Jakobo 1:14 - O Debleskro Drom 2021 (Sinte)

¹⁴ Te mukah mer o tchatcho drom, hi men kokres doosh. Ko tchilatcho koowa, hoi an maro shero trujel djal, kowa well mendar.

O Debleskro Lab 2024 (Sinte-Manouche)

¹⁴ Te moukah mer o čačo drom, hi men kokres doosh. Ko čilačo koova, hoy an maro shero trouyel djal, kova vell mendar.

Jakobo 1:14 ပူးပေါင်းရင်းမြစ်များ

1. Mose 3:6

Un koi romni dikas ap ko ruk un penas ap peste: “Mishto wals, te chaus ko rukestar. Shukar hi lo! Un mishto wals, te waus gosewo.” Un joi las o rukestar, chas un das ninna peskro romeste, kai pash late his. Un job chas ninna.

1. Mose 6:5

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

2. Samuel 11:4

Un o David bitchras murshen koi, un mukas lat te lell. Un har joi pash leste was, sowas job pash late. Un palle djas li pale an peskro kheer. [Glan kowa, kai joi pash leste was, kras li kowa, hoi kol djuwjenge an Israel glan tchinlo his, te krenn le pal pengri djuwjengro koowa.]

Hiob 31:27

Miro dji rissras pes gar tchorchanes pash lende, te witsroms me lenge i wasteskri tchum koi!

Hiob 31:9

Te mukas pes miro dji i wawareskri djuwjake dren, un te luroms me ap late pash koleskro wudar,

Gosewe laba 4:23

De jak ap kowa, hoi patseh dur an tiro dji! Kolestar well o djipen.

Jesaja 44:20

Kowa hi jaake, har te mangals lo i jagakri tchik an. Leskro dinelo dji anas les an o chochepen. Kote hatsell lo kek drom win, te penals lo peske: “Rikrau me man gar ap o chochepen?”

Hosea 13:9

Israel, mange sikral o dumo, kai me kokres kowa hom, kai nai lell tut dran o merepen win. Jaake aneh bibacht pral tute.

Mateo 15:18

Te penell i mensho tchilatche laba, wenn kolla dran leskro dji win. Un kol tchilatche laba krenn o menshes pale-tchiddo.

Mateo 15:20

Kowa lauter krell i menshes pale-tchiddo. Job te thowell gar peskre wasta glan o chapen, krell les kowa gar pale-tchiddo.

Mateo 4:1

Pal kowa anas o Debleskro Ducho o Jesuses an o mulo them, kai kamas les o beng o Debleskro dromestar tele te anell.

Mateo 5:28

Me penau tumenge: Koon ap i wawareskri romjate dikella, te sowell lo lah, kowa chochras peskri romjat an peskro dji.

Remarja 7:11

Me nai rikrom kol laba gar. Jaake hatsas o tchilatchepen i drom te chochell lo man, un te anell lo man an o merepen.

Remarja 7:13

Kanna putchau tumendar: Anell man kowa, hoi latcho hi, an o merepen? Na-a. Kowa hi gar jaake. O tchilatchepen, hoi krom, kowa anell man an o merepen. Kol laba, hoi penenn menge, hoi o Dewel mendar kamella, kol laba sikran man, hoi tchilatcho hi, te dikap me, har djungelo o tchilatchepen hi.

Efesarja 4:22

Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Hebrearja 3:13

Rakrenn hako diwes khetne pral o patsepen, te atchenn pash o Debleste! Ko tsiro, kai rakrell o Dewel ap tumende hi kanna. Te shunenn tumer gar ap o Debleste, nai well i tsiro, kai shunenn tumer buder gar, te dell lo tumen gole.

Jakobo 1:13

Te well jek an sawo koowa, hoi kamell les o tchatcho dromestar tele te anell, hunte penell lo gar: “Ko koowa well o Deblestar.” Kek nashte anell o Debles o tchatcho dromestar tele. Un ninna o Dewel anell kekes o tchatcho dromestar tele.

Jakobo 1:15

Te shunah ap maro shero, krah mer ko tchilatcho koowa. Un te was ko tchilatcho koowa baro, anell kowa menge o merepen.