Jakobo 1:6 - O Debleskro Drom 2021 (Sinte)

⁶ Tu te mangeh, hunte patsess, kai leh kowa ninna. Te patseh tu kowa gar, hal tu har i pani, kai phurdell i sorelo ducho pral un tradell les kate te kote.

O Debleskro Lab 2024 (Sinte-Manouche)

⁶ Tou te mangeh, hounte patsess, kay leh kova ninna. Te patseh tou kova gar, hal tou har i pani, kay phourdell i zorelo dourho pral oun tradell les kate te kote.

Jakobo 1:6 ပူးပေါင်းရင်းမြစ်များ

1. Mose 49:4

Diwjo har i pani hals, pash jekate miri romjendar sowal. Ap tiro dadeste i ladj anal. Doleske buder gar ko pralstuno hal.

Mateo 14:28

Penas o Petro ap leste: “Rai, tu te hal kowa, pen mange, te djap ap o pani pash tute!”

Bičepangre 10:20

Ste pre, dja tele, un dja lentsa! Pats, hoi jon tuke penenn! Me bitchrom len.”

Efesarja 4:14

Palle ham buder gar har tikne tchawe, kai lauter patsenna, kau diwes jaake un ko wawar diwes wawartchandes. Un mer shunah buder gar ap kolende, kai chochenna, un kamenn men o tchatcho dromestar tele te anell.

1. Timoteo 2:8

Jaake kamau me, te mangenn i mursha o Debles an, kote, kai i patsle khetne wenna. Kal mursha hunte djiwenn pengro djipen jaake, har o Dewel kamella. Te hadenn le pengre wasta pre, te mangenn le o Debles an, palle hunte denn le jak, te well kek choli un kek tchingepen an lengre djia.

Hebrearja 10:23

Mer nai patsah o Debles, te krell lo kowa, hoi job penas. Job rikrell peskro lab. Doleske rikras soreles maro patsepen ap leste!

Hebrearja 11:6

Te hi jekes kek patsepen, nai krell lo gar, hoi hi latcho glan o Debleskre jaka. Koon kamell pash o Debleste te well, kowa hunte patsell, te hi o Dewel djido, un te hi lo latcho ap koleste, koon rodell les.

Hebrearja 13:9

Te hi menshe koi, kai sikrenn tumen wawar dromma un kamenn tumen o Debleskro dromestar tele te anell, palle patsenn lenge gar! Har shukar hi kowa, te wenn tumer sorelo an o dji! Kowa krell o Dewel, kai hi jaake latcho ap tumende. Kolla, kai penenn tumenge, hoi te chan un hoi te chan gar, kolla nai krenn gar tumaro patsepen soreles. Lengre laba hi tchi moldo.

Jakobo 1:7

Tu te hal jaake, djiness, kai leh tu tchi o Deblestar.

Jakobo 5:15

Te mangenn i phureder o Debles un patsenn ap leskri soor, well ko nasselo sasto. Un o Dewel krell les pale soreles. Te hi doosh ap leste, palle lell o Dewel koi doosh lestar.

2. Petro 2:17

Kol menshe hi har i brunna, kai hi kek pani dren. Jon hi har o bolepen, kai dell kek brishin. Ap ko diwes, kai lenn jon pengri phagi, wenn le an i kali rat witsedo.