Jakobo 1:4 - O Debleskro Drom 2021 (Sinte)

⁴ Rikrenn win, un djan dureder an o patsepen! Ma atchenn tardo! Jaake wenn tumer sawe menshe, har kamell o Dewel dran tumende te krell. Un tumer krenna lauter, hoi mishto un latcho hi. Un kek doosh hi ap tumende.

O Debleskro Lab 2024 (Sinte-Manouche)

⁴ Rikrenn vin, oun djan doureder an o patsepen! Ma ačenn tardo! Yaake venn t'mer save menshe, har kamell o Devel dran t'mende te krell. Oun t'mer krenna lauter, hoy mishto oun lačo hi. Oun kek doosh hi ap t'mende.

Jakobo 1:4 ပူးပေါင်းရင်းမြစ်များ

Hiob 17:9

Jek, kai an o tchatchepen tardo hi, mukell gar tele peskro dromestar. Un koon i djudjo djipen djiwell, well sorleder un sorleder.”

Debleskri gili 37:7

Atch pokones un dik ap o baro Debleste, te well lo ap tiri rig! Ab gar chojedo pral koleste, kai leske mishto djala, ninna te hi les tchilatchepen an o shero.

Debleskri gili 40:1

I gili o rajeske pral i gipangre. O David kras kai gili.

Gosewe laba 4:8

Hidje o goswepen pral an tiro djipen, palle krell lo tut bares. Rike o goswepen soreles, palle dikenn i wawar pre ap tute.

Habakuk 2:3

Ko tsiro hi kanna gar koi, te well kowa jaake, hoi sikrom tuke. Kowa well tchatcho ap peskro tsiro. Tu nai djineh tchatchepah, kai kowa jaake wella. An kal laba hi kek chochepen. Ninna te well kowa gar jaake sik, de jak, te well kowa. Hi tchatcho, hoi penau: Kowa wella un atchell gar krik.

Mateo 10:22

Tumer patsenn ap mande. Doleske wenn i menshe chojedo ap tumende. Kowa, kai atchell soreles tardo an o patsepen, jaake rah, har job djiwella, kowa lell o Debleskro djipen.

Mateo 19:20

Koi penas ko terno mursh ap leste: “Kowa lauter krom. Hoi hunte krap budeder?”

Mateo 5:48

Tumer hunte wenn jaake latches ap i menshende, har tumaro dad an o bolepen hi latches ap i menshende.

Markus 10:21

Un o Jesus dikas kamles ap leste un penas: “Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un dja mantsa!”

Louka 18:22

Har o Jesus kowa shunas, penas lo ap leste: “Jek hunte kress tu budeder. Bike lauter, hoi tut hi, un de kol lowe i tchorwelende! Palle hi tut i brawlepen an o bolepen. Un am un dja mantsa!”

Louka 21:19

Atchenn soreles an o patsepen, un tumer lenn ko tchatcho djipen!”

Louka 8:15

Koi latchi phub hi har o dji kol menshendar, kai o Debleskro lab shunenna, un djiwenn koi pal. An lengre djia well ko lab sorelo. Un jon atchenn soreles an o patsepen tardo.”

Johanni 17:23

Me djiwau an lende. Un tu djiweh an mande. Jaake te wenn jon jek. Un i menshe dikenna, kai tu man bitchral, un kai tu len jaake kameh, har tu man kameh.

1. Korintarja 2:6

Kowa, hoi mer penah i patslenge, hi o Debleskro goswepen. Kau goswepen hi gar har ko goswepen, kai well kol menshendar, kai prindjrenn o Debles gar, witar gar har o goswepen kolendar, kai hi raja ap kai phub. Kolla hunte merenn.

Galatarja 6:9

Dikas, te was gar khino, te kras latcho koowa. Well ko tsiro, kai lah ninna latcho koowa.

Kolossarja 4:12

Ninna o Epafras penell tumenge: “Atchenn o Debleha!” Kowa hi jek tumendar, un budrell o Jesus Kristeske. Job mangell o Debles hako tsiro tumenge, te wenn tumer soreles an o patsepen, te djinenn lauter, hoi o Dewel tumendar kamella un te krenn kowa ninna.

1. Tessalonikarja 5:23

O Dewel kras i drom, te was pash leste. Lestar mangau, te krell lo tumaro tselo djipen djudjo glan leste, te rikrell lo tumen an peskre wasta, jaake te hatsell lo kek doosh ap tumende ap ko diwes, kai well maro rai, o Jesus Kristo, pale.

2. Timoteo 3:17

I mensho, kai kamell o Debleske koi te well, hatsell an o Debleskro lab lauter, hoi les hunte well, te nai krell lo lauter jaake, har o Dewel kamella.

Hebrearja 13:21

Mangau o Deblestar, te dell lo tumen i soor, te krenn lauter kowa, hoi latcho hi, jaake har job kamella. Mu dell lo men i soor, te djiwas jaake, har mishto hi glan leskre jaka. O Jesus Kristo nai krell kowa. Sharas o Jesus Kristes kanna un hako tsiro! Amen.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

Jakobo 3:2

Mer halauter krah bud kope, hoi gar mishto hi. Koon rakrell an kek tsiro tchilatcho koowa, kowa hi i latcho mensho, kai nai rikrell pes khetne.

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.

2. Petro 1:9

I patslo, kai krell kowa gar, kowa hi korelo, un djiwell an o tamlepen. Job bistras, kai was leskri tseli doosh lestar krik lino, hoi job kras.