Jakobo 1:25 - O Debleskro Drom 2021 (Sinte)

²⁵ Koon dikell pale un pale an o Debleskro latcho lab, hoi i menshen win lella dran lengro phuro djipen, ko mensho bistrell gar, hoi job dikas un shunas. Un kowa krella, hoi ko lab penella. Koles dell o Dewel peskri bacht an lauter, hoi job krella.

O Debleskro Lab 2024 (Sinte-Manouche)

²⁵ Koon dikell pale oun pale an o Debleskro lačo lab, hoy i menshen vin lella dran lengro phouro djipen, ko mensho bistrell gar, hoy yob dikas oun shounas. Oun kova krella, hoy ko lab penella. Koles dell o Devel peskri barht an lauter, hoy yob krella.

Jakobo 1:25 ပူးပေါင်းရင်းမြစ်များ

Debleskri gili 106:3

Bachteles hi kolla, kai leskre laba rikrenna, un hako tsiro o tchatchepen krenna.

Debleskri gili 119:32

Miro dji hi dur pre, te krap lauter jaake har tu mandar kameh.

Debleskri gili 119:45

Hoi tu mange penal, krau me. Doleske djau bachteles miro drom.

Gosewe laba 14:15

Koles tchi an o shero hi, kowa patsell hako lab, hoi jek ap leste rakrell. Kones i gosewo dji hi, kowa dell jak, hoi lo krell un kai lo djal.

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

Johanni 13:17

Tumer djinenn kowa kanna halauter. Te krenn tumer kowa, han bachtelo.

Johanni 8:36

Te krell o Debleskro tchawo, kai han buder gar pandlo, jaake han tchatchepah buder gar pandlo.

Bičepangre 13:43

Un har i menshe dran i biboldengri kangri win djan, nashan bud lendar o Pauleske un o Barnabeske palla. Kolla his bibolde un sawe, kai lan i biboldengro patsepen an. Un o Paulo un o Barnabas rakran budeder lentsa un penan lenge: “Rikrenn ap ko patsepen, kai o Dewel i doosh kolendar krik lella, kai patsenn ap leskro tchaweste.”

Bičepangre 2:42

Un hako tsiro wan le khetne un shunan, hoi o Jesuseskre bitchepangre lenge penan. Un jon chan o maro khetne, un mangan o Debles an.

Bičepangre 26:22

O Dewel his hako diwes pash mande. Un kanna hom kate tardo, un penau barenge un tiknenge, hoi o Dewel kras. Me penau tchi wawares, har kol Debleskre rakepangre un o Mose glan i rah tsiro penan.

Remarja 11:22

Jaake dikah, o Dewel nai well latcho, un job nai dell i phagi. Kolla, kai peran leskro dromestar tele, kolen dell lo i phagi. Latcho hi lo ap tumende, kai djiwenn dran leskro latchepen. Te djiwenn tumer buder gar dran leskro latchepen, tchinell lo tumen ninna tele.

Remarja 2:13

Glan o Debleste hi kolla tchatcho, kai krenna, hoi job kamella, un gar kolla, kai shunenn kol laba un krenn gar, hoi kol laba penenna.

Remarja 7:12

Mer djinah: O Moseskre laba wenna o Deblestar. Lauter, hoi job mendar kamella, well lestar, un hi tchatcho un latcho.

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

1. Korintarja 15:58

Doleske, mire kamle phrala, atchenn soreles an o patsepen! Ma mukenn tumen kekestar o Debleskro dromestar tele te anell! Awenn hako tsiro o Debleske koi, un budrenn leske mishto! Tumer djinenna: Kai budi, hoi leske krenna, hi gar tchitcheske.

2. Korintarja 13:5

Dikenn ap tumende, har tumer an o patsepen tardo han! Hi tumaro patsepen tchatcho? Djiwell o Jesus Kristo mank tumende? Te haiwenn tumer gar, te hi lo mank tumende, palle hi tumaro patsepen tchi moldo.

Galatarja 2:4

His wawar mursha koi. Jon kran, har te wans le patsle. Jon kaman te dikell, har kol patsle djiwenna, kai buder gar ap o Moseskre laba pandlo hi. Mer, kai ham buder gar pandlo ap kol laba, djiwah kanna pal o Jesuseskre laba. Un kol mursha, kai djiwenn gar pal o Jesuseskre laba, kaman, te was mer pale pandlo ap o Moseskre laba.

Galatarja 5:1

O Jesus Kristo las men win dran hako koowa, ap kowa pandlo hams. Atchenn soreles un mukenn tumen buder gar te pandell!

Galatarja 6:2

Jek hunte dikell ap ko wawareste un hidjrella leha, hoi an leskro dji leske dukrella. Jaake krenn tumer kowa, hoi o Jesus Kristo tumendar kamella.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.

1. Timoteo 2:15

I djuwel well sharedo, te lell li tchawen, un te patsell li ap o Jesuseste, un te hi lat o Debleskro kamlepen an lakro dji, un te djiwell li i djudjo djipen glan o Debleste un glan i menshende.

1. Timoteo 4:16

De garda ap tute, har tu djiweh un har tu sikreh o Debleskro drom! Kre ko koowa, hoi tuke penom! Jaake djah tu ap o drom pash o Debleste. Un kolla, kai shunenn ap kowa, hoi tu peneh, aneh tu ninna ap ko drom.

Hebrearja 12:15

Denn jak, te tchiwell kek o Debleskro latchepen ap i rig! Denn jak, te djal kek tchilatcho rakepen mashkral tumende trujel, un krell o patsepen bud patslendar paash! Sawo rakepen hi har i tchilatcho chuchur, hoi krell kolen nasselo, kai les chana.

Jakobo 2:12

Rakrenn un djiwenn pal o Debleskro tchatchepen! Kau tchatchepen lell i menshen dran kowa win, hoi len pandas.

1. Petro 2:16

Tumer han buder gar pandlo ap o tchilatchepen. Doleske penenn gar: “Mer nai krah halauter, hoi kamah.” Un pal sawo rakepen khatrenn tumer tumaro tchilatchepen. Ma bistrenn, kai han pandlo ap o Debleste!

1. Johanni 2:24

Tumenge penau: Rikrenn kol laba an tumare djia, hoi shunan, har tumer patslo wan! Te atchenn kol laba an tumende, hoi tumer shunan, har patslo wan, jaake atchenn tumer khetne o Debleskro tchaweha un o Debleha, maro dadeha.

Debleskro tsiro 14:13

Un me shunom, har i rakepen dran o bolepen penas: “Tchin kowa an i liil dren: Kanna un an ko tsiro, hoi wella, hi kolla bachtele, kai merenna un rikran soreles pengro patsepen ap o rajeste, o Jesuseste.” “Awa,” penell o Debleskro Ducho, “lenge djal latches, un jon bistrenn pengri tseli phari budi. Kowa, hoi jon kran o Debleske hi gar bistedo an o bolepen.”

Debleskro tsiro 22:14

Bachtele hi kolla, kai pengre ripja djudjes thowenna. Jon nai chan ko rukestar, hoi o djipen della, un nai djan an kol bare wudja an ko foro dren.

1. Samuel 12:14

Har kamoms, te sharenn tumer o baro Deblestar, kai tumaro Dewel hi, un mangenn les kokres an, un shunenn ap leste un krenn, hoi job tumenge penella! Har kamoms, te djan tumer un tumaro baro rai, kai pral tumende hi, o Debleskro drom!