pandlo ap tchomone. Kal labentsa penau gar, te krenn tumer nai, hoi kamenna, un djiwenn nai tumaro phuro djipen. Na-a, awenn jek o wawareske koi! Krenn kowa dran o kamlepen!

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

1. Tessalonikarja 1:3

Hako tsiro, kai parkrah men pash leste, well menge kowa an o shero, hoi tumer leske krenna an o patsepen un an o kamlepen ap i menshende, un har tumer mukenn gar tele, te dikenn ap ko diwes, kai well maro rai, o Jesus Kristo, pale.

1. Timoteo 1:5

Lauter, hoi peneh tu lenge pral o patsepen, hunte sikrell lende, te well lengro kamlepen dran i djudjo dji, un te well len i patsepen, an koleste kek chochepen hi, un te krenn le lauter jaake, har lengro dji lenge penella.

1. Timoteo 4:8

Te dikeh ap kowa, te wenn tire mussja un herja soreles, hi kowa gar bud moldo. Te dikeh ap kowa, te well tiro patsepen soreles, hi kowa bud moldo, un tu leh o tchatcho djipen. Ko djipen dell tut o Dewel kanna ap kai phub un an ko tsiro, hoi wella.

Tito 1:16

Jon penenn, te prindjrenn le o Debles. An lauter, hoi jon krenna, sikrenn le, kai jon les gar prindjrenna. Jon hi infam an o Debleskre jaka, un kamenn gar ap leste te shunell. Jaake hi lauter, hoi jon krenna, tchi moldo.

Tito 3:8

Kau lab hi tchatcho. Doleske rake kowa i patslenge an o dji, te rodenn le koi pal, har nai krenn le latcho koowa. Kowa hi mishto un bud moldo hakeneske.

Hebrearja 11:17

Tumer djinenna: An o phuro tsiro kamas o Dewel te dikell, har baro o Abrahameskro patsepen hi. Un o Dewel penas ap leste, te marell job peskro tchawes har i bakro, hoi o Debleske maredo wella. Un o Abraham shunas ap o Debleste, un las peskro tchawes, kai leske kokres boldo was, te marell lo les glan o Debleste. Glan kau tsiro penas o Dewel ap o Abrahameste: Tiro tchawo, o Isaak, hi o dad kolendar, kai pal tute wenna.

Hebrearja 13:9

Te hi menshe koi, kai sikrenn tumen wawar dromma un kamenn tumen o Debleskro dromestar tele te anell, palle patsenn lenge gar! Har shukar hi kowa, te wenn tumer sorelo an o dji! Kowa krell o Dewel, kai hi jaake latcho ap tumende. Kolla, kai penenn tumenge, hoi te chan un hoi te chan gar, kolla nai krenn gar tumaro patsepen soreles. Lengre laba hi tchi moldo.

Jakobo 1:16

Mire kamle phrala! Ma chochenn tumen kokres!

Jakobo 2:16

un tumer denn len gar, hoi len hunte well djipaske? Palle hi lenge tchi moldo, te penell jek ap lende: “O Dewel hi tumentsa. Job dell tumen chapaske un ripaske.”

Jakobo 2:18

Kanna nai well jek, kai penella: “Jekes hi patsepen un i wawar krell latcho koowa.” Koleske penau me: Sike mande o patsepen kolestar, kai krell kek latcho koowa. Miro patsepen sikrau tute dran kowa, hoi me krau.

Jakobo 2:26

Jaake har o mensho mulo hi, te hi les kek ducho, jaake hi maro patsepen mulo, te krah kek latcho koowa.

2. Petro 1:5

Doleske tchiwenn tumaro tselo dji koi pre, te well pash tumaro patsepen ninna i djudjo djipen. Koon i djudjo djipen djiwella, haiwell, hoi o Dewel lestar kamella.