Jakobo 1:15 - O Debleskro Drom 2021 (Sinte)

¹⁵ Te shunah ap maro shero, krah mer ko tchilatcho koowa. Un te was ko tchilatcho koowa baro, anell kowa menge o merepen.

O Debleskro Lab 2024 (Sinte-Manouche)

¹⁵ Te shounah ap maro shero, krah mer ko čilačo koova. Oun te vas ko čilačo koova baro, anell kova menge o merepen.

Jakobo 1:15 ပူးပေါင်းရင်းမြစ်များ

1. Mose 2:17

Kokres ko ruk, kai della goswepen, hoi hi latcho un hoi hi tchilatcho, kolestar te chas tu gar. Te chah kolestar, mereh.”

1. Mose 3:6

Un koi romni dikas ap ko ruk un penas ap peste: “Mishto wals, te chaus ko rukestar. Shukar hi lo! Un mishto wals, te waus gosewo.” Un joi las o rukestar, chas un das ninna peskro romeste, kai pash late his. Un job chas ninna.

2. Samuel 11:4

Un o David bitchras murshen koi, un mukas lat te lell. Un har joi pash leste was, sowas job pash late. Un palle djas li pale an peskro kheer. [Glan kowa, kai joi pash leste was, kras li kowa, hoi kol djuwjenge an Israel glan tchinlo his, te krenn le pal pengri djuwjengro koowa.]

Hiob 15:35

An lengre sherja hi midjak koowa. Pral pende un i wawarende anenn le bibacht. Un lengre djia hi pherdo phukepen.

Debleskri gili 7:14

Dik, peskro merepaskro charo un i faile, hoi chatchenna, hadas lo pre, te dell lo karje!

Debleskri gili 9:17

O baro Dewel sikras, koon job hi, un das i tchilatchende pengri phagi. I tchilatche pandan pen an koi netsa, hoi jon pengre wastentsa kran.

Gosewe laba 11:19

Te kreh o tchatchepen, hal ap o drom an o djipen. Te nasheh o tchilatchepen palla, djah ap o drom an o merepen.

Jesaja 33:11

Hoi tumenge an o shero trujel djal, hi phuss. Hoi koi pashel win well, hi khass. Tumari choli hi har i jag, hoi tumen kokres pre chal.

Jesaja 59:4

Kekeske tumendar, kai djal glan o tchatchepaskro mursheste, djal trul o tchatchepen. Un kek, kai anell tchomone ap i wawareste pre, penell o tchatchepen. Pash tumende hi jaake: Ap kowa, hoi tchi moldo hi, rikrenn tumen, un rakrenn o chochepen. Kowa, hoi an tumare sherja trujel djal, hi har nai chochenn un dukrenn i wawaren. Ko tchilatcho koowa, hoi win well, anell o merepen,

Mateo 26:14

Pal kowa djas jek kol deesh-te-dujendar, leskro lab hi Judas Iskariot, pash i bare rashajende,

Mateo 5:28

Me penau tumenge: Koon ap i wawareskri romjate dikella, te sowell lo lah, kowa chochras peskri romjat an peskro dji.

Jakobo 1:14

Te mukah mer o tchatcho drom, hi men kokres doosh. Ko tchilatcho koowa, hoi an maro shero trujel djal, kowa well mendar.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.