Jakobo 1:21 - O Debleskro Drom 2021 (Sinte)

²¹ Doleske mukenn hako djunglepen un tchilatchepen! Un patsenn ko lab, hoi o Dewel an tumende tchiwas! Krenn kowa i latcho djijeha! An o Debleskro lab hi koi soor, te lell lo tumen dran o tchilatchepen un o merepen win.

O Debleskro Lab 2024 (Sinte-Manouche)

²¹ Doleske moukenn hako djounglepen oun čilačepen! Oun patsenn ko lab, hoy o Devel an t'mende čivas! Krenn kova i lačo djiyeha! An o Debleskro lab hi koy zoor, te lell lo t'men dran o čilačepen oun o merepen vin.

Jakobo 1:21 ပူးပေါင်းရင်းမြစ်များ

Debleskri gili 25:9

Kolen, kai tele rikedo hi, anell lo ap o tchatcho drom, un sikrell lende, hoi lo lendar kamella.

Jesaja 2:20

Un kol rupene un sonakangre figure, hoi i menshe pen kran, te mangenn le len an, kolen witsrenn le i kermusenge un i fledertikre kermusenge koi.

Jesaja 29:19

Un o baro Dewel krell kolen pale bachtelo, kai wan tele rikedo. Un i tchorwele giwenn i bachtjatar pral o Israeleskro Debleste.

Jesaja 30:22

Palle dikenn tumer ap tumare rupene un sonakangre figure har ap tchomone, hoi pale-tchiddo hi. ‘Krik kolentsa’ penenn tumer un witsrenn len krik har tchik.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Ezekiel 18:31

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Zefanja 2:3

Tumer wawar, kai kran tumen gar bares un rikrenn o Debleskro tchatchepen, tumenge penau: Rodenn o baro Debles! Krenn, hoi glan leste tchatcho hi! Rikrenn tumen gar baro! Nai well, te rikrell lo peskro wast pral tumende, ap ko diwes, kai leskri choli pral i menshende well.

Mateo 5:5

Bachtele hi kolla, kai kek tchingepen krenna. O Dewel dell len i tseli phub.

Johanni 6:63

O Debleskro Ducho hi kowa, kai dell o djipen. O mensheskri soor nai krell kowa gar. Mire laba, hoi me tumenge penom, wan dran o Debleskro Ducho. Doleske anenn le tumenge ko djipen.

Johanni 6:68

“Rai, pash koneste djas mer?” penas o Simon Petro. “Tut hi laba, kai denn men o djipen, hoi gar pre-herella.

Bičepangre 10:33

Un me bitchrom murshen pash tute. Un kowa his mishto, kai tu wal. Kanna ham mer lauter glan o Debleste khetne, te shunas lauter, hoi o Dewel, maro rai, tuke penas.”

Bičepangre 13:26

Mire phrala, tumer, kai han o Abrahameskre menshe, un tumer wawar, kai mangenn o Debles an, tumenge penau: O Dewel bitchras tumenge peskro latcho lab, hoi dell tumen o djipen, hoi gar pre-herella.

Remarja 1:16

Me ladjau gar glan i menshende, te penap lenge o latcho lab o Jesus Kristestar. An kau lab hi o Debleskri soor. Un o Debleskri soor lell kolen dran o tchilatchepen un o merepen win, kai ap ko lab patsenna, – i bibolden un kolen, kai kek bibolde hi.

Remarja 11:17

I bibolde hi har i latcho djeteskro ruk. Ko latcho djeteskro rukestar wan kashta tele tchinlo. Tumer han har i kasht o diwjo rukestar. Un tumer wan ap ko djeteskro ruk dren tchiddo, un djiwenn lestar, un lenn i soor lestar.

Remarja 6:17

Me sharau o Debles. Tumer hans pandlo ap o tchilatchepen, un kanna shunenn tumer o tselo djijeha ap o latcho lab, hoi mer tumenge o Jesus Kristestar penam.

1. Korintarja 15:2

Te rikrenn tumen ap o latcho lab o Jesusestar, jaake har me les tumenge penom, djan tumer gar nashedo. Te wals kowa wawartchandes, wals tumaro patsepen tchitcheske.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Efesarja 1:13

Tumer ninna shunan o tchatchepen. Un tumen was ko drom siklo, hoi anas tumen pash o Debleste. Ko drom hi o Jesus Kristo. Har tumer ap leste patslo wan, das lo tumen o Debleskro Ducho an tumare djia. Glan i rah tsiro penas o Dewel, te dell lo les peskre tchawende. Jaake sikrell lo, koon leskre tchawe hi.

Efesarja 4:22

Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

Efesarja 5:4

Hi witar gar tchatcho o Debleskre tchawenge, te rakrenn le djungele laba, dinelo koowa, un sapaskro koowa, hoi tchi moldo hi! Tumare labentsa sharenn o Debles, un parkrenn tumen pash leste! Kowa krenn un gar ko wawar!

1. Tessalonikarja 1:5

Har wam pash tumende, un penam tumenge o Debleskro latcho lab, koi penam gar leskro lab kokres, na-a, koi dikan tumer ninna o Debleskri soor an halauter, hoi job mashkral tumende kras. Un o Debleskro Ducho rakras ap tumende, un tumer haiwan, leskro lab hi tchatcho. Ninna djinenn tumer, har djiwam maro djipen pash tumende, un sikram tumen o Debleskro drom.

1. Tessalonikarja 2:13

Doleske mukah gar tele, te parkras men pash o Debleste, te patsan tumer o Debleskro lab, hoi tumenge penam. Un tumer haiwan, ko lab well tchatchepah o Deblestar un gar i menshendar. Un tumaro djipen sikrella, te patsenn tumer ap ko lab.

Tito 2:11

Jaake sikras o Dewel, har baro peskro latchepen i tsele menshenge hi. Job kras i drom, te lell lo len dran o tchilatchepen un o merepen win.

Hebrearja 12:1

Kanna dikah, bud bud menshe patsan, te hi kowa tchatcho, hoi o Dewel penas. Mer ham gar kokres, kai patsah. Doleske hunte kras har jon kran, un mukas gar tele te nashas ap o Debleskro drom, hoi glan mende hi. Te tchiwas lauter tele, hoi kamell men pale te rikrell! Ninna hunte tchiwas o tchilatchepen tele, hoi kamell men te taprell.

Hebrearja 2:3

Mer te djah gar ap o newo drom, kai lah o djipen, hoi gar pre-herella, palle wella o Debleskri choli pral mende. Kau newo drom sikras men maro rai Jesus. Un leskre laba hi o tchatchepen. Kolla, kai les shunan, penan les menge.

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

Jakobo 5:20

palle las kawa les dran o merepen win, te djal job gar nashedo. Un leskri bud doosh hi lestar krik lino.

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!

1. Petro 2:1

Doleske mukenn hako tchilatcho koowa! Ma chochenn! Ma rakrenn dui tchipjentsa! Ma silwerenn! Rakrenn kek djungelo koowa pral kekeste!

1. Petro 2:11

Kamle mala, tumer djinenn, kai han gar khere ap kai phub. Me mangau tumen, awenn sorelo! Te well o djungelo koowa an tumare djia pre, palle penenn: “Na-a!” ap kowa un krenn les gar!