Jakobo 1:18 - O Debleskro Drom 2021 (Sinte)

¹⁸ Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

O Debleskro Lab 2024 (Sinte-Manouche)

¹⁸ Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

Jakobo 1:18 ပူးပေါင်းရင်းမြစ်များ

Jeremia 2:3

An ko tsiro hals mange kokres koi, jaake har o newo djob mange hi. Koon tut an-tapras, anas doosh ap peste, un i bibacht was pral leste. Kowa penell o baro Dewel.

3. Mose 23:10

Pen ap i Israelitarja: Te wenn an ko them, hoi me tumen dau, un tumer tchinenn o newo djob tele un pandenn les khetne, palle anenn ko ersto pandepen newo djob glan o rashajeste.

Amos 6:1

Djungeles djal kolenge, kai djiwenn i shukar djipen ap i berga Zion! Djungeles djal kolenge, kai djiwenn an o foro Samaria, un krenn pen kek shero! Djungeles djal tumenge, kai han i raja pral Israel – koi an-dikli natsjona, pash kolende i Israelitarja wenna!

Johanni 1:13

Kowa wan le gar, har jon boldo wan. O newo djipen was gar dran o menshengro kamlepen. Na-a, o newo djipen lan le kokres o Deblestar.

Remarja 4:17

Jaake hi tchinlo an o Debleskro lab: Me krom tut o dad bud menshendar an bud themma. O Abraham dikas ap o Debleste un patsas, te nai krell o Dewel i mulen djido, un nai krell kowa, hoi gomme gar koi his.

1. Korintarja 4:15

Ninna te wals tumen deesh serja sikepangre, kai sikrenn tumen, har te djan ap o Jesus Kristeskro drom, hi tumen jek dad kokres an o patsepen. Kowa hom me. Me penom tumenge o latcho lab o Jesus Kristestar un tumer lan ko lab pre.

2. Korintarja 6:7

Mer penah i menshenge o Debleskro tchatchepen un rakrah dran leskri soor. Kowa, hoi krah un rakrah, hi tchatcho. Jaake hi maro djipen un maro rakepen har i charo, koleha i kurepaskro kurell pes peskro rajeske.

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rajeste, kolestar o Dewel penas, te well job. Un kanna hi lo kai.

Efesarja 1:13

Tumer ninna shunan o tchatchepen. Un tumen was ko drom siklo, hoi anas tumen pash o Debleste. Ko drom hi o Jesus Kristo. Har tumer ap leste patslo wan, das lo tumen o Debleskro Ducho an tumare djia. Glan i rah tsiro penas o Dewel, te dell lo les peskre tchawende. Jaake sikrell lo, koon leskre tchawe hi.

2. Timoteo 2:15

Kre lauter, te wess i latcho budepaskro o Debleske, un hunte ladjess tut gar koleske, hoi tu kreh! Pen o Debleskro lab jaake, har tchatcho hi!

Hebrearja 12:23

Kote wenna o Debleskre tchawe khetne. Lengre laba hi an o bolepen pre tchinlo. Kote hi o Dewel, kai rakrell o tchatchepen win pral i tsele menshende. Kote hi ninna kol tsele patsle, kai meran un kolen o Dewel pash peste las.

Jakobo 1:15

Te shunah ap maro shero, krah mer ko tchilatcho koowa. Un te was ko tchilatcho koowa baro, anell kowa menge o merepen.

Jakobo 1:21

Doleske mukenn hako djunglepen un tchilatchepen! Un patsenn ko lab, hoi o Dewel an tumende tchiwas! Krenn kowa i latcho djijeha! An o Debleskro lab hi koi soor, te lell lo tumen dran o tchilatchepen un o merepen win.

Jakobo 3:14

Te silwerenn tumer un hadenn tumen pre pral i wawarende, ma penenn, kai han gosewo! Kowa wals i chochepen un gar o tchatchepen.

1. Petro 1:23

Tumer wan newes boldo un han tchawe jekestar, kai merell gar. Ko newo djipen lan tumer, har patsan ap o Debleskro lab, hoi hi djido un atchella hako tsiro.

1. Petro 1:3

Mer sharah o Debles, ko dades maro rajestar, o Jesus Kristestar. O Dewel kamas men jaake bud, te was job maro dad un das men o newo djipen. Un an mare djia djinah soreles, jaake har job o Jesus Kristes i mulendar djido kras,

1. Johanni 3:9

Kolla, kai o Debleskre tchawe hi, djiwenn gar an o tchilatchepen. O Debleskre tchawen hi o Debleskro djipen an lende. Un jon nai djiwenn gar an o tchilatchepen.

Debleskro tsiro 14:4

Kolengro djipen hi djudjo. An kek tsireske wan le khetne i djuwjah. Un jon djan o terno bakreske palla, kai job ninna djala. Dran i menshende ap kai phub las job len khetne peske un o Debleske.