Jakobo 1:17 - O Debleskro Drom 2021 (Sinte)

¹⁷ Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

O Debleskro Lab 2024 (Sinte-Manouche)

¹⁷ Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Jakobo 1:17 ပူးပေါင်းရင်းမြစ်များ

1. Mose 41:16

Koi penas o Josef ap o baro rajeste: “Me nai krau kowa gar. O Dewel penella, hoi o baro rajeske mishto hi.”

1. Familjakro liil 22:12

Mu dell lo tut goswepen, te djiness, hoi te kress. Job krell tut rai pral Israel, te djas ap leskro drom.

1. Familjakro liil 29:19

Un miro tchaweste Salomo de i tchatcho dji, te rikrell lo tire laba, un krell, hoi tu lestar kameh, un djiwell pal tiro tchatchepen; te krell job ninna lauter, te well tuke kau kheer kerdo, koleske kau tselo koowa khetne anom.

Debleskri gili 102:27

Jon atchenna gar. Tu hal kowa, kai atchella. Jon wenn phuro un djan paash har i ripen. Tu tchiweh len ap i rig har phure ripja un leh tuke newe. I phure hunte djan penge.

Debleskri gili 122:6

Mangenn o Deblestar i bacht pral o foro Jerusalem un penenn: “Kolenge, kai kamenn tut, Jerusalem, mu djal mishto!

Debleskri gili 136:7

Job kras o kham un o tchon. Leskro latchepen atchella hako tsireske!

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Debleskri gili 85:12

Kate ap kai phub rikrah mer soreles ap o Debleste. Un dran o bolepen well o Debleskro tchatchepen ap mende.

Gosewe laba 2:6

O baro Dewel hi kowa, kai dell goswepen. Lestar well, te djinell un haiwell i mensho bud koowa.

Jesaja 28:26

Un har job kowa hunte krell, sikras les o Dewel, kowa hoi job djinell, well lestar.

Jesaja 45:7

Me hom kowa, kai krell, te well diwes un rati. Me hom kowa, kai dell bacht un bibacht. Me, o baro Dewel, krau kowa lauter.

Jesaja 46:10

An o phuro tsiro penom me glan-wi, hoi wella. Glan rah tsiro rakrom kolestar, hoi gomme gar his. Un me penau: Kowa hoi me mange glan lom, well jaake. Un me krau lauter, hoi kamau te krell.

Jesaja 60:19

Tut hunte well buder gar o kham ap o diwes, witar gar o tchon an i rat, te well tut i momeli. Na-a, o baro Dewel well tuke i momeli hako tsireske. O railepen tiro Deblestar well tiri momeli.

Maleachi 3:6

Me, o baro Dewel, atchau har hom. Un tumer, o Jakobeskre tchawe, atchan ninna har hans:

4. Mose 11:17

Me kamau tele te well, un kote tuha rakrell, un lau i kotar ko duchestar, hoi ap tute hi, un tchiwau les ap lende, te nai krenn jon khetne tuha kai phari budi, hoi hi har i pharo koowa ap tire phika. Tu hunte hidjress kowa gar lauter kokres.

4. Mose 11:25

Koi was o baro Dewel tele an i wolka un rakras o Moseha, un las i kotar ko duchestar, hoi ap leste his, un tchiwas les ap kol efta-deesh phureder. Un har o Debleskro ducho ap lende his, kharan le laba win har kol Debleskre rakepangre. Jon kran kowa kokres kau jek kopo.

4. Mose 23:19

O Dewel hi gar i mensho, kai chochella, witar gar i mensheskro tchawo, koles khaitell, hoi job kras. Penell job tchomone, hoi job gar krella? Penell job kowa, kai rikrell job gar?

Mateo 7:11

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen latcho koowa kolen, kai les mangenna.

Louka 11:13

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen peskro Ducho kolende, kai les mangenna.”

Johanni 1:9

Koi tchatchi momeli was ap i phub, te chatchell li hakeneske.

Johanni 3:27

Koi penas o Johanni ap lende: “Kek nai lell tchomone, te das les o Dewel kowa gar.

Johanni 3:3

Penas o Jesus ap leste: “Tchatchepah, me penau tuke: Kowa, kai well gar o Deblestar newes boldo, nai djiwell gar leha khetne.”

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

Bičepangre 11:18

Har jon kowa shunan, tchingran le buder gar ap o Petreste. Jon sharan o Debles un penan: “O Dewel sikras ninna kolende peskro drom an o newo djipen, kai hi kek bibolde. Jon nai mukenn pengro tchilatcho drom un wenn ap o Debleskro drom.”

Bičepangre 5:31

Koles hadas o Dewel un beshas les ap peskri tchatchi rig, te well lo rai un lell i menshen dran o tchilatchepen un o merepen win. Kowa kras o Dewel, te mukenn i menshe an o them Israel pengro phuro djipen, jaake te nai lell lo lengri doosh lendar krik.

Remarja 6:23

Kowa, kai krell o tchilatchepen, lell peskri phagi. Koi phagi hi o merepen. Kowa, kai patsell ap o Jesus Kristeste, maro rajeste, koles dell o Dewel tchitcheske o djipen, hoi gar pre-herella.

1. Korintarja 4:7

Koon penas tuke, te hal tu feteder har ko wawar? Kowa, hoi tut hi, hi tut o Deblestar. Te das job tut lauter, hoske shareh tut?

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

Efesarja 1:18

Me mangau lestar, te krell lo tumare djia pre, te dikenn tumare djijeskre jakentsa, har baro un shukar kowa hi, hoi job i patslende della ap ko tsiro, kai wenn le pash leste an o bolepen khetne. Job das tumen gole, te lenn kowa lauter.

Efesarja 2:8

Dran peskro latchepen las lo tumen dran o tchilatchepen win, har patsan ap o Jesus Kristeste. Tumer wan nai gar dran tumari soor dran o tchilatchepen un o merepen win. Na-a! O Dewel las tumen win.

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.

Filiparja 1:29

O Dewel hi tumenge latcho, un das tumen o patsepen ap o Jesus Kristeste, un gar o patsepen kokres. Na-a, dran o patsepen ap leste, hunte lenn tumer ninna duka ap tumende.

1. Timoteo 6:16

Job nai merell gar. Job djiwell kote, kai i momeli jaake sorelo hi, kai kek nai dren djala. O Debles dikas kek mensho, un kek mensho nai dikell les. Koles well o tselo railepen un i tseli soor!

Hebrearja 13:8

O Jesus Kristo atchell har job hi: taissar, kau diwes, un hako tsireske.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

Jakobo 3:15

Sawo goswepen well gar o Deblestar. Kowa well o menshestar un o bengestar.

Jakobo 3:17

Ko goswepen, hoi o Deblestar wella, hi wawartchandes. I mensho, kai hi les kau goswepen, kowa djiwell i djudjo djipen. Job kamell te djiwell lo latches i wawarentsa khetne. Job hi kamlo un latcho. Les hi i dji i wawarenge, un krell bud latcho koowa. Job mukell pes gar ap jekeskri rig te tserdell. Les hi gar dui tchipja.

1. Johanni 1:5

Kowa, hoi tumenge penah, shunam o Jesus Kristestar. Lestar shunam, kai hi lauter latchepen an o Debleste. Un kek tchilatchepen hi an leste. O Dewel hi har o diwes un kek tamlepen hi an leste.

1. Johanni 4:10

Kawa hi o Debleskro kamlepen: Hi gar jaake, kai mer kamam o Debles. Na-a, job kamas men, un bitchras peskro tchawes, te lell job mari doosh ap peste.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.

Debleskro tsiro 22:5

An ko foro well buder gar rati. Len hunte well kek momeli, witar gar o kham, te dikenn le. O baro Dewel hi lengri momeli. Un jon hi bare raja hako tsireske.

1. Samuel 15:29

Ko Dewel, koleha o Israel nai sharell pes, kowa chochella gar, un leskre laba khaitenn les gar. Job hi kek mensho, koles peskre laba nai khaitans.”