Hosea 9:6 - O Debleskro Drom 2021 (Sinte)

⁶ Dran tumaro them, hoi paash kerdo hi, hunte djan tumenge krik. O them Egiptia lell tumen pash peste pre, un an o foro Memfis wenn tumer paskedo. Kote, kai kanna tumaro kutch rup hi, well subjengro senlepen baro, un subjengre burra wenn baro an tumare khera.

O Debleskro Lab 2024 (Sinte-Manouche)

⁶ Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.

Hosea 9:6 ပူးပေါင်းရင်းမြစ်များ

2. Rajengro liil 13:7

Jaake atchan o rajeske Joahas kek lurde pral, har kokres 50 (paash-sheel) klissepangre, deesh kurepangre wurdja un 10.000 (deesh-serja) pirengre lurde; Kol tsele wawar maras o baro rai pral o them Syria un kras, te wan le har i phubjakri tchik ap o drom.

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Gosewe laba 24:31

Un subjengre burra his koi tardo un lauter djungelo senlepen, un i massuri trul ko kotar them his tele peredo.

Jesaja 11:11

Un ap ko diwes hadell o Dewel peskro wast i duito kopo, te ginell lo kolen win, kai peskre menshendar pral atchan an i themma Assur un Egiptia, Patros, Kush, Elam, Shinar, Hamat, un an kol panjeskre themma.

Jesaja 19:13

I pralstune pral o foro Zoan wan dinele, un i pralstune pral o foro Memfis kran pen tchomone glan. I tsele pralstune an Egiptia anan i menshen ap i chocheno drom.

Jesaja 27:12

I tsiro wella, kai lell o baro Dewel peskre menshen khetne dran o tselo them mank o pani Eufrat un o them Egiptia. Job rodell len win har jek o tikno djob win rodell dran o phuss, jek pal o wawar.

Jesaja 32:13

Ap i hachetikri phub mire menshendar wenn subjengre burra un subjengro senlepen baro. Rowenn ninna trul i khera, kai pherdo sapen his an ko bachtelo foro.

Jesaja 34:13

Un an i rajengre khera djan i subjengre burra pre, un ap i barrengre massurja well subjengro senlepen baro. I diwje djukle djiwenn kote, un bare diwje tchirkle hi kote khere.

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Jesaja 7:23

Un an ko tsiro well jaake: Kote, kai kanna i seri drakengre ruka tardo hi, hoi khetne jek sero rupene beme moldo hi, kote hi palle subjengre burra un subjengro senlepen tardo.

Jeremia 2:16

Ninna tchinenn kol menshe dran Memfis un Tachpanes tuke i tsele balla tiro sherestar tele.

Jeremia 42:22

Doleske shunenn un djinenn: Mank tumende hi sawe, kai wenn maredo o chareha, wawar merenn i bokatar un o djungelo nasslepah kote, kai djan koi, te djiwenn kote.

Jeremia 44:1

Kawa hi kau lab, hoi o baro Dewel penas ap o Jeremia pral kol tsele menshende dran o them Juda, kai djiwenn an o them Egiptia. Jon his an i forja Migdol, Tachpanes un Memfis, ninna an o them Patros.

Jeremia 44:12

Me mukau kekes te djiwell kolendar, kai atchan djido an o them Juda, un kai djan an o them Egiptia, te djiwenn le kote. Jon halauter hunte merenn kote an o them Egiptia. O chareha wenn le maredo, un i bokatar merenn le: i tikne un i bare. Te dikenn wawar menshe, har lenge djal, hi le lenge har praassede menshe, kolendar darenn le. Jon san pral lende. Un te kamenn le jekes te praassell, penenn le: Mu djal tuke har i Israelenge an o them Egiptia!

Jeremia 44:13

Jaake har dom i menshende an Jerusalem i phagi, jaake dau ninna kol menshende dran Juda i phagi, kai an Egiptia djiwenn. Jon merenn o chareha, i bokatar un o djungelo nasslepah.

Jeremia 46:14

Denn win gole an o them Egiptia! Penenn i menshenge an i forja Migdol, Memfis un Tachpanes: Kurenn tumen kolentsa, kai ap tumende pre djan! O charo chal kolen, kai trul tumende hi.

Jeremia 46:19

Tumer Egiptarja, rodenn tumare koola khetne, tumer hunte nashenn tumenge. O foro Memfis well har o mulo them, un chatchedo well lo, jaake kai kek nai djiwell kote.

Ezekiel 30:13

Kawa penell o baro Dewel, maro rai: Me mukau i chochene deblen paash te krell, un lau i figuren dran o foro Memfis krik. Un an o them Egiptia hi buder kek rai. Un bari daar taprell o tselo them.

Ezekiel 30:16

Me tchiwau jag an o them Egiptia. Un pral i menshende an o foro Sin well daar un duk. O foro Theben well tele phagedo. Un an o foro Memfis perenn lurde mashkral ap o diwes dren.

Hosea 10:8

Khetne dine wenn i mulne platse, kai i Israelitarja i chochene deblen an-mangan, un o baro Deblestar tele peran. Subjengro senlepen un subjengre burra wenn bares ap lengre altare. Un jon penenna: Tumer bare un tikne berge, perenn pral mende, un tchakrenn men!

Hosea 11:11

Ninna dran o them Egiptia wenn le trisslepah har tchirkle, un dran o them Assur har taube. Un me mukau len pale an lengre khera te djiwell. Kowa penell o baro Dewel.

Hosea 2:6

Lakre tchawe hi i lubjengre tchawe. Lenge krau miro dji gar pre.

Hosea 7:11

O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.

Hosea 7:13

Bibacht ap lende! Jon djan mandar krik! Merepen pral lende! Jon peran mandar tele! Me kamoms len dran i bibacht te lell, un jon rakrenn chochepen pral mande.

Hosea 7:16

Jon rissrenn pash i debleste, koles kek soor hi. Jon hi har i bango bogo, koleha kek failo kote djal, kai te djal lo. Lengre pralstune hi bare mujengre. Doleske wenn le maredo o chareha. Palle san i Egiptarja pral lende.

Hosea 8:13

Jon anenn mange viechen, un chan pen tchalo ap ko mass. Me, o baro Dewel, dikau gar latches koi pre. Lengri doosh bistrau me gar, un lengro tchilatchepen well pral lende: Jon hunte djan pale an o them Egiptia pale.

Hosea 9:3

Tumer atchenn gar an o them, hoi o baro Dewel tumen das. I menshe dran o them Efrajim hunte djan pale an o them Egiptia, ninna an o them Assur. Kote hunte chan le sawo koowa, hoi pale-tchiddo hi.

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

Zefanja 1:11

Rowenn, tumer parepangre, kai djiwenn an o telstuno kotar o forestar! Kol tsele bikepangre, kai kote pengre lowe krenn, hunte merenna.

1. Samuel 13:6

Har i Israelitarja dikan, har sorelo i Filistarja hi, tapras len i daar, un jon khatran pen an i phub, pal subjengre burra, mank bare barra, an grufte un panjengre chebja.